Aug 31, 2007

We Ain't Strangers Anymore

ဒီသီချင်းကတော့ ငယ်ငယ်ကတည်းက ကျွန်တော် အရမ်းခရေဇီဖြစ်ခဲ့တဲ့ အဆိုတော်တစ်ဦးဖြစ်သူ Jon Bon Jovi ရဲ့ နောက်ဆုံးထွက်တဲ့ Lost Highway ဆိုတဲ့ အယ်လ်ဘမ်ထဲက Le Ann Rimes နဲ့ စုံတွဲဆိုထားတဲ့ သီချင်းပါ။ Bon Jovi ရဲ့ သီချင်းတွေထဲက ကျွန်တော် ကြိုက်တဲ့ သီချင်းတွေကတော့ I'll be there for you, Always, Never Say Goodbye, Heart Breaking Even နဲ့ အခု အယ်လ်ဘမ်အသစ်ထဲက We ain't strangers anymore ပါ။ Le Ann Rimes ကတော့ Nicolas Cage ပါဝင်သရုပ်ဆောင်ခဲ့တဲ့ Con Air ဇာတ်လမ်းထဲက နာမည်ကြီး ဇာတ်ဝင်တေးဖြစ်တဲ့ How do I live သီချင်းနဲ့ အောင်မြင်ခဲ့တဲ့ အဆိုတော်တစ်ယောက်ပါ။

Bon Jovi နဲ့ Le Ann Rimes တို့ သီဆိုထားတဲ့ ဒီသီချင်း စာသားတွေကို အောက်မှာ ဖော်ပြပေးထားပါတယ်။

We Ain't Strangers Anymore

It might be hard to be lovers
But it's harder to be friends
Baby pull down the covers
It's time you let me in
Maybe light a couple candles
I'll just go ahead and lock the door
If you just talk to me baby
Til we ain't strangers anymore
Lay your head on my pillow
I sit beside you on the bed
Don't you think it's time we say
Some things we haven't said
It ain't too late to get back to that place
Back to where, we thought it was before
Why don't you look at me
Til we aint strangers anymore
Sometimes it's hard to love me
Sometimes it's hard to love you too
I know it's hard believing
That love can pull us through
It would be so easy
To live your life
With one foot out the door
Just hold me baby
Til we ain't strangers anymore
[Solo]
It's hard to find forgiveness
When we just run out of lies
It's hard to say you're sorry
When you can't tell wrong from right
It would be so easy
To spend your whole damn life
Just keeping score
So let's get down to it baby
There ain't no need to lie
Tell me who you think you see
When you look into my eyes
Let's put our two hearts back together
And we’ll leave the broken pieces on the floor
Make love with me baby
Til we ain't strangers anymore
We’re not strangers anymore
We’re not strangers
We’re not strangers anymore

Read More...

Aug 30, 2007

ငါးလေးရဲ့ကမ္ဘာ

ဘ၀ရဲ့ ယုံကြည်စရာ ခပ်ပါးပါးတွေကြား ခြေပစ်လက်ပစ် ထိုင်ချလိုက်တယ်။ တကယ်တမ်းဆို ယုံကြည်စရာ ဆိုတာကိုက ယုံချင်စရာ မကောင်းတာ။ ငါးလေးရဲ့ကဗျာဆိုပြီး ဟိုးတလောက ရေးခဲ့ဖူးတာ သတိရတယ်။ ဒီတစ်ခါတော့ ငါးလေးရဲ့ ကမ္ဘာအကြောင်း နည်းနည်းပြောချင်ပါတယ်။

ငါးလေးရဲ့ကမ္ဘာမှာ ငါးတွေ ငါးတွေ နေရာအနှံ့ နေထိုင်ကူးခတ်နေကြတာ သန်းပေါင်းထောင်ချီလို့။

နေထိုင်ရာဒေသအလိုက် ခွဲမလား။ အလှပြကန်ကျဉ်းကျဉ်းထဲက ငါး၊ မြောင်းကြိုမြောင်းကြားက ငါး၊ ရေအိုင်ထဲက ငါး၊ စမ်းချောင်းထဲက ငါး၊ ပင်လယ်ထဲက ငါး၊ သမုဒ္ဒရာထဲက ငါး.. ငါးတွေ များလွန်းလှတယ်။

