ဒီကဗျာကို မကြာခင်ထွက်မယ့် သံလွင်အိပ်မက် အတွဲ(၃) အမှတ်(၁)မှာ ထည့်သုံးဖို့ ရည်ရွယ်ခဲ့ပေမယ့် နောက်ဆုံးတော့ တခြားကဗျာကောင်းတွေ ရှိနေတဲ့အတွက် မသုံးတော့ဘဲ ဘလော့ဂ်မှာပဲ တင်ဖို့ ဆုံးဖြတ်လိုက်တယ်။
"အသက်ရှူနေသေးပေမယ့် မျက်လုံးတွေက သေ"
အချိန်လွဲ
နေရာလွဲ
အားလုံးနဲ့ လွဲပြီးမှ မင်္ဂလာပါလို့ ထ နှုတ်ခွန်းဆက်
ဟောဒီကောင်ရဲ့ မျက်လုံးသေတွေ အောက်မှာမှ
ညဉ့်က နက်လွန်းတယ်။
အနေကြပ်
အသေခက်ပြီး
ငွေမက်လှတဲ့ လူတွေအကြား
မျက်လုံးအသေတွေနဲ့ပဲ ဟိုဟိုဒီဒီ လမ်းသလားနေခဲ့။
မြင်တာကို မမြင်သယောင်ပြုရ
မမြင်တာကို မြင်သယောင်ပြုရ
မြင်ယောင်လာရင် မျက်လုံးကို မှိတ်ပစ်ရ
မျက်လုံးကို မှိတ်ပစ်ရတဲ့အခါ မျက်ရည်ကျရ
မျက်လုံးတွေ သေပေမယ့် ခံစားမှုက အရောင်းထိုင်းမသွားဘူး
အကျဉ်းအကျယ်ဟာ ဘောင်အတူတူ ဖြစ်သလို
အလင်းအမှောင်ဟာလည်း အရောင်အတူတူ ဖြစ်လေရဲ့။
အရေးမကြီးတာတွေ ထားခဲ့ဖို့ ကောင်းပြီဆိုတာ
ရေးကြီးခွင်ကျယ်လုပ်ပြီး ပြောမနေပါနဲ့တော့
လျှော့လိုက် တင်းလိုက်..
ဘ၀ကို စိန်ပြေနပြေ မျှားခဲ့ပြီးမှ
မျက်လုံးအသေတွေချည်း တခုတ်တရ မိခဲ့တယ်။
ခေလွန်း
မကြာခင်ထွက်မယ့် သံလွင်အိပ်မက် အသစ်မှာ ပါဝင်ဖို့ ရွေးချယ်ထားတဲ့ ကဗျာ (၉) ပုဒ်ကတော့
(၁)ခေါင်းစဉ်မရှိ စောင့်စားခြင်း - ခန့်နေ
(၂)ရင်ထဲက ဒီဇင်ဘာ - ချိုဧပရယ်
(၃)ချစ်လမ်းရယ်ခေ - မွန်းသက်ပန်(ဆေး ၁)
(၄)သွေးစုပ်ဖုတ်ကောင် - ပန်ဒိုရာ
(၅)အင်စတော်လေးရှင်းဝါကျများ - မိုးလှိုင်ည
(၆)သင်ရိုးမရှိတဲ့ကျောင်း - နေဘုန်းလတ်
(၇)သဒ္ဓါပေါက်လို့ လာရောက်လှူဒါန်းတယ်ဆိုလည်း - သိုးထိန်း
(၈)ငတုံးတစ်ကောင်ရဲ့ ပရမ်းပတာ - ဇေသန်း
(၉)စေ - ညနေဥာဏ်
Jan 20, 2009
အသက်ရှူနေသေးပေမယ့် မျက်လုံးတွေက သေ
Sep 3, 2008
သံလွင်အိပ်မက်မဂ္ဂဇင်း အတွဲ (၂) အမှတ် (၃) အတွက် စာမူများပေးပို့နိုင်
သုံးလ တစ်ကြိမ် ထုတ်ဝေနေကျ သံလွင်အိပ်မက်မဂ္ဂဇင်းအား လာမည့် အောက်တိုဘာလတွင် ဆက်လက် ထုတ်ဝေသွားမည် ဖြစ်သည့်အတွက် ကဗျာ၊ ၀တ္ထု၊ ဆောင်းပါး၊ အက်ဆေး၊ ကာတွန်း စသဖြင့် စာမူ ပေးပို့လိုသူများသည် စက်တင်ဘာလ ၃၀ ရက်နေ့ နောက်ဆုံးထားပြီး thanlwinainmat@gmail.com သို့ ပေးပို့နိုင်ကြပြီ ဖြစ်သည်။ ဓာတ်ပုံကဏ္ဍအတွက်လည်း မိမိစိတ်ကြိုက် ရိုက်ကူးထားသော ဓာတ်ပုံကို ရှင်းလင်းဖော်ပြချက်နှင့် တကွ ပေးပို့နိုင်သည်။
သံလွင်အိပ်မက်သည် လူငယ်များအား ကိုယ်စားပြုသည့် အင်တာနက်မဂ္ဂဇင်းတစ်စောင် ဖြစ်သည်နှင့်အညီ သံလွင်အိပ်မက် မဂ္ဂဇင်းတွင် ရေးသားလျက်ရှိသော ပင်တိုင် ကလောင်ရှင်များသာမက ကလောင်သစ်များကိုပါ ရေးသားပေးပို့ရန် ဖိတ်ခေါ်အပ်ပါသည်။
သံလွင်အိပ်မက်၏ မူအရ အခြားသော အင်တာနက်စာစောင်၊ မဂ္ဂဇင်းများ၊ ဘလော့များတွင် ဖော်ပြပြီး ဖြစ်သော စာမူများအား လက်မခံပါ။ ပြည်တွင်းရှိ ဂျာနယ်၊ စာစောင်၊ မဂ္ဂဇင်းများတွင် ဖော်ပြပြီးသော စာမူဖြစ်ပါက မည်သည့်လထုတ် မည်သည့် စာစောင်တွင် ပါဝင်ခဲ့သော စာမူဖြစ်သည်ကို ဖော်ပြရန် လိုပါသည်။ ထို့ပြင် စာရေးသူသည် ဘလော့ဂါတစ်ဦး ဖြစ်ပါက မိမိ၏ ဘလော့တွင် ဖော်ပြပြီး ဖြစ်သော ဘလော့ဂ်ပို့စ်များကို ပေးပို့ခြင်း မပြုပါရန်၊ သံလွင်အိပ်မက်သို့ ပေးပို့ထားသော စာမူများကို သံလွင်အိပ်မက် မထွက်မီ မိမိ၏ ဘလော့တွင် ဖော်ပြခြင်း မပြုပါရန် မေတ္တာရပ်ခံအပ်ပါသည်။ သံလွင်အိပ်မက် မဂ္ဂဇင်း ထွက်ရှိပြီးပါက ထိုမဂ္ဂဇင်းပါ မိမိ၏ စာမူကို မိမိပိုင် ဘလော့တွင် ပြန်လည်ဖော်ပြနိုင်ပါသည်။
