Sep 5, 2007

ထွက်ပေါက်များ၏ မြစ်ဖျားခံရာမှ မြင်းရိုင်းတစ်ကောင်

စိတ်မွန်းကျပ်မှုတွေကို ခင်ဗျားတို့ ကြုံဖူးကြမှာပဲ။ တခါတလေ အနည်းအကျဉ်း.. တခါတလေ အများအပြား.. တခါတလေ .. မနည်းမများပေါ့ဗျာ။ အဲဒီလို မွန်းကျပ်မှုတွေကို ထားခဲ့ပြီး ထွက်သွားဖို့ ကျွန်တော်တို့တွေမှာ ထွက်ပေါက်တွေ ကိုယ်စီ ရှိတတ်ကြမှာပါ။ ကျွန်တော်က ကဗျာရေးလေ့ရှိသူ ဆိုတော့ များသောအားဖြင့် သိပ်မွန်းကျပ်လာရင် ကဗျာတွေပဲ ရေးဖြစ်တာ များပါတယ်။ တခါတခါ ကဗျာဖွဲ့ဖို့ မဖြစ်နိုင်လောက်အောင်အထိ မွန်းကျပ်လာတဲ့အခါမျိုးတွေမှာ ကျွန်တော် စိတ်ထဲရှိရာတွေကို လျှောက်ရေးနေပစ်မိတတ်ပါတယ်။ တစ်ခုခုရေးမယ်ဆိုပြီး ဦးတည်ရာတစ်ခုကို သွားနေတာမျိုး မဟုတ်ဘဲ စိတ်က ပြေးတဲ့နောက်ကို လက်က လိုက်ပြီး ရေးလိုက်တာမျိုးပါ။ ဒါကြောင့် ကျွန်တော်ရေးတဲ့ ထွက်ပေါက်များကို ဖတ်တဲ့ အခါမှာ သေချာတိကျမှုတွေကို ရှာတွေ့မှာ မဟုတ်ဘဲ နိမိတ်ပုံတွေ၊ အတွေးပုံရိပ်တွေ .. အများအပြားကို ပုံဖျက် ရောနှောထားသလို ကပေါက်တိကပေါက်ချာ ဖြစ်ကောင်းဖြစ်နေမှာပါ။ ဒါကို မော်ဒန်ခေါ်ခေါ် ပို့စ်မော်ဒန်ခေါ်ခေါ် စိတ်အလျဉ်ရေးနည်းခေါ်ခေါ် ကြိုက်တဲ့ တံဆိပ်ကပ်သွားလို့ရပါတယ်။ သေချာတာက ကျွန်တော်ဟာ ပုံစံခွက်ထဲမှာ နေထိုင်တွေးခေါ်ရတာကို ပျင်းရိတဲ့ လူငယ်များစွာထဲက လူငယ်တစ်ယောက်ပါပဲ။

ထွက်ပေါက်များကို အခုရက်ပိုင်းမှာ ကျွန်တော့်အတွက် ထွက်ပေါက်တစ်ခုလို ဆက်တိုက်ရေးချင်ရေးမိနေပေမယ့် ကျွန်တော် ရပ်ချင်တဲ့အခါမှာလည်း ဆက်မရေးဘဲ ရပ်ပစ်လိုက်မှာပါ။ ကျွန်တော် ငယ်ငယ်ကတော့ တရားမှတ်ဖူးပါတယ်။ စိတ်ကို ငြိမ်အောင် ဘယ်လိုကြိုးစားကြိုးစား ဘယ်လိုမှ စုမရပါဘူး။ စိတ်က ဟိုရောက်လိုက် ဒီရောက်လိုက်ဖြစ်ပြီး အချိန်ကုန် သွားတော့တာပဲ။ အခုကတော့ တရားမှတ်တာနဲ့ ပြောင်းပြန်ပါ။ စိတ်ကို ငြိမ်အောင် စုမထားဘဲ သွားချင်ရာသွားဖို့ လွှတ်ပေးလိုက်ပြီး အဲဒီနောက်ကနေ မရအရ စိတ်စေရာကို လိုက်ရေးတာပါ။ ဒါကို ရူးသွပ်ခြင်း တမျိုးလို့ ယူဆမယ်ဆိုလည်း ကျွန်တော် မငြင်းပါဘူး။ ကိုယ်ပိုင်အယူအဆနဲ့ ရှင်သန်ရတဲ့ဘ၀ကိုသာ ကျွန်တော်မြတ်နိုးပါတယ်။ စိုးလွင်လွင်ရဲ့ ကျော်ကြားခဲ့တဲ့ သီချင်းတစ်ပုဒ်ထဲကလို ဆိုရရင်တော့ “ငါ့စိတ်ဓာတ်တွေ ထင်ရာစိုင်းတော့မယ် မြင်းရိုင်းတစ်ကောင်လိုပဲ”

1 comment:

Nhin Pwint Phyu Lay said...

ကျွန်မ ကတော့မွန်းကြပ်လာရင် ဘာမှမလုပ်တတ်အောင်က်ိုတွေဝေနေတတ်ပါတယ်။
ဘာမှလည်းလုပ်လို့မရတော့ပါဘူး။ မလုပ်ဖြစ်တာများပါတယ်။
အဲမျိုးအချိ်န်ဆိုရင်တော့ မှီစရာ ပုခုံးလေးတော့တမ်းတမိသား။......