ယုံကြည်မှုဝါဒစွဲ အရ ခွဲမလား။ ဆိုရှယ်လစ် ငါး၊ ကွန်မြူနစ် ငါး၊ ဖက်ဆစ် ငါး၊ ကတ်ပတယ်လစ် ငါး (စကားချပ်။ ။Capitalist ကို ဆိုရှယ်လစ်ပြတင်းပေါက်မှ လှမ်းကြည့်ပြီး မြန်မာမှုပြုထားသော အရင်းရှင်ဆိုတဲ့ စကားကို မကြိုက်လို့ အရင်းရှင် ငါးဟု မသုံးပါ။) ၊ လစ်ဘရယ် ငါး၊ ကွန်ဆာဗေးတစ် ငါး၊ လက်ဝဲ ငါး၊ လက်ယာ ငါး၊ အကြမ်းဖက်ဝါဒီ ငါး၊ ဘာသာရေးအစွန်းရောက် ငါး၊ ယူတိုပီယမ် ငါး၊ ဒီမိုကရက်တစ် ငါး.. ငါးတွေ များလွန်းလှတယ်။

အလုပ်အကိုင်အရ ခွဲမလား။ အင်ဂျင်နီယာ ငါး၊ ဆရာဝန် ငါး၊ အိုင်တီပညာသည် ငါး၊ ဘောလုံးသမား ငါး၊ စာရင်းကိုင် ငါး၊ အနုပညာသည် ငါး၊ အိမ်ရှင်မ ငါး၊ စီးပွားရေးသမား ငါး၊ ပွဲစား ငါး၊ ရပ်ကွက်လူကြီး ငါး၊ ဘာမှ မတတ်ဘဲ ရာထူးကြီးကြီး ရထားတဲ့ ငါး၊ ပိုက်ဆံရရင် ဘာမဆိုလုပ်တဲ့ ငါး၊ တစ်ရာ့ကိုး တစ်ရာ့တစ်ဆယ် ငါး.. ငါးတွေ များလွန်းလှတယ်။

ငါးတန်းစားအလိုက် ခွဲမလား။ အခြေခံငါးတန်းစားတွေ ဖြစ်တဲ့.. ကြုံရာကျပန်း ငါး၊ တစ်နေ့ကူးမှ တစ်နေ့စားရတဲ့ ငါး။ ငါးလတ်တန်းစားတွေ ဖြစ်တဲ့.. အချိန်မှန် အလုပ်သွားရတဲ့ အလုပ်သမား ငါး၊ ရုန်းရင်းကန်ရင်း ကူးရတဲ့ အသေးစားလုပ်ငန်းရှင် ငါး၊ အကြွေးယူပြီး ပြန်မပေးတတ်တဲ့ ရပ်ကွက်ထဲက ကုန်စုံဆိုင် ပိုင်ရှင် ငါး၊ ငွေတိုးချေးစားတဲ့ ငါး။ ရေပေါ်ဆီလွှာမှာ ကူးတဲ့ ငါးတန်းစားတွေ ဖြစ်တဲ့.. ဘီယာတမြမြနဲ့ ငါး၊ ပန်းကုံးစွပ်တဲ့ ငါး၊ ဆူဆူဖြိုးဖြိုး ရေမထိုးဘဲ လာဘ်ထိုးရတဲ့ ငါး၊ သာကူးညာပေါင်း ကပ်ဖားရပ်ဖား ငါး၊ အခန့်သားကူးရင်း ဘဏ်တိုးမစားဘဲ လာဘ်ခိုးစားတဲ့ ငါး၊ ငါးကြီးရဲ့ ပီအေနဲ့ သိတဲ့ ငါး၊ အကောင်ကြီးကြီး အမြီးရှည်ရှည်နဲ့ ငါး၊ အခွင့်ထူးခံငါး၊ ဘုရင်ရူး ရူးတဲ့ ငါး။ ငါး အတန်းအစားတိုင်းမှာရှိတဲ့ ဘောလုံးပွဲလောင်းတဲ့ ငါး၊ နှစ်လုံးထီတိုးတဲ့ ငါး.. ငါးတွေ များလွန်းလှတယ်။