စာမူများကို ဇော်ဂျီသို့မဟုတ် ၀င်းစာလုံးဖြင့် ပေးပို့နိုင်ပြီး ဇော်ဂျီစာလုံး ဖြစ်လျှင် ပိုမိုကောင်းမွန်ပါသည်။ ကွန်ပျူတာဖြင့် မြန်မာစာလုံးများ ရိုက်ရန် အခက်အခဲရှိသူ၊ အဆိုပါ မြန်မာစာလုံးများ မရှိသူများအနေဖြင့် Scan လုပ်ထားသည့် စာမူများကိုလည်း ပေးပို့နိုင်ပါသည်။
ပြည်တွင်းပြည်ပရှိ မြန်မာလူငယ်လူရွယ်များ အတွက် အသိပညာ၊ အတတ်ပညာ၊ ရသ နှင့် ဗဟုသုတပေးစွမ်းနိုင်မည့် စာမူများအား သံလွင်အိပ်မက် အယ်ဒီတာအဖွဲ့မှ ဦးစားပေး ရွေးချယ်သွားမည် ဖြစ်သည်။
သံလွင်အိပ်မက် မဂ္ဂဇင်း အတွဲ (၂) အမှတ် (၃) အတွက် အစည်းအဝေးကို တနင်္ဂနွေနေ့ညက ကျင်းပခဲ့ပြီး မတရားဖမ်းဆီး အကျဉ်းချခြင်း ခံနေရသည့် အယ်ဒီတာဖြစ်သူ ကိုနေဘုန်းလတ်မှ အပ သံလွင်အဖွဲ့သားများ စုံလင်စွာ တက်ရောက်ကြသည်။
(သံလွင်သတင်း)
Jul 22, 2008
သံလွင်ဒေါ့ကွန်းနဲ့ သံလွင်အိပ်မက် ထွက်ပါပြီ
အခက်အခဲတွေကြားကပဲ သံလွင်ဒေါ့ကွန်းနဲ့ သံလွင်အိပ်မက်ကို ကျွန်တော်တို့ ဇူလိုင်လ ၂၁ ရက် ယနေ့မှာ စောင့်မျှော်နေတဲ့ ပရိသတ်ဆီ အရောက်ပို့နိုင်ခဲ့ပါပြီ။ မနက်ကတည်းက ဒီပို့စ်ကို ရေးသင့်ပေမယ့် ကိုယ်တွေလက်တွေ ညောင်းကိုက်ပြီး ဘယ်လိုမှ မရေးနိုင်လို့ စီဘောက်စ်မှာ ထွက်ပြီဆိုတဲ့အကြောင်း ရေးထားခဲ့ပြီး ပို့စ်ကို အခုမှ ရေးဖြစ် ပါတယ်။ ဖျားနေတယ် ဆိုပါတော့။ တစ်နေ့လုံး အိပ်နေလိုက်တာ အတော် လန်းဆန်းသွားပါပြီ။ သံလွင်အိပ်မက် မထွက်သေးဘူး ဆိုရင် စောင့်နေတဲ့ ပရိသတ်တွေက မထွက်သေးဘူးလား လို့ တဖွဖွ မေးတတ်ကြတယ်။ “မကြာခင် ထွက်နိုင်အောင် လုပ်နေပါတယ်” လို့ ပြန် ဖြေရတိုင်း စောင့်နေတဲ့ သူတွေကို အားနာမိတာ အမှန်ပဲ။ ဒါပေမယ့် အဲဒီ “ထွက်ပါပြီ” ဆိုတဲ့ စကားတစ်ခွန်းကို ပီပီပြင်ပြင် ကြေညာနိုင်ဖို့ ကျွန်တော်တို့ နောက်ကွယ်မှာ ဘယ်လောက် effort စိုက်ထုတ်ခဲ့ရသလဲဆိုတာ သူတို့တတွေ သိချင်မှ သိမယ်။ အရင်းအနှီးကလည်း မသေးပါဘူး။ စိုက်ထုတ်ကြရတဲ့ အချိန်၊ လုပ်အား၊ ပျက်ကွက်ရတဲ့ လူမှုရေးကိစ္စတွေ၊ ကိုယ်ရေးကိုယ်တာကိစ္စတွေ .. ပြီးတော့ အိပ်ရေးပျက်ရတဲ့ ညတွေ။ အထူးသဖြင့် အခု သံလွင်အိပ်မက် အတွဲ ၂ အမှတ် ၂ လို portal တစ်ခုလုံးကို အသစ် ပြန်ဆောက်ရတဲ့အခါ ပုံမှန် ထုတ်နေကျထက် အားထုတ်မှု ၂ ဆ ပိုစိုက် ရပါတယ်။ Webmaster အနေနဲ့ရော.. အယ်ဒီတာအနေနဲ့ပါ Role နှစ်ခု ယူရတဲ့အတွက် ပို ပင်ပန်းပါတယ်။ သံလွင်ဝိုင်းတော်သားများ အားလုံးကသာ ညီညီညွတ်ညွတ်နဲ့ ၀ိုင်းမလုပ်ကြရင် အချိန်မီ ပြီးမှာ မဟုတ်ဘူး။
CMS (Content Management System) ဆိုတာ ဘာမှန်း သေချာမသိပေမယ့် သင်ယူချင်စိတ်ရှိပြီး လိုအပ်တာတွေကို တဖက်တလမ်းကနေ ကူညီခဲ့တဲ့ ကျွန်တော့် ဘ၀လက်တွဲဖော် စကားပန်း၊ မျက်နှာဖုံး ဒီဇိုင်းကို ဟိုဟာထည့်လိုက်ပါလား၊ ဒီလိုဆို ကောင်းမယ်ဆိုပြီး ကျွန်တော် တောင်းဆိုသမျှ မညည်းမညူလုပ်ပေးခဲ့တဲ့ မောင်ပွတ်၊ မာတိကာကို မထွက်ခင်ညမှာ မိုးအလင်း လုပ်ပေးသွားတဲ့ ဇင်ကိုလတ်၊ လိုအပ်မယ် ထင်တဲ့ အပိုင်းတွေကို ဖြည့်ရေးပေးတတ်တဲ့ ကိုငယ်၊ စာမူများကို ဘလော့မှာ မတင်ဘဲ သံလွင်အိပ်မက်အတွက် ချန်ထားပေးခဲ့ကြတဲ့ သူငယ်ချင်း ဘလော့ဂါ အစ်ကိုအစ်မများ၊ ဓာတ်ပုံများ ပေးပို့ခဲ့ကြသူများ၊ အိုင်ဒီယာချပေးရင် လက်မနှေးဘဲ ကာတွန်း ဆွဲပေးတတ်တဲ့ KNT၊ ကာတွန်း အသုံးပြုခွင့်ပေးခဲ့တဲ့ ဆရာအော်ပီကျယ်၊ လက်ရေးစာမူတွေကို ဇော်ဂျီဖွန့်နဲ့ ကူရိုက်ပေးခဲ့တဲ့ မမယ်လိုဒီမောင်နဲ့ KPZ အစရှိသူတွေ အားလုံး အားလုံးကို ကျေးဇူး အထူးတင်ပါတယ်။ သံလွင်အိပ်မက်ထွက်တိုင်း မပျက်မကွက် အားပေးတတ်တဲ့ စာဖတ်ပရိသတ်ကိုလည်း ကျေးဇူးတင်ရှိပါတယ်။
