Sep 3, 2007

ထွက်ပေါက်

အရောင်အသွေးကျနေတဲ့ အင်္ကျီတစ်ထည်ကို ယနေ့ဟု သတ်မှတ်ပြီး အဘိဓာန်မှာ ရှာမတွေ့တဲ့ လူတစ်ယောက်ကို ကဗျာဆရာဟု သတ်မှတ်ပါ။ ချိုးဖြူငှက်တစ်ကောင် ထပျံသွားသည်ဟု ပြောသံကြားရသည်။ ရုတ်တရက် ထပျံသွားသလား လှုပ်လီလှုပ်လဲ့ ထပျံသွားသလား။ မျက်လုံးများ မှိတ်ထားသောကြောင့် မမြင်လိုက်ပါ။ မျက်လုံးတွေ မှိတ်ထားသည့်ကာလမှာ ကြာခဲ့ပြီ။ ဖွင့်ထားလည်း မမြင်ချင်တာတွေ တွေ့ရမည့် အတူတူ (သို့မဟုတ်) ဖွင့်ထားလည်း မမြင်အောင် အတင်း လိုက်ပိတ်ခံနေရမည့် အတူတူ အလိုက်တသိပဲ မျက်လုံးတွေကို မှိတ်ထားလိုက်သည်။

ငရဲဘုံဆိုသည်မှာ လခစားအလုပ် လုပ်ရသော အချုပ်အနှောင်ကို မုန်းတီးစက်ဆုပ်သူများ နေထိုင်ရာ နိတ္ထိအခန်းသာ ဖြစ်သည်။ လူမှုရေး နားမလည်သော မန်နေဂျာသည် အလုပ်သမားတွေကို ကြံချောင်းတွေလို အရည်ညှစ်ယူနေရသည်ကို အားရကျေနပ်ပုံ မရသေး။ ကော်လာကို အဖြူရောင်ဆိုးဆိုး အပြာရောင်ဆိုးဆိုး စက်ရုပ်သည် စက်ရုပ်သာ ဖြစ်သည်။

စည်းကမ်းကာလနားများအကြား လခစား လုပ်ရသော ကဗျာဆရာ၏ မွန်းကျပ်မှုအောက်တွင် ကဗျာအသေများကို တစ်နေ့ပြီး တစ်နေ့ မြေမြုပ်ပစ်လိုက်ရသည်။ သံသရာဆိုသည်မှာ ဥသြသံမပေးဘဲ တိတ်တဆိတ် ထွက်ခွာသွားသည့် ရထားတစ်စင်းသာ ဖြစ်သည်။ နောက်ဆုံးရထား ဟုတ်မဟုတ် မရေရာသလို နောက်ဆုံးဘူတာ ဟုတ်မဟုတ်လည်း မသေချာပါ။ နောက်မှ ဆုံးမယ့် အတူတူ အစကတည်းက ဆုံးလိုက်ရင် အကောင်းသား။ အခုတော့ လွယ်ထားတဲ့ အပြာရောင်ကျောပိုးအိတ်မှာ မျှော်လင့်ခြင်းတွေ တနင့်တပိုးနဲ့ ခြေဦးတည့်ရာရော ခြေဦးမတည့်ရာပါ လျှောက်ရတာ အချိန်ကုန်သည်။ အချိန်ကို ၀ယ်လို့ မရဘူးလို့ ငယ်ငယ်တုန်းက ဆရာမတစ်ယောက်က စာစီစာကုံးရေးဖို့ သင်တော့ ပြောဖူးသည်။ အခုတော့ တနင်္လာကနေ သောကြာအထိ အချိန်ကို ချ ချရောင်းနေတာ ဆရာမ မသိရှာပါ။ အချိန်ဆိုတာများ တန်ဖိုးရှိလွန်းလို့ သူများက ဈေးကြီးပေးလာဝယ်နေရတဲ့ အချိန်ကို ကိုယ်တိုင်ပြန်မ၀ယ်နိုင်တဲ့ အထိပဲ။ လူတွေ ယဉ်ကျေးလာကြသည်။ လူတွေ တိုးတက် လာကြသည်တဲ့။ ထိုအဆိုကို ရာနှုန်းပြည့်ထောက်ခံခြင်း မပြုနိုင်သည့်အတွက် စိတ်မကောင်းပါ။ ယဉ်ကျေးတိုးတက်ပါတယ် ဆိုတဲ့ လူတွေ အချင်းချင်း နှိပ်စက်ကြ ညှင်းပန်းကြ သတ်ဖြတ်ကြတာများ ကိုယ့်နားကိုယ်တောင် ယုံနိုင်ခြင်း မရှိပါ။ ထိုကဲ့သို့ အဓိပ္ပာယ်မရှိတာတွေကို အဓိပ္ပာယ်ရှိသယောင် ဟန်ဆောင်ပန်ဆောင် ကောင်းတတ်တဲ့ သတ္တ၀ါကို “လူ” လို့ နာမည် ပေး ကင်ပွန်းတပ် လိုက်ကြသည်။

ငှက်တစ်ကောင်က အမေ့အိမ် သီချင်းကို ငှာန်ကရိုဏ်းကျကျ သီဆိုနေသည်။ ရထားတစ်စင်း ခုတ်မောင်းသံ နီးလာပြီ။ ရပ်ထားမှာလား။ ဆက်သွားမှာလား။ တကယ်တော့ ရပ်နေသော်လည်း သွားနေနိုင်ပြီး သွားနေသော်လည်း ရပ်နေနိုင်သည်ဆိုသည့်အချက်ကို ကျွန်တော်တို့ စနစ်တကျ မေ့လျော့နေခဲ့သည်။

1 comment:

Unknown said...

That why I retired