ငါးပေါင်း သောင်းခြောက်ထောင်ထဲမှာမှ ရပ်ကွက်ထဲက ဘလော့ဂ်ဂါငါးတွေလည်း အများအပြား ရှိပါသေးတယ်။ စည်းအပြင်က ငါး၊ လွတ်ကျခဲ့တဲ့ မြို့စား ငါး၊ အန္တရာယ်နယ်မြေက ငါး၊ ကော်ဖီကြိုက်တဲ့ ကဗျာဆရာ ငါး၊ မင်းသားယောင်ဆောင်ထားတဲ့ ငါး၊ သတ်ပုံမှားတဲ့ ဂျာနယ်လစ် ငါး၊ အိုအေစစ်ထဲမှာ ကူးတဲ့ ငါး၊ ဂေါက်သီးရိုက်တဲ့ ငါး၊ ဆိုက်ကားနင်းတဲ့ ငါး၊ ပရိုဂရမ်မာ ငါး၊ အိုး မိုင်ဂေါ့အစား အိုး မိုင်ဘလော့ဂ်လို့ ညည်းတတ်တဲ့ ငါး၊ ဒေါင်းယောင်ဆောင်တဲ့ ငါး၊ ကင်မရာတလွယ်လွယ်နဲ့ ငါး၊ အမြဲစိမ်း ငါး၊ ကိုပင်ဟေဂင်က ငါး၊ မိုးညိုရင် ကဗျာရေးတဲ့ ငါး၊ စကားပန်းကြိုက်တဲ့ ငါး၊ ဆရာဝန်မ ငါး၊ ကိုးန၀င်းကြေစနေသမီး ငါး၊ ကန်သေးသေးလေးထဲမှာ ကူးတဲ့ အကောင်ခပ်သေးသေး ငါး၊ ဂျစ်ကန်ကန် ငါး၊ ကွမ်းယာကြိုက်တဲ့ ငါး၊ ရေနံချောင်းကလာတဲ့ ငါး၊ ဘာညာသာရကာ ငါး၊ ကြယ်ငါး၊ ရေခဲပြင်မှာ ကူးတဲ့ ငါး၊ သီချင်းဆိုတဲ့ ငါး၊ အိမ်ခြံမြေပွဲစား ငါး၊ ညမှ ထွက်တဲ့ ငါး.. ငါးတွေ များလွန်းလှတယ်။ နောက်ပြီး ဘလော့ဂ်ငါးတွေအတွက် ကွန်မန့်တွေ ၀င်ဝင်ရေးတတ်တဲ့ ဒီမို ငါး။

ဒီလိုများလွန်းလှတဲ့ ငါးတွေအကြားမှာ ကဗျာဆရာ ငါးကတော့ ကူးလို့ခတ်လို့ ဘလော့ဂ်ပို့စ်တွေ တင်နေတုန်းပါပဲ။ အိမ်အပြန်လမ်းကတော့ ဝေးဆဲ။

Read More...

Aug 29, 2007

မိုးများရွာပါစေ

ပူလောင်ခြောက်သွေ့တဲ့ရက်စွဲတွေကြား
ဖျားနာခြင်းကို လက်ပြချင်တာ မဆန်းဘူး
တုတ်တချက် ဓားတပြက်
လျှပ်စီးတွေက လက်ကနဲ လက်ကနဲ..
ထုံးစံအတိုင်း လမ်းပေါ်မှာ ချိုင့်ခွက်တွေ
ခေါက်ရိုးကျိုးနေတဲ့ စကားတွေ ပြောကြဆိုကြ
ထောင်းလမောင်းကြေနေတဲ့ အတွေးအခေါ်တွေ ရေးကြမျှော်ကြ
လွယ်ထားတဲ့ စိတ်ဓားတစ်လက်ကို ကဗျာပေါ် တင်သွေးကြနဲ့
ဟိုမှာ လတ်လတ်ဆတ်ဆတ် ချိတ်ဆွဲထားတာက
ကမ္ဘာဦးလူရဲ့ကြောက်စိတ်တွေပါ

မသွားခဲ့ဘူး.. ဒါပေမယ့် ထားခဲ့တယ်
မလျှောက်ခဲ့ဘူး .. ဒါပေမယ့် ရောက်ခဲ့တယ်
မဖြစ်ခဲ့ဘူး.. ဒါပေမယ့် ခြစ်ခဲ့တယ်
ဆင်းရဲမွဲတေခြင်းကို
တစ်ဘ၀စာ မလိုချင်ဘဲ ကန်ထရိုက်ဆွဲခဲ့တဲ့
လူပေါင်း သန်းငါးဆယ်ရဲ့ ဘ၀တွေလေ
မိုးတွေကတော့
တစ်ခါဆို တစ်ခါမှ
အားနာပါးနာ မရွာခဲ့ဘူး မဟုတ်လား။ ။

ညီမင်းနိုင်

Read More...