အတွဲ ၂ အမှတ် ၃ ကျရင်တော့ ဒီ Thanlwin.com portal ငြိမ်သွားပြီ ဖြစ်တဲ့အတွက် အခု တစ်စောင်လောက် ပင်ပန်းတော့မယ် မထင်ပါဘူး။ ပြောစရာ ရှိတာက သံလွင်အိပ်မက်မှာ ဒီတခါ သီချင်းကဏ္ဍ မပါဘူး။ မြန်မာ mp3 သီချင်းတွေ ပေးနေတဲ့ ဘလော့တွေ ၀က်ဆိုက်တွေ အများအပြား ပေါ်ထွက်လာတာကြောင့် ဒီကဏ္ဍကို ဖြုတ်လိုက်တဲ့အတွက် ဘာမှ ဆုံးရှုံးမှု ကြီးကြီးမားမား ဖြစ်မယ် မထင်လို့ ကျွန်တော်တို့ မထည့်တော့ဘူး။ နောက် သံလွင်စကားဝိုင်း ကိုတော့ ပြီးခဲ့တဲ့ စကားဝိုင်းရဲ့ တုံ့ပြန်မှု အားနည်းခဲ့တာကြောင့် ကျွန်တော်တို့ review ပြန်လုပ်ဖို့ လိုမယ်ဆိုပြီး ဖြုတ်ထားလိုက်ပါတယ်။ နောင် အသစ်ထွက်မယ့် သံလွင်အိပ်မက်မှာတော့ စကားဝိုင်းကဏ္ဍ ပြန်ပါကောင်း ပြန်ပါလာပါမယ်။
သံလွင်.com မှာ ကျွန်တော် Subdomain သုံးခု ဖန်တီးထားတယ်။
၁) thanlwinainmat.thanlwin.com
အဲဒီကို သွားလိုက်ရင် သံလွင်အိပ်မက် မျက်နှာဖုံး စာမျက်နှာကို တန်းရောက်သွားပါမယ်။ သံလွင်.com ကို နှိပ်ပြီး အဲဒီကတဆင့် သံလွင်အိပ်မက်ကို ဖတ်ရတာနဲ့ အတူတူပါပဲ။
၂) blogs.thanlwin.com
အဲဒီမှာ ကျွန်တော် လက်လှမ်းမီသလောက် သူငယ်ချင်း ဘလော့ဂါတွေရဲ့ ဘလော့ Feed တွေကို Subscribe လုပ်ထားပါတယ်။ ဆိုတော့ သူတို့ ဘလော့တွေမှာ ပို့စ်အသစ်တင်တိုင်း အဲဒီက တဆင့် တထိုင်ထဲ ဖတ်နိုင်ပါတယ်။ မိမိ ဘလော့ Feed ကို တင်ချင်တဲ့ သူငယ်ချင်းများ thanlwinainmat@gmail.com သို့မဟုတ် nyinyiprogrammer@gmail.com ကို ဆက်သွယ် စာရင်းပေးနိုင်ပါတယ်။
၃) news.thanlwin.com
ဒါကတော့ Yahoo, Google က News မှာ Keywords "Myanmar, Burma" စသဖြင့် ရိုက်ရင် ထွက်လာမယ့် သတင်းတွေ၊ ပြီးတော့ Mizzima, ဒေါက်တာလွဏ်းဆွေ , မိုးမခ စတဲ့ မြန်မာ့သတင်းမီဒီယာတွေ သတင်းအသားပေး ဘလော့တွေက Feed တွေကို တထိုင်ထဲ ဖတ်နိုင်ပါတယ်။ ဟိုသွားဖတ်လိုက် ဒီသွားဖတ်လိုက် အလုပ်မရှုပ်တော့ပါဘူး။
သံလွင်ဒေါ့ကွန်းနဲ့ သံလွင်အိပ်မက်မှာ အားနည်းချက်တွေ၊ လိုအပ်ချက်တွေ အများကြီး ရှိမှာပါ။ ဒါကို နားလည်ပေးကြဖို့နဲ့ အားနည်းချက်တွေ လိုအပ်ချက်တွေကို ထောက်ပြဝေဖန် အကြံပေးကြဖို့ ပန်ကြားလိုပါတယ်။
သံလွင်အ်ိပ်မက်ကတော့ မရပ်မနား တသွင်သွင်စီးဆဲပါ။ ခင်ဗျားတို့ စူးစူးစိုက်စိုက် နားစွင့်ကြည့်တဲ့အခါ “သံလွင်ကို အိပ်မက်တဲ့အခါ ကျွန်တော်တို့ရဲ့ တေးသွားကို ကြားရပါလိမ့်မယ်.... ”
Jul 3, 2008
သံလွင်ဒေါ့ကွန်း၊ သံလွင်အိပ်မက်နဲ့ ကျွန်တော်
