ထွက်ပေါက်(၄)

ဖုန်းသံတွေ မြည်လာသည်။ ကိုယ်ပိုင်အချိန်ရောင်းခ မရသေးကြောင်းဖတ်ပြီးလို့ စိုးရိမ်ပြီး မေးကြမြန်းကြသည်။ ဘယ်လိုလဲ။ အိုကေပါ။ အဆင်ပြေပါသည်။ ရစရာ ရှိတာများ ရပြီးနောက် ပေးစရာ ရှိတာများ ပေးလိုက်သည်။ လောကကြီးတွင် အပေးအယူ ရှိမှ ၀င်ငွေ လည်ပတ်စီးဆင်းမှု ရှိမည်။ မပေးအယူသာ ရှိသူများကြောင့် ကိန်းဂဏန်းများ အိပ်ပျော်နေကြသည်။ ပျင်းရိငြီးငွေ့ဖွယ် ကောင်းသောနေ့သည် အလုပ်များပြားလွန်းသောနေ့ထက် မိုးပိုရွာသည်။ မိုးရွာနေမှန်းသိလျက်နှင့် ထီးမယူဘဲ ထွက်ခဲ့သည်။ အိမ်မှ အလုပ်အထိ လမ်းတလျှောက် အိမ်မှ ကားဂိတ်အထိ၊ ကားဂိတ်မှ ရထားဘူတာအထိ၊ ဘူတာမှ ရုံးအထိ မိုးစိုမည် မဟုတ်မှန်း သိနေသည်။ လာနေကျလမ်းကြောင်း အတိုင်း စက်ရုပ်များ တန်းစီပြီး ထွက်လာကြသည်။ တိုးဝှေ့ခြင်း၊ တွန်းတိုက်ခြင်းများ မရှိ။ အထပ်နံပါတ် ၃၅ အရောက်တွင် ဓာတ်လှေကားပေါ်က ထွက်ပြီး ရုံးထဲသို့ လှမ်းဝင်လိုက်သည်နှင့် အေးစိမ့်စိမ့်လေများက ဆီးကြိုကြသည်။

မနက်ရှစ်နာရီခွဲမှာ ရုံးကိုအရောက်လာကြပါဟု ပြောလေ့ရှိသော မန်နေဂျာကို ကိုးနာရီထိ မတွေ့။ မေးကြည့်တော့မှ သင်တန်းသွားတက်သည်ဟု ဆိုသည်။ အီးမေးလ်စစ်သည်။ ဘလော့ဂ်တွေ ဖတ်သည်။ ကွန်မန့်တွေ ဟိုရေးဒီရေး လုပ်သည်။ သတင်းတွေ ဖတ်သည်။ ဒီရက်ပိုင်း လုပ်စရာ မည်မည်ရရ မရှိ။ ပရောဂျက်တစ်ခုအပြီးနှင့် နောက်တစ်ခု အစပျိုးချိန်တွင် ဒီလိုပဲ အားယားနေတတ်သည်။ ဖြစ်နိုင်ရင် ဘာမှ လုပ်စရာမရှိဘဲ ထိုင်နေသည်ထက် စာကြည့်တိုက်မှ ငှားလာသော ဒီဘိုးနိုး၏ စာအုပ်ကိုသာ ဖတ်နေချင်သည်။ နာရီကို ကြည့်လိုက်တော့ ၁၁ရက်နေ့ ၁၁နာရီ ၁၁မိနစ်။ ဒီရာသီတွင် မန်ယူအခြေအနေ မကောင်း။ မန်ယူပရိသတ်အများအပြားရှိသော မြန်မာပြည်သူတွေလည်း အခြေအနေ မကောင်း။ မနှစ်ကတော့ မန်ယူ ပရီးမီးယားဗိုလ်စွဲခဲ့သည်။ တချိန်ကတော့ မြန်မာနိုင်ငံကို အခြားအာရှနိုင်ငံများ အားကျ အတုယူခဲ့ရသည်။ အခုတော့.. သရေကျသည်။ ရှုံးပွဲဆက်သည်။ အနီကတ်ပြခံလိုက်ရ လက်နက်အပြခံလိုက်ရဖြစ်နေသည်။ တောင်မင်း မကယ်နိုင် မြောက်မင်း မကယ်နိုင် ဖြစ်နေသောကြောင့် အလယ်အလတ်လမ်းစဉ်ကို လိုက်သော မဇ္ဈိမဒေသက ကုလမင်းထံ အကူအညီ တောင်းသည်။ သို့သော် ကုလမင်းကို ကြိုးကိုင်ချယ်လှယ်နေသည့် စွမ်းအင်မရမှာစိုးသော အိမ်နီးနားချင်းပေါက်ဖော်နှင့် လက်နက်ခဲယမ်း မရောင်းရမှာစိုးသော