Aug 28, 2007

ဝဋ်

ကမ္ဘာမီးလောင်တယ် အကြောင်းပြ ပြပြီး
ချ ချနင်းနေတဲ့ ဖိနပ်တွေကို ချွတ်ပစ်
ဒါ ပြည်သူ့မျက်ရည်စစ်စစ်ဖြစ်တယ်
ခင်ဗျားတို့လို
အာဏာမရောဘူး။

ကုန်ဈေးနှုန်းလေးတက်တာများကွာ ဆိုပြီး
မဆိုင်သလို လေပေးနဲ့ပြောတတ်တဲ့ ပါးစပ်တွေကို ဆေးပစ်
ဒါ ပြည်သူ့မျက်ရည်စစ်စစ်ဖြစ်တယ်
ခင်ဗျားတို့လို
အသပြာမရောဘူး။

တစ်ဘ၀စာ အခန့်သားနေရရုံနဲ့ ငါ မထိ ငါ မသိ ကျင့်သူတွေ
စုံမှိတ်ထားတတ်တဲ့ မျက်လုံးတွေကို ဖွင့်ကြည့်
ဒါ ပြည်သူ့မျက်ရည်စစ်ဖြစ်တယ်
ခင်ဗျားတို့လို
ပါဝါမရောဘူး။

အဲဒီဖိနပ်တွေ ခဏခဏ စီး
အဲဒီပါးစပ်ကြီးတွေနဲ့ ပြော
အဲဒီဒေါသမျက်လုံးတွေနဲ့ ကြည့်
ခင်ဗျားတို့ မသိလိုက်တာက
ဝဋ်ဆိုတာလည်တတ်တယ်ဆိုတာကိုပဲ။ ။

ညီမင်းနိုင်

Read More...

ကဗျာဆရာအမည် စာရင်းဝင်သွားခြင်း

သေရဲနေရဲတယ်ဆိုတာ
ကိုယ့်မြန်မာအချင်းချင်း ဖိနှိပ်ရတာဆိုရင်

လုပ်ရဲကိုင်ရဲတယ်ဆိုတာ
ကိုယ့်မြန်မာအချင်းချင်း ခေါင်းပုံဖြတ်ရတာဆိုရင်

တွေးရဲခေါ်ရဲတယ်ဆိုတာ
ကိုယ့်မြန်မာအချင်းချင်း ဖြစ်ချင်တာဖြစ်ပစေ သဘောထားရတာဆိုရင်

ပြောရဲဆိုရဲတယ်ဆိုတာ
ကိုယ့်မြန်မာအချင်းချင်း ဆဲဆိုငြင်းခုန်ရတာဆိုရင်

တိုက်ရဲခိုက်ရဲတယ်ဆိုတာ
ကိုယ့်မြန်မာအချင်းချင်း ရိုက်ရနှက်ရတာဆိုရင်

ခင်ဗျားတို့ နာမည်စာရင်းအရှည်ကြီးထဲက
“ချေမှုန်း” ဆိုတဲ့ ခေါင်းစဉ်အောက်မှာ
ကဗျာဆရာ လို့ ခပ်ရဲရဲထည့်လိုက်ပါ။

ညီမင်းနိုင်

(မှတ်ချက်။ ။ “ဦးမင်းလူ နှုတ်ထွက်သွားခြင်း” ဆိုတဲ့ ဆရာမင်းလူရဲ့ ကဗျာတစ်ပုဒ်ကို သတိရမိပြီး ခုရက်ပိုင်း ခံစားနေရတဲ့ ခံစားချက်တွေကို ကဗျာအဖြစ် အသွင်ပြောင်းကြည့်တာပါ)

Read More...