သံလွင်ဒေါ့ကွန်းမှာ ဘာတွေပါလာမလဲဆိုရင် ပုံမှန် web portal တွေမှာ ပါနေကျအတိုင်း ဖိုရမ်ပါမယ်။ သံလွင်စကားဝိုင်းကို သံလွင်အိပ်မက်ဘလော့ကနေ ဖိုရမ်ကို ရွေ့ပါမယ်။ ဧည့်စာအုပ် (Guestbook) ပါမယ်။ သတင်းတွေ ပါမယ်။ အဆင်သင့်ရင် သင့်သလို သတင်းတွေကို update လုပ်သွားမှာပါ။ ပြီးတော့ News Feed ပါမယ်။ အဲဒါက မြန်မာပြည်နဲ့ ပတ်သက်တဲ့ သတင်းတွေကို RSS Feed ပေးတဲ့ နေရာတွေကနေ အလိုလို လှမ်းဆွဲပြီး ပြမှာပါ။ သဘောက Google News သွားလိုက် Yahoo News သွားလိုက် လုပ်ပြီး Myanmar, Burma စတဲ့ Keyword တွေနဲ့ တကူးတက သွားဖတ်စရာ မလိုတော့ပါဘူး။ အဲလိုသတင်းတွေကို ဖတ်လို့ ရအောင် http://news.thanlwin.com ဆိုပြီး sub-domain တစ်ခု ဖန်တီးပေးသွားမှာပါ။ ဒီ News Feed မှာ ပါမယ့် နောက်တစ်ခုက Myanmar Blog Feed ပါ။ ကျွန်တော်တို့ကို စာရင်းပေးထားမယ့် မြန်မာဘလော့ရဲ့ ပို့စ်တွေကို ပို့စ်အသစ်တင်တာနဲ့ သူ့အလိုလို ဖော်ပြပေးပါမယ်။ စိတ်ပါဝင်စားသူ ဘလော့ဂါများ ဒီပို့စ်ရဲ့ ကွန်မန့်မှာ ဘလော့လိပ်စာ ထားခဲ့ပေးပါ။ လောလောဆယ်တော့ သတင်းတွေနဲ့ ဘလော့တွေကို ရောထားပါတယ်။ နောက်ပိုင်းမှာတော့ ဘလော့တွေ သိပ်များလာရင် သက်သက်စီခွဲထားဖို့ စဉ်းစားထားပါတယ်။ subdomain ကိုလည်း http://blogs.thanlwin.com ဆိုပြီး လုပ်မယ်လို့ တွေးထားပါတယ်။ နောက်တစ်ခုက Today in History ဆိုတဲ့ စိတ်ဝင်စား စရာ ကဏ္ဍပါ။ ဒီနေ့ဟာ သမိုင်းက ဘယ်လိုနေ့စွဲမျိုးလဲ ဆိုတာ ကြည့်လို့ရပါတယ်။ ကမ္ဘာပေါ်က အထင်ကရနေ့စွဲတွေနဲ့အတူ မြန်မာပြည်နဲ့ သက်ဆိုင်တဲ့ အထင်ကရ နေ့စွဲတွေကို တဖြည်းဖြည်းချင်း update လုပ်သွားပါမယ်။ ဥပမာ - ၇ ဇူလိုင်၊ ၁၉ ဇူလိုင်၊ ဖေဖော်ဝါရီ ၁၂၊ သြဂုတ် ၈ စသဖြင့်ပေါ့။ နောက်ကဏ္ဍတစ်ခုက Web Links ပါ။ ဒါကတော့ စိတ်ဝင်စားဖို့ကောင်းတဲ့ web site တွေ၊ ပညာရေး၊ ဘာသာရေး၊ ဂီတ၊ သတင်း စသဖြင့် အသုံးဝင်နိုင်မယ့် web site တွေကို Web Directory တစ်ခု ဖန်တီးထားမှာပါ။ နောက်ဆုံး ကဏ္ဍကတော့ မြန်မာတွေအတွက် Yellow Pages ပါ။ ဒေါ်သန်းသန်းနုဆိုင် ဖုန်းနံပါတ်ပေးပါဦး။ စင်းမြန်မာ လိပ်စာသိလား။ မော်လမြိုင်ကို ငွေလွှဲနှုန်းမေးမလို့ ဖုန်းနံပါတ်ရှိလား စတဲ့ မေးခွန်းတွေအတွက် ပြည်ပရောက် မြန်မာတွေရဲ့ စီးပွားရေး လုပ်ငန်းတွေကို Yellow Pages မှာ ဖော်ပြပေးပါမယ်။ လောလောဆယ်တော့ စင်္ကာပူကို အဓိကထားပြီး နောက်ပိုင်း တဖြည်းဖြည်း တိုးချဲ့သွားနိုင်မယ်လို့ မျှော်လင့်ပါတယ်။
သံလွင် အတွဲ ၂ အမှတ် ၂ ကိုတော့ ဂျူလိုင်လထဲမှာ ထုတ်ဝေနိုင်ဖို့ ကျွန်တော်တို့တွေ ကြိုးစားနေကြပါတယ်။ စာမူပေးပို့သူများ အားလုံးကို ကျေးဇူးတင်ပါတယ်။ ထပ်မံပြီး စာမူပေးပို့လိုသူတွေ အနေနဲ့ ဇူလိုင် ၇ ရက်နေ့ နောက်ဆုံးထားပြီး thanlwinainmat@gmail.com ကို ပေးပို့နိုင်ပါတယ်။ သံလွင်ကို အသွင်ပြောင်းတဲ့အနေနဲ့ အတွဲ ၂ အမှတ် ၁ ဆိုပြီး ကျွန်တော်တို့ လုပ်ခဲ့တာကို မှတ်မိကြမှာပါ။ အခု သံလွင် အတွဲ ၂ အမှတ် ၂ .. (ကျွန်တော်တို့ ခေါ်ကြတဲ့ Code name ကတော့ သံလွင် 2.2 ) ကိုတော့ သံလွင်ဒေါ့ကွန်းမှာ တပါတည်း ထည့်သွင်းမှာပါ။ ဘလော့တွေမှာလိုပဲ စာဖတ်သူတွေရဲ့ အမြင်တွေကို ဖော်ပြနိုင်မယ့် ကွန်မန့်တွေပါလာမယ့်အပြင် အယ်ဒီတာတွေရဲ့ ကွန်မန့်တွေ သီးခြားပါလာမယ်။ Vote/Rating ပေးလို့ ရမယ်။ Favourite အနေနဲ့ ပေးလို့ရမယ်။ ဖတ်ပြီး ကြိုက်နှစ်သက်ရင် Del.icio.us မှာ သိမ်းလို့ ရမယ်။ ဒါမှ မဟုတ် သူငယ်ချင်းမိတ်ဆွေတွေဆီကို အီးမေးလ်ပို့ပြီး ဝေငှနိုင်မယ်။ Printer Friendly Version နဲ့ Print ထုတ်ပြီး သိမ်းထားလို့ရမယ်။ အဲလိုမဟုတ်ဘဲ soft copy နဲ့ လိုချင်ရင် Pdf version ထုတ်လို့ ရမယ်။ Rate အများဆုံး၊ လူအဖတ်အများဆုံး၊ ကွန်မန့်အများဆုံး စတဲ့ statistics တွေကိုလည်းကြည့်နိုင်မယ်။ ဒီတော့ လာမယ့် သံလွင် အတွဲ ၂ အမှတ် ၂ ဟာ ကျွန်တော်တို့ သံလွင်အိပ်မက် အဖွဲ့အတွက် တကယ့်ကို breakthrough ပါ။ အတတ်နိုင်ဆုံး ကြိုးစားထားပါတယ်။ မကြာခင်တော့ စာဖတ်သူတွေ ရှေ့မှောက်ကို အရောက်ပို့ပေးနိုင်မှာပါ။