လက်နက်ကုန်သည်တို့က တင်းတင်းဆုပ်ထားသော လက်များကို ဖြည်ပြလိုက်တော့ “ဗီတို” ဟူသော စကားလုံးကြီး ထွက်ကျလာသည်။ ဗီတိုသည် ဗီရိုလို ထည့်ချင်တာထည့်လို့ မရပေမယ့် လုပ်ချင်တာတော့ လုပ်လို့ရသည်။ Balance of Power .. ဖြစ်အောင် ညီမျှခြင်း၏ တစ်ဘက်စီတွင် ဗီတိုတွေ ပေါင်းထည့်လိုက်သည်။ ထိုအခါ ဘာအဖြေမှ မထွက်တော့။ ဒီလိုနဲ့ပဲ ရ၀မ်ဒါမှာ သုံးလအတွင်း လူတွေ သန်းနဲ့ချီပြီး သေခဲ့သည်။ ခွင့်လွှတ်ခြင်း၊ သည်းခံခြင်း၊ အနစ်နာခံခြင်း ဘာတစ်ခုမှ မရှိဘဲ အခွင့်ကောင်းယူခြင်း၊ အနိုင်ကျင့်ခြင်း၊ ဗိုလ်ကျစိုးမိုးခြင်းသာ တတ်မြောက်ခဲ့သူတွေကို မောင်းထုတ်ဖို့ ပျံရင်းမသေဘဲ တိုက်ရင်းသေခဲ့ရသည့် ငှက်တွေ ဘယ်လောက်များနေပြီလဲ။ စနစ်တကျ ဖျက်ဆီးထားသဖြင့် လူငယ်တွေ စိတ်ပျက် လက်ပျက်ရုံမက ခြေပါ ပျက်နေပြီ။ အားအားရှိ ဘီယာဆိုင်၊ ကာရာအိုကေဆိုင်၊ အနှိပ်ခန်းများသို့ ခြေထောက်တွေ လှည့်နေသည်။ အခု စင်ပေါ်တက်ပြီး မိန့်ခွန်းချွေနေတဲ့ အဘိုးကြီးတွေ အိုပြီး သေတော့ နောက်မျိုးဆက်တက်တဲ့အခါ ကောင်းလာနိုင်တယ်ဟု တစ်ယောက်က ပြောသည်။ ထိုသို့ ပြောသော ပုဂ္ဂိုလ်ကို ထီလက်မှတ်တစ်စောင်ပေးပြီး အတိတ်ရေးခိုင်းကာ ခင်ဗျားအိပ်တော့ဟု ပြောပြီး ထွက်လာခဲ့သည်။ မျှော်လင့်ကြသည်။ ခေတ်တွေ ပြောင်းသွားသည်။ သင်္ဘောဦးတွင် စီးကာ ပါလာမည့် နန်းသိမ်းပွဲခံ မင်းသားကို မျှော်သည်။ ရတနာဂီရိသို့ ပါသွားသည့် မိန်းမကြောက်ရသော မင်းကို မျှော်သည်။ ဖက်စစ်ဂျပန်ကို မျှော်သည်။ မဟာမိတ်တပ်တွေကို မျှော်သည်။ လွတ်လပ်ရေးကို မျှော်သည်။ ကုလတပ်တွေကို မျှော်သည်။ ခေတ်တွေ ပြောင်းသွားသည်။ မျှော်လင့်ခြင်းများ မပြောင်းသေး။ အာဏာရှင်စနစ် မပြောင်းသေး။ ဟေရာကလိုက်တပ်စ်က မြစ်တစ်ခုကို နှစ်ခါ မဆင်းနိုင်ဟု ပြောသွားသည်။ ထို့အတူ ကုန်ဈေးနှုန်းကိုလည်း နှစ်ခါ အတူမတွေ့နိုင်။ တစ်နေ့ တစ်နေ့ တက်နေသော ကုန်ဈေးနှုန်းများနှင့် တစ်နေ့ တစ်နေ့ ကျနေသော စိတ်ဓာတ်များ၊ အနာဂတ်ကို သေနတ်နှင့်မှားပြီး ခါးကြားထိုးထားတဲ့လူများ၊ အတိတ်ကို မျက်လုံးလေးမှိတ်ပြီး အိပ်မောကျနေသူများ၊ ပစ္စုပ္ပန်ကို တရားနဲ့ဖြေရင်း ခန္တီစနေသူများ.. ဒါဟာ ပြဇာတ် တစ်ပုဒ်ဆိုရင်တော့ ကားလိပ်ချဖို့ သင့်နေပြီ။ အဆင်သင့်စောင့်နေသော မကရသေးသည့် အသစ်စက်စက် နောက်ပြဇာတ်တစ်ပုဒ်က “ဒီမိုကရက်တစ်မြန်မာပြည်မှ ကြိုဆိုပါသည်” ။