Aug 25, 2007

သြဂုတ်တစ္ဆေ

၈၈ ရဲ့ ၀ိညာဉ်တွေ အသက်ဝင်လာခဲ့ပြီလား။

The ghost of 1988 is back to haunt Myanmar's military generals amid mounting public anger over a massive fuel price hike.
(Source : Today Newspaper : 23rd Aug 2007)

မနေ့က စင်္ကာပူထုတ် တူဒေးသတင်းစာမှာ မြန်မာပြည်တွင်းက လက်ရှိဆန္ဒပြမှုတွေကို အခုလို ရေးထားတာတွေ့တော့ အဆိုတော်မွန်းအောင်ရဲ့ ၈/၈၈ အင်းလျား သီချင်းခွေထဲက “သွေးမုန်တိုင်း” သီချင်းသံကို ကြားလိုက်မိတယ်။

~~လမ်းမထက်စီးတဲ့သွေးတွေ ပျောက်ပျက်ကာ သွားပြီမထင်နဲ့ဟေ့ ~~

ဓာတ်ဆီဈေး၊ သဘာဝဓာတ်ငွေ့ဈေးတွေကို နိုင်ငံတကာစံနှုန်းနဲ့ ကိုက်ညီအောင်ဆိုပြီး ပညာတတ်များပီပီ ရွှေဥာဏ်တော်စူးရောက်ကာ အသိပေးကြိုတင်ကြေညာခြင်းမရှိဘဲ အဆမတန် မြှင့်တင်လိုက်တာကြောင့် အထွေထွေကုန်ဈေးနှုန်းများ တရိပ်ရိပ်တက်ကာ နိုင်ငံတကာစံချိန်မီ လခတွေ မရကြတဲ့ မြန်မာပြည်သူတွေရဲ့ လူထုဆန္ဒပြမှုတွေကို ဖြစ်ပွားစေခဲ့ပါတယ်။ လူထုဆန္ဒပြမှုတွေ ဖြစ်ပွားနေတုန်းမှာပဲ ဒေ၀ူးကုမ္ပဏီက မြန်မာ့ကမ်းလွန်ပင်လယ်ပြင်မှာ ကိုရီးယားနိုင်ငံရဲ့ လက်ရှိ သဘာဝဓာတ်ငွေ့သုံးစွဲမှု အတိုင်း ၇ နှစ် ဆက်တိုက် သုံးမယ်ဆိုရင်တောင်မှ မကုန်နိုင် မခန်းနိုင်အောင် သုံးနိုင်တယ်ဆိုတဲ့ သဘာဝဓာတ်ငွေ့သိုက်ကြီး တစ်ခုကို ထပ်မံတွေ့ရှိခဲ့တဲ့အကြောင်း ကြေညာခဲ့ပါတယ်။ မြေပေါ်မြေအောက်မက ရေအောက်မှာပါ သုံးမကုန်တဲ့ သယံဇာတတွေ ပေါများလှတဲ့ တိုင်းပြည်လို့ အစိုးရထုတ် သတင်းစာမျက်နှာတွေထက်မှာ ခဏခဏ ကြွားလုံးထုတ်ခဲ့တဲ့ ကျွန်တော်တို့ရဲ့ မြန်မာပြည်မှာ ဆင်းရဲမွဲတေမှုတွေ တစထက်တစ ပိုများလာခဲ့တာ ဂုတ်သွေးစုပ်နေတဲ့ စာမတတ်ပေမတတ် အာဏာရှင်မိုက်ရူးရဲတစ်စုရဲ့ အုပ်ချုပ်မှုညံ့ဖျင်းမှုကြောင့်လို့ ကျွန်တော် ပြောရင် ဘယ်သူငြင်းချင်ပါသလဲ။