ည ၂ နာရီ ၃ နာရီအထိ မအိပ်ဖြစ်ဘဲ ဒီပရောဂျတ်တွေထဲ နစ်နေလို့ အိပ်ရေးပျက်တဲ့ ရက်တွေ များနေပါပြီ။ ဒါပေမယ့် သံလွင်ဒေါ့ကွန်းရဲ့ အောင်မြင်မှု၊ သံလွင်အိပ်မက်ရဲ့ အောင်မြင်မှုကို မဝေးတော့တဲ့ အချိန်မှာ တွေ့ရတော့မယ်ဆိုတဲ့ မျှော်လင့်ချက်နဲ့ ... ။
Apr 17, 2008
နှစ်သစ်အမီ အကြာရှည်ဆုံး မက်ခဲ့ရတဲ့ အိပ်မက်
ကျွန်တော့်ဘလော့ဂ်ကို လာရောက်လည်ပတ်ကြသူတွေ အားလုံး မင်္ဂလာ နှစ်သစ်ဖြစ်ပါစေ။ အဲ.. လာမလည်နိုင်တဲ့သူတွေလည်း မင်္ဂလာနှစ်သစ် ဖြစ်ပါစေ။
မြန်မာနှစ်သစ်နဲ့အတူ ကျွန်တော်တို့တတွေ အကြာရှည်ဆုံး မက်ခဲ့ရတဲ့ အိပ်မက်တစ်ခုဖြစ်တဲ့ သံလွင်အိပ်မက် အတွဲ(၂) အမှတ်(၁) ကို ထုတ်ဝေနိုင်ခဲ့ပါပြီ။ သံလွင်အိပ်မက်ထွက်ပြီလားလို့ မေးနေတယ်ဆိုတဲ့ မတရား အဖမ်းဆီးခံထားရတဲ့ သူငယ်ချင်း နေဘုန်းလတ် တစ်ယောက်လည်း သံလွင်အိပ်မက် ထွက်ပြီဆိုတဲ့ သတင်းကို ကြားရရင် ကျေနပ်လိမ့်မယ်လို့ မျှော်လင့်ပါတယ်။ ထို့အတူပဲ သံလွင်အိပ်မက် မထွက်သေးဘူးလားလို့ တမေးထဲ မေးနေကြတဲ့ သူငယ်ချင်းတွေ၊ စာဖတ်ပရိသတ်တွေကိုလည်း အကြောင်းအမျိုးမျိုးကြောင့် မမျှော်လင့်ဘဲ အိပ်မက်ရှည်ကြီး တစ်ခုမက်နေခဲ့ရသလို ထွက်ဖို့ ကြာမြင့်နေခဲ့ရတဲ့အတွက် ခွင့်လွှတ်နားလည်ပေးကြဖို့ တောင်းပန်ပါရစေ။
အရင်ကထွက်ခဲ့တဲ့ အမှတ်(၁)ကနေ အမှတ်(၁၁) ကို ကျွန်တော်တို့တတွေ အတွဲ(၁) အနေနဲ့ သတ်မှတ်ယူဆပြီး အခု ၂၀၀၈ အတွင်းမှာ ဆက်လက်ထွက်ရှိလာမယ့် သံလွင်အိပ်မက် အွန်လိုင်းမဂ္ဂဇင်းအသစ်များကိုတော့ အတွဲ(၂) အနေနဲ့ သတ်မှတ်ပါမယ်။ နှစ်ဟောင်းနဲ့ အတူ ကျွန်တော်တို့ရဲ့ မဂ္ဂဇင်းစတိုင်အဟောင်းဖြစ်တဲ့ Flash Paper များကို ထားခဲ့ပြီး ဇော်ဂျီစာလုံးများနဲ့ ဖွဲ့စည်းတည်ဆောက်ထားတဲ့ မဂ္ဂဇင်း version အသစ်နဲ့ နှစ်သစ်ကို စတင် ၀င်ရောက်ပါမယ်။ ဇော်ဂျီစာလုံးများနဲ့ အစားထိုး သုံးစွဲဖို့ မြန်မာဘလော့ဂ်များ စတင် ခေတ်စားကာစ ကာလတစ်ခုကတည်းက ရည်ရွယ်ခဲ့ပေမယ့် ဇော်ဂျီစာလုံးကို အသုံးပြုထားတဲ့ သံလွင်အိပ်မက်ဘလော့ဂ်ကို တည်ထောင်ထားခြင်းဖြင့်သာ နှစ်သိမ့်နေခဲ့ရပါတယ်။ အကြောင်းရင်းကတော့ ဇော်ဂျီ မြန်မာစာလုံး မရှိသူတွေ ဘယ်လိုဖတ်ကြမလဲဆိုပြီး တွေးတာရယ်၊ နောက်ပြီး အဲဒီလို ပြောင်းလဲဖို့ လူအင်အား နည်းပညာအင်အား မလုံလောက်သေးတာရယ်ကြောင့် အစီအစဉ်ကို ရွှေ့ဆိုင်းဖြစ်ခဲ့ပါတယ်။
၂၀၀၆ခုနှစ်နှောင်းပိုင်းနဲ့ ၂၀၀၇ ခုနှစ်လွန်ကာလများမှာတော့ မြန်မာဘလော့ဂ်တွေ တစထက်တစ ပိုမို ခေတ်စားလာတာနဲ့အမျှ အရင့်အရင်ကာလများထက်ပိုပြီး ဇော်ဂျီစာလုံးကို သုံးစွဲသူတွေ ပိုမို များပြားလာခဲ့ပါတယ်။ ဒါကြောင့် ဇော်ဂျီမြန်မာစာလုံးကို သုံးထားတဲ့ သံလွင်အိပ်မက်မဂ္ဂဇင်း စတိုင်အသစ်ကို စတင်ထုတ်ဝေဖို့ ကျွန်တော်တို့တတွေ စဉ်းစားဆုံးဖြတ်ခဲ့ပါတယ်။ နည်းပညာပိုင်းမှာ php နဲ့ css ကို ပိုင်နိုင်တဲ့ ဘလော့ဂါမောင်ပွတ်တစ်ယောက် ကျွန်တော်တို့ သံလွင်အိပ်မက် အယ်ဒီတာအဖွဲ့ထဲကို ပူးပေါင်း ပါဝင်လာနိုင်ခဲ့ခြင်းကြောင့် ဆိုရင်လည်း မမှားပါဘူး။ သံလွင်အိပ်မက်ကို ဖတ်ရာမှာ ဇော်ဂျီမြန်မာစာလုံး မရှိသူတွေလည်း ဇော်ဂျီစာလုံးမရှိပေမယ့် Internet Explorer ကနေ တဆင့် ဖတ်နိုင်ဖို့ အတွက် Microsoft Windows Font Embedding Technology(WEFT) ဖြစ်တဲ့ EOT ကိုလည်း ထည့်သွင်းထားပါတယ်။ Mozilla Firefox နဲ့ Safari Browser များကို သုံးစွဲသူတွေ အနေနဲ့ကတော့ ဇော်ဂျီစာလုံးမရှိဘူး ဆိုရင် မိမိစက်ထဲသွင်းနိုင်ဖို့ ဇော်ဂျီစာလုံးကို သံလွင်အိပ်မက်ကနေ တဆင့် Download
လုပ်နိုင်ပါတယ်။ ကျွန်တော်တို့ အယ်ဒီတာအဖွဲ့ရဲ့ အင်မတန်အားထားရပြီး အနုပညာ ကိုယ်ခံအားကောင်းတဲ့ အယ်ဒီတာ နေဘုန်းလတ်တစ်ယောက် သံတိုင်တွေ နောက်ကို မမျှော်လင့်ဘဲ ရောက်သွားခဲ့ရတာကတော့ သံလွင်အိပ်မက်အတွက် အတော့်ကို ကြီးမားတဲ့ ဆုံးရှုံးမှုပါပဲ။ နေဘုန်းလတ် အမြန်ဆုံး လွတ်မြောက်ပြီး သံလွင်အိပ်မက်အတွက် စာတွေ အတူတကွ ဆက်လက်ရေးသားနိုင်ဖို့ ကျွန်တော်တို့ မျှော်လင့်ပါတယ်။
ဒီတစ်ခေါက် မဂ္ဂဇင်းအတွက်တော့ ကဗျာတစ်ပုဒ်နဲ့ အမေရိကန်သမ္မတဟောင်း ဂျွန်အက်ဖ်ကနေဒီရဲ့ မိန့်ခွန်းဘာသာပြန်တစ်ပုဒ်ရေးဖြစ်ပါတယ်။ အက်ဆေး ရေးဖို့ စိတ်ကူးပေမယ့် မရေးဖြစ်ခဲ့ဘူး။ အခြား အခြားသော လိုအပ်တာများကိုတော့ အယ်ဒီတာ သူငယ်ချင်းများနဲ့အတူ လိုရင်လိုသလို ပူးပေါင်းရေးဖြစ်ခဲ့ပါတယ်။
သံလွင်အိပ်မက် အတွဲ(၂) အမှတ်(၁)ကို www.thanlwin.com မှာ သွားရောက်ဖတ်ရှုနိုင်ပါတယ်။
သံလွင်အိပ်မက် အတွဲ(၂) အမှတ်(၂) အတွက် စာမူတွေ ပေးပို့လိုသူများအနေနဲ့ thanlwinainmat@gmail.com ကို ပေးပို့နိုင်ပါတယ်။ သံလွင်အိပ်မက်အတွက် ခင်ဗျားတို့ရဲ့ အားပေးမှုတွေကသာ အကောင်းဆုံးတွန်းအားဆိုရင် မှားမယ်မထင်ပါဘူး။ အစဉ်တစိုက် အားပေးကြသူတွေ အားလုံးကို ကျေးဇူး အထူးပဲ တင်ရှိပါတယ်။
Dec 29, 2007
သံလွင်အိပ်မက် ပြန်လာပြီ
သံလွင်အိပ်မက်ကို စောင့်နေကြတဲ့ ပရိသတ်ကိုလည်း အတော်လေး အားနာမိပါတယ်။ သံလွင်အိပ်မက် အမှတ်(၁၂) ကို ပုံမှန်ထွက်ရမယ့် အောက်တိုဘာမှာ မထုတ်ဖြစ်ဘူး။ အဲဒီကာလက အားလုံးသိကြတဲ့အတိုင်း စက်တင်ဘာရဲ့ ရွှေဝါရောင် တော်လှန်ရေးလှိုင်းအရှိန်နဲ့ ကျွန်တော်တို့ အားလုံးရဲ့စိတ်တွေ ညိုညစ်ညစ်သန်းနေခဲ့တယ်။ ပြီးတော့ သံလွင်ဝက်ဆိုက်ဒ်ကို တင်ထားတဲ့ ဆာဗာကလည်း အချိန်ကိုက်ဒေါင်းသွားခဲ့တယ်။ နောက်ပြီး ဆာဗာအသစ်ကို domain transfer လုပ်ဖို့ အခက်အခဲတချို့ ရှိခဲ့တဲ့အတွက် မမျှော်လင့်ဘဲ သံလွင်ဝက်ဆိုက်ဒ်တစ်ခုလုံးကို လုံးဝပိတ်ထားလိုက်ရတယ်။ အခုတော့ သံလွင်အိပ်မက် အမှတ် (၁)ကနေ (၁၁) အထိကို ဆာဗာအသစ်မှာ တင်ထားလိုက်ပြီးပါပြီ။ www.thanlwin.com ကနေ တိုက်ရိုက် ဖတ်ရှုနိုင်ပါတယ်။ အမှတ် (၁၂)ကို ဇန်န၀ါရီလကုန်ပိုင်း (သို့) ဖေဖော်ဝါရီလဆန်းပိုင်းမှာ ထွက်နိုင်အောင် ကြိုးစားနေပါတယ်။ ခုဆိုရင် သံလွင်အယ်ဒီတာအဖွဲ့ထဲကို ဇင်ကိုလတ်(ခ) စည်သူ(သံလွင်)၊ နေဘုန်းလတ် (ခ) နေမျိုး(သံလွင်)နဲ့ ကျွန်တော် ညီညီ(သံလွင်) တို့ အပြင် မောင်ပွတ်လည်း ပါဝင်လာပြီဖြစ်လို့ လူအင်အားများလာသလို ကျွန်တော်တို့ရဲ့ မိတ်ဆွေသူငယ်ချင်း ဘလော့ဂ်ဂါတွေသာမက အခြားသော စာပေ၀ါသနာပါသူ တွေကိုလည်း ၀ိုင်းဝန်းကူညီတဲ့ အနေနဲ့ စာမူတွေ ပေးပို့ကြဖို့ ဖိတ်ခေါ်ပါတယ်။ စာမူတွေကို အရင်က ၀င်းဖွန့်နဲ့သာ ပေးပို့နိုင်ကြပေမယ့် အခုတော့ ဘလော့ဂ်ရေးသူ၊ ဖတ်သူတွေ များလာတာနဲ့အမျှ မြန်မာဘလော့ဂ်တွေ အားလုံးလိုလိုမှာ သုံးနေကြတဲ့ ဇော်ဂျီဖွန့်နဲ့လည်း ပေးပို့နိုင်ကြောင်း သတင်းကောင်း ပါးလိုက်ပါတယ်။ စာမူတွေကို ပေးပို့ရမယ့် လိပ်စာကတော့ thanlwinainmat@gmail.com ပါ။