မီဒီယာကို မီဒီယာနဲ့ တုံ့ပြန်ရမယ်ဆိုပြီး ဓားကိုဓားချင်း တုတ်ကိုတုတ်ချင်းသာ တိုက်ခိုက်တတ်ပြီး စားပွဲဝိုင်းမှာ ဆွေးနွေးဖို့ အမြဲငြင်းတတ်သူတွေရဲ့ အာဏာစက်အောက်မှာ သတိကိုဆွဲ မတ်မတ်ရပ်ရင်း ဦးနှောက်တစ်ခုလုံး သုံးစားမရအောင် အရှင်းခံထားရတဲ့ အာဏာရှင်လက်ပါးစေ ကပ်ဖားရပ်ဖား လုပ်တတ်သူတချို့ကတော့ ဘလော့ဂ်ကို ဘလော့ဂ်ချင်းတိုက်ဖို့ မာန်ဖီနေတာကို တွေ့ရပါတယ်။ ပိုက်ဆံပေးပြီး ကလေကချေလူမိုက်တွေကို ငှားရိုက်ခိုင်းသူတွေက ဆန္ဒပြဖို့ လမ်းလျှောက်မယ့်သူတွေကို တစ်ယောက် ၂၀၀၀ ပေးပြီး အငှား လျှောက်ခိုင်းတယ်လို့ ပြောတာကတော့ တဆိတ် ရယ်စရာ မကောင်းလွန်း နေဘူးလား။ သူခိုးက လူပြန်ဟစ်တယ်ဆိုတာ ဒါမျိုးထင်ပါရဲ့။ တိုင်းပြည်က ပြည်သူပိုင်ဘဏ္ဍာငွေနဲ့ ပညာတော်သင်လွှတ်ထားတဲ့ ကျေးဇူးကိုမှ မငဲ့ကွက်ဘဲ ထမင်းကျွေးတဲ့ လက်ကို မာနတလွှားလွှားနဲ့ ပြန်ကိုက်ဖို့ ကြိုးစားနေရင် “ငါ ဘာကောင်လဲ” လို့ အရင် မေးခွန်းထုတ်လိုက်ပါ။ တိုင်းပြည်ကျေးဇူးကို နားလည်သိတတ်ပြီး ခေါင်းထဲရိုက်သွင်းသမျှကို အသိဥာဏ်နဲ့ စစ်ယူတတ်တဲ့ ....ငါတို့လက်ထက်ရောက်တဲ့အခါ အာဏာရှင်တွေလို မဖြစ်အောင် တိုင်းပြည်တိုးတက်သာယာအောင် ပြောင်းလဲပစ်မယ်ဆိုတဲ့ စိတ်မျိုးထားတတ်တဲ့ ပညာတော်သင် သူငယ်ချင်းတွေလည်း ရှိနေမယ်ဆိုတာ ယုံကြည်ပါတယ်။

လူထုဆန္ဒပြမှုတွေ တစ်နေ့ထက်တစ်နေ့ ပိုမိုများပြားလာတာနဲ့အမျှ ကြောက်လန့်ပြီး စစ်သား၊ ကြံ့ဖွတ် (ဖွံ့ လို့ ကျွန်တော်မရေးပါ)၊ စွမ်းအားရှင် ( ရမ်းကားရှင်လို့ နာမည်ပေးရင် ပိုမှန်ပါလိမ့်မယ်) တွေကို နေရာအနှံ့ချထားပါတော့တယ်။ ဓာတ်ဆီဈေး၊ သဘာဝဓာတ်ငွေ့ဈေးတွေ တက်တာကြောင့် ရုတ်တရက် ခုန်တက်လိုက်ရတဲ့ ဘတ်စ်ကားခတွေကိုလည်း အာဏာကိုသုံးပြီး အရင်မူလ ဈေးနှုန်းအတိုင်း အတင်းအဓမ္မပြန်လည် ပြေးဆွဲခိုင်းပါတယ်။ တိုင်းပြည်တစ်ခုလုံးကို အတင်းအာဏာလု အုပ်ချုပ်နေပြီး ကလေးကစားသလို ရှုံ့ချည်နှပ်ချည် ဆောရီးလုပ်လို့ ရမယ်လို့ ထင်နေရင် အခုကတည်းက ပြေးဖို့ အထုပ်ပြင်ထားကြဖို့ လိုနေပါပြီ။ ဘာလို့လဲဆိုတော့ ကားခ၊ ဓာတ်ဆီခ ဈေးတက်ရခြင်းဟာ စနှက်တံကို ဆွဲဖြုတ်လိုက်ချင်းသာ ဖြစ်ပြီး ပြည်သူတွေ တနေ့တခြား ကြပ်တည်းလာမှုဆိုတဲ့ ဗုံးတစ်လုံးကတော့ ဖြစ်တည်နေခဲ့တာ ကြာပါပြီ။