Aug 17, 2007
သံလွင်ကိုအိပ်မက်တဲ့အခါ ငါတို့ရဲ့တေးသွားကို ကြားလိမ့်မယ်
ကဲ.. စာမူတွေ ဘယ်လိုရှာကြမလဲ။ သူငယ်ချင်းတွေကို လိုက်မေးတယ်။ သံလွင်အိပ်မက်ဆိုတာ ဘာမှန်း မသိသေးချိန်မှာ လိုသလောက် စာမူကို မရခဲ့ဘူး။ ပထမဆုံး တစ်စောင် နှစ်စောင်မှာ ကျွန်တော်နဲ့ စည်သူ နှစ်ယောက်သား ကလောင်တွေ မျိုးစုံခွဲပြီး ရေးခဲ့ရတယ်။ ညီညီ(သံလွင်)၊ ခေလွန်း၊ ကိုသံလွင်၊ သံလွင်မောင်၊ ဇင်ကိုလတ်၊ စည်သူ(သံလွင်) .. ။ နောက်တော့ စည်သူနဲ့ ငယ်ပေါင်းသူငယ်ချင်း.. နေမျိုး စင်္ကာပူ ရောက်လာတော့ သံလွင်အိပ်မက်အတွက် တအားဖြစ်လာခဲ့တယ်။
“စည်သူရေ.. မနက်ဖြန်ညနေ meeting လုပ်မယ်။ နေမျိုးကိုပါ ခေါ်ခဲ့ဦး”
စည်သူ၊ နေမျိုး၊ ကျွန်တော် .. နောက်တော့ အားလုံး တိုင်ပင်ပြီး ကိုငယ်(မန္တလေး) ကိုပါ ကျွန်တော်တို့ အယ်ဒီတာအဖွဲ့ထဲ ဆွဲသွင်းခဲ့ပါတယ်။ အယ်ဒီတာ ၄ယောက်ဖြစ်သွားပြီး စည်စည်ကားကားဖြစ်လာတဲ့ သံလွင်အိပ်မက်မှာ စာမူပုံမှန်ပေးပို့လာတဲ့ အမာခံစာရေးဆရာများလည်း ပို ပိုပြီးများလာခဲ့တယ်။
“ကိုငယ်၊ နေမျိုး၊ စည်သူ .. သံလွင်မောင်ရဲ့ သူငယ်ချင်းသို့ပေးစာ အတွက် ဖြည့်ရေးချင်တာရှိရင် ထပ်ဖြည့်ရေးပြီး အီးမေးလ် ပြန်ပို့လိုက်ပါ”
အချို့ အချို့သော အွန်လိုင်း မဂ္ဂဇင်းများဟာ ပေါ်ပြီး မကြာမီမှာပဲ ပျောက်ချင်းမလှ ပျောက်ကွယ်သွားခဲ့ကြပေမယ့် သံလွင်အိပ်မက်ကတော့ အခုထိ ပရိသတ်အခိုင်အမာနဲ့ ရပ်တည်နေတာဟာ အမြဲတစေ အားပေးခဲ့ကြသူတွေရဲ့ ကျေးဇူး မကင်းပါဘူး။ အယ်ဒီတာ ၄ယောက်လုံး အသက်ကလည်း တစ်နှစ်ကြီးတစ်နှစ်ငယ်တွေဆိုတော့ လူငယ်တွေပီပီ စိတ်ဓာတ်တွေ တက်တက်ကြွကြွနဲ့ သံလွင်အိပ်မက် ထွက်ခါနီးညတွေဆိုရင် အိပ်ရေးပျက်ခံပြီး လုပ်ခဲ့ကြတယ်။ ကျွန်တော်တို့ ဘာအကျိုးအမြတ်ကိုမှ မျှော်လင့်ပြီး မလုပ်ခဲ့ကြပါဘူး။ တစ်နှစ်တစ်နှစ် သံလွင်ဒေါ့ကွန်း website hosting အတွက် အယ်ဒီတာအားလုံး အိတ်စိုက်ပြီး လုပ်ခဲ့ကြတယ်။ ပြီးတော့ ပညာဒါနအနေနဲ့ မြန်မာနိုင်ငံက ဘုန်းတော်ကြီးသင် ပညာရေးကျောင်းတွေမှာ သံလွင်အိပ်မက်တစ်စောင်ထွက်တိုင်း လှူဒါန်းခဲ့တယ်။
ကျွန်တော်တို့ တတ်နိုင်တဲ့ဘက်ကနေ တိုင်းပြည်အတွက် လူငယ်တွေအတွက် တစ်ခုခု လုပ်ပေးချင်တယ်ဆိုတဲ့ စိတ်နဲ့ ကျွန်တော်တို့ ကြိုးစားပမ်းစားလုပ်ခဲ့ကြတာ ၃နှစ်တင်းတင်း ပြည့်ခဲ့ပြီပေါ့။
မှန်ခဲ့တာတွေလည်း ရှိချင်ရှိမယ်။
မှားခဲ့တာတွေလည်း ရှိချင်ရှိမယ်။
မှန်ခဲ့တာတွေကို အားပေးချီးကျူးခဲ့ကြပြီး မှားခဲ့တာတွေအတွက် နားလည်ခွင့်လွှတ်ပေးခဲ့ကြတဲ့ စာဖတ်ပရိသတ်အတွက် သံလွင်အိပ်မက်ကို ကျွန်တော်တို့ ကောင်းသထက်ကောင်းအောင် ဆက်လုပ်သွားကြမယ်။
လူငယ်တွေဟာ တိုင်းပြည်အတွက် အရေးအကြီးဆုံး အရင်းအမြစ်ဆိုတဲ့ message ကို မြန်မာလူငယ်တွေ အားလုံးကြားအောင် သံလွင်ရဲ့ တေးသွားတွေကို သံပြိုင်ဆိုပြီး ကျွန်တော်တို့ ရှေ့ခရီးဆက်ကြဦးမယ်။ ကျွန်တော်တို့အားလုံးအတွက် အနာဂတ်အသစ် တိုင်းပြည်အသစ် မြန်မာနိုင်ငံသစ်ကို ထူထောင်ဖို့ ကိုယ်နိုင်ရာ ကျရာအခန်းကဏ္ဍက တတပ်တအား ပါဝင်ကြိုးစားနေခြင်းဟာ ကျွန်တော်တို့နဲ့ ရင်ခုန်သံ နီးစပ်စေခြင်းပဲ ဖြစ်မယ်လို့ ကျွန်တော် ယုံကြည်ပါတယ်။