မကြာခင်မှာ လူထုအုံကြွမှုဟာ အခုထက် ပိုပြီး တစ်နိုင်ငံလုံး အတိုင်းအတာနဲ့ တစတစ ကြီးမားလာတော့မှာပါ။ အာဏာရှင်တွေကလည်း အိမ်ကြက်ချင်း အိုးမဲသုတ်ပြီး ရိုက်ခိုင်းနေပါတယ်။ ကိုယ့်မျက်နှာကိုယ် အိုးမဲသုတ်ပြီး ပြည်သူအချင်းချင်း ညှင်းပန်းနှိပ်စက် ရိုက်နှက်ခြင်း မပြုကြဖို့။ တပ်မတော်သားတွေအနေနဲ့လဲ ပြည်သူဆိုတာ ရန်သူမဟုတ်ကြောင်း အသိတရားထားကြဖို့၊ ပြည်သူတွေအနေနဲ့လဲ ပြည်သူတွေကိုယ်စား ရဲရဲဝံ့ဝံ့ဆန္ဒပြ ဆန္ဒထုတ်ဖော်နေသူတွေကို ဘေးကနေ ရပ်ကြည့်ရုံ၊ ၀ိုင်းပြီး လက်ခုပ်တီးပေးရုံ မလုပ်ကြဘဲ .. ကိုယ်တိုင်ကိုယ်ကျ ပါဝင်ကြဖို့ လိုအပ်နေပါပြီ။

ကဲ... ၈၈ သြဂုတ်တစ္ဆေတွေရဲ့ အရိုးတွန်သံတွေနဲ့အတူ စစ်အာဏာရှင်တွေကို မောင်းထုတ်ကြရအောင်.. ။

Read More...

Aug 19, 2007

တစ်ခါကလွယ်အိတ်လေး

တစ်ခါက ကျွန်တော့်မှာ လွယ်အိတ်လေးတစ်လုံးရှိပါသည်။ ထူးထူးခြားခြား မဟုတ်ဘဲ ရိုးရိုးသာမန် အညိုရောင် လွယ်အိတ်လေးတစ်လုံးပါ။ သို့သော် ထိုလွယ်အိတ်လေးသည် ကျွန်တော်နှင့် တရင်းတနှီး အတူရှိနေခဲ့သော ရဲဘော်ရဲဘက်တစ်ဦး ဖြစ်ခဲ့သည်။ ထိုစဉ်က ထိုလွယ်အိတ်လေးကို “တိုက်ပွဲဝင်လွယ်အိတ်” ဟု ကျွန်တော် အမည်ပေးခဲ့ဖူးပါသည်။ ဘာကြောင့်လည်း ဆိုတော့ ထိုလွယ်အိတ်ကလေးကို လွယ်ကာ ကျွန်တော့် ဆယ်တန်းကျောင်းသား ဘ၀ကို ကျော်ဖြတ်ခဲ့ရသောကြောင့် ဖြစ်သည်။ တကယ်လည်း ဆယ်တန်းကျောင်းသား ဘ၀သည် ကျွန်တော့်အတွက် တိုက်ပွဲကြီးတစ်ပွဲ ဖြစ်ခဲ့သည်။ ကျွန်တော် အောင်နိုင်ခဲ့သလား။ ရှုံးနိမ့်ခဲ့သလား။ ကျွန်တော်ကတော့ အပြင်းအထန် တိုက်ခဲ့သည်မှာ သေချာသည်။ ကျွန်တော့်ကိုလည်း အပြင်းအထန် လာတိုက်ခဲ့ကြတာကို ခံစားခဲ့ရဖူးပါသည်။ ဘာဖြစ်ဖြစ် လွယ်အိတ်လေးကတော့ အသိဆုံးဖြစ်ပေမည်။