Jul 23, 2007
သံလွင်အိပ်မက် အမှတ်(၁၁) ထွက်ပြီ
ဖတ်ရှုရန် စောင့်မျှော်နေကြသော သံလွင်အိပ်မက်ရဲ့ ပရိသတ်များအတွက် သံလွင်အိပ်မက် အမှတ် (၁၁) ထွက်ပြီ ဖြစ်ကြောင်း သတင်းကောင်း ပါးလိုက်ပါတယ်။ ပါဝင်နေကျ ကဏ္ဍတွေဖြစ်တဲ့ စကားဝိုင်း၊ ၀တ္ထုတို၊ ဆောင်းပါး၊ အက်ဆေး၊ကဗျာ၊ အင်တာဗျူး၊ ဓာတ်ပုံ၊ သီချင်း၊ ဗေဒင် စသဖြင့် ဝေေ၀ဆာဆာ ဖတ်ရှုနိုင်ပါပြီ။ သတင်းကဏ္ဍနှင့် သံလွင်စာအုပ်စင်ကို မကြာမီ အချိန်ကာလအတွင်း ထပ်မံပြီး တင်ဆက်ပေးသွားပါမယ်။ အားပေးကြသူများ၊ ကူညီကြသူများ အားလုံးကို အထူးပဲ ကျေးဇူးတင်ရှိပါကြောင်း... ။
Apr 12, 2007
မနက်ဖြန် သံလွင်အိပ်မက် အမှတ်(၁၀) ထွက်မည်
သံလွင်အိပ်မက် အမှတ်(၁၀) မှာ ပါဝင်မယ့် မာတိကာ ဖြစ်ပါတယ် … 
မနက်ဖြန် သင်္ကြန်အကြိုနေ့မှာ သံလွင်အိပ်မက် အမှတ်(၁၀) ထွက်ရှိလာမှာ ဖြစ်ပါကြောင်း ...
http://www.thanlwin.com/thanlwinainmat ကနေ တဆင့် ဖတ်ရှုနိုင်မှာ ဖြစ်ပါကြောင်း ..
အမှတ်(၁၀) အထူးထုတ်အတွက် ပြင်ဆင်ရင်း မိုးလင်းသွားရတဲ့ သံလွင်အိပ်မက်အဖွဲ့သားတွေရဲ့ အိပ်ပျက်ညတွေအတွက် ပြန်လည်အားဖြည့်ဖို့ လိုအပ်တာက ခင်ဗျားတို့ရဲ့ အားပေးမှုတွေပါပဲ… ကျေးဇူးတင်ပါတယ်..
ကဲ … နှစ်သစ်မှာ သူငယ်ချင်းမိတ်ဆွေရောင်းရင်းအပေါင်းတို့ ပျော်ရွှင်ကြပါစေလို့ ဆုတောင်းလိုက်ပါတယ်။
Happy New Year !!!
Apr 6, 2007
သံလွင်အိပ်မက် အမှတ် ၁၀ အတွက် ကဗျာများ
သံလွင်အိပ်မက်အမှတ်၁၀မှာ ပါမယ့် ကဗျာတွေပါ။ ကဗျာတွေကို ကြိုတင်ဖတ်လို့ မရအောင် ပုံအရည်အသွေးကို တမင်တကာ လျှော့ချထားပါတယ်။ သိပ်မလိုတော့ပါဘူး။ ဧပြီ ၁၃ရက် သင်္ကြန်အကြိုနေ့ သံလွင်အိပ်မက်ထွက်တဲ့အထိတော့ နည်းနည်း သည်းခံစောင့်လိုက်ပါဦး..
Apr 3, 2007
လူကြုံ
ဟောဒီမှာ အနည်းအကျဉ်း ဖတ်ကြည့်ပါ.. အပြည့်အစုံကိုတော့ သံလွင်အိပ်မက် အမှတ်(၁၀) ထွက်တဲ့အခါ ဖတ်ရမှာပါ...
“လူကြုံကူညီသယ်ပေးခြင်းသည် ရိုးသားစွာ ကူညီခြင်းတစ်မျိုးသာဖြစ်သည်။ သို့သော် အချို့သော လူမှုရေး နားမလည်သူများကမူ ရလေလိုလေ အိုတစ္ဆေ ဟူသော စကားအတိုင်း အလကား မတ်တင်းရသည့် လူကြုံကို အရေးတကြီးပေးရန်များကိုသာ မဟုတ်ဘဲ ဘာမဟုတ်တာလေးတွေကိုပါ တပြုံတမကြီး ထည့်ပေးကြသည်။ ထိုသို့ သူတပါး၏ အကူအညီကို အခွင့်ကောင်းတစ်ခုအဖြစ် အသုံးချကာ အားမနာပါးမနာ ထည့်ပေးကြခြင်းဖြင့် လူကြုံပါးခြင်းကို အရောင်ဆိုးကြသူ တချို့ကြောင့် လူကြုံဟူသည့် ဝေါဟာရသည် တဖြည်းဖြည်းချင်း အကျည်းတန်လာရသည်။”
Mar 28, 2007
သံလွင်အိပ်မက် (၁၀) မကြာမီမျှော်...
သံလွင်အိပ်မက်ကို ဧပြီလ ၁၃ရက် သင်္ကြန်အကြိုနေ့မှာ ထွက်ရှိနိုင်ဖို့ ရည်ရွယ်ထားပါတယ်..
သံလွင်အိပ်မက်ထုတ်ဝေခြင်း ၁၀ စောင်မြောက် အထူးထုတ် အနေနဲ့ ထွက်ရှိလာပါမယ်..
ဘာတွေထူးခြားမလဲဆိုတာတော့ စောင့်မျှော်ကြပါဦး ခင်ဗျာ..
ဒါကတော့ ကျွန်တော်ဆွဲထားတဲ့ သံလွင်အိပ်မက် Coverpage ဒီဇိုင်းပါ..
Mar 27, 2007
သံလွင်အိပ်မက် အမှတ် ၁၀ အတွက် banner
သံလွင်အိပ်မက် ၁၀စောင်မြောက် အထူးထုတ်အတွက် မတောက်မခေါက်တတ်ထားတဲ့ Photoshop ပညာလေးနဲ့ banner ဒီဇိုင်းဆွဲထားတာပါ...