ထိုလွယ်အိတ်ကလေးထဲတွင် ကျွန်တော် မှတ်သားထားသော ကျောင်းစာမှတ်စုများစွာ နေရာယူဖူးသည်။ ထို့အပြင် ကျွန်တော် တခါတရံ စိတ်ကူးရရင်ရသလို ရေးဖြစ်သော ကဗျာအပိုင်းအစများ နေရာယူဖူးသည်။ လွယ်အိတ်ကလေးထဲတွင် ကျွန်တော့်ဖတ်လက်စ စာအုပ်များလည်း နေရာယူဖူးပါသည်။ သူငယ်ချင်းများနှင့်အတူ ပေါင်းကာ စုထုတ်ခဲ့ဖူးသော ကဗျာစာအုပ်ကလေးများလည်း အချိန်တော်တော်ကြာ နေရာယူခဲ့ဖူးပါသည်။ ဆယ်တန်းပြီးကာစ ကဗျာဆရာဂိုက်ဖမ်းပြီး ထိုလွယ်အိတ်ကလေးကို လွယ်ကာ ၃၃လမ်းရှိ လေထန်ကုန်းနားတွင် ၀ါသနာတူသူငယ်ချင်းနှင့် ယောင်လည်လည်လုပ်ခဲ့ဖူးပါသည်။ ထိုလွယ်အိတ်ကလေးထဲမှ ကဗျာများကို ထုတ်၍ မဂ္ဂဇင်းအယ်ဒီတာအချို့အား တောင်းတောင်းပန်ပန်ဖြင့် ရွေးမှာ မဟုတ်မှန်းသိသိကြီးနှင့် စာမူတွေ ပေးခဲ့ဖူးပါသည်။ ထိုလွယ်အိတ်ကလေးထဲသို့ပင် အမြဲတမ်း အရွေးခံရလေ့မရှိသော ကဗျာများကို မျက်နှာငယ်ငယ်ဖြင့် ပြန်လည်သိမ်းဆည်းခဲ့ရဖူးပါသည်။ မိုးရေထဲတွင် လွယ်အိတ်ကလေးကို ပိုက်ပြီး လွယ်အိတ်လေးမိုးစိုမှာ စိုး၍ မိုးခိုဖို့နေရာ ရှာခဲ့ဖူးပါသည်။ လွယ်အိတ်ကလေးကို ပေါင်ပေါ်တင်ကာ လက်ဖက်ရည်ဆိုင်မှာ ကာရန်မဲ့ ကဗျာတွေ အကြောင်း သူငယ်ချင်းတစ်ချို့နှင့် ငြင်းခုံခဲ့ဖူးပါသည်။ ထိုလွယ်အိတ်ကလေးကိုပင် နံဘေးမှာထားပြီး ထူးအိမ်သင် သီချင်းတွေ လည်း ဆိုညည်းခဲ့ကြဖူးပါသည်။ “အဝေးက လမ်းဟောင်းလေးကို ငါဟာနှုတ်ဆက် .. အမေ့ရဲ့မျက်ရည်စက်တွေငါဟာ နှုတ်ဆက်.. အပြာရောင် ကျောပိုးအိတ်တစ်ခုထဲ.. ဒဏ်ရာအဟောင်းလေးကိုထည့် သွားရတော့မယ်...” ဆိုတဲ့ လက်ဖက်ရည်ဆိုင် စပီကာမှ ထွက်လာသော အသံအတိုင်း တိုးတိုးလေး လိုက်ညည်းရင်း လွယ်အိတ်အညိုလေးထဲက ကျွန်တော့် ဒဏ်ရာပေါင်းများစွာ အကြောင်း တွေးငေးခဲ့ဖူးပါသည်။

လွယ်အိတ်ကလေးသည် ကျွန်တော့်သနပ်ခါးပွင့်လေးအတွက် မပေးဖြစ်ခဲ့သော ကဗျာတွေအကြောင်း သိသည်။ ကျွန်တော့်ရင်ဘတ်ထဲက ၀မ်းနည်းမိုးတိမ်တွေအကြောင်း သိသည်။ ကျွန်တော့်ရင်ဘတ်ထဲက ပျော်ရွှင်တိမ်တိုက်တွေ အကြောင်းလည်း သိသည်။ ကျွန်တော့်နှလုံးသားထဲ သိမ်းဆည်းထားသော ရင်ခုန်သံတွေ အကြောင်း သိသည်။ ကျွန်တော် ပြန်မဆုံချင်သော ကျွန်တော်ပြန်မတွေ့ချင်သောသူများအကြောင်း သိသည်။ ကျွန်တော် တိတ်တဆိတ်မက်ခဲ့ရသော နိုးတ၀က်အိပ်မက်တွေ အကြောင်း သိသည်။ ဘယ်သူမှသိခွင့်မရခဲ့သော ကျွန်တော့် အကြောင်း တော်တော်များများကို သိသူမှာ ကျွန်တော်ပြီးလျှင် လွယ်အိတ်ကလေးသာ ဖြစ်မည် ထင်ပါသည်။ တကယ်တော့ လွယ်အိတ်ကလေးသည် ကျွန်တော့်ကို အမြဲအားပေးတတ်သူ၊ ကျွန်တော့်နှင့်အတူ လမ်းတွေ မညည်းညူစတမ်း လျှောက်ခဲ့သူဖြစ်သည်။ လွယ်အိတ်ကလေးကို ပခုံးထက်မှာလွယ်ကာ လမ်းလျှောက်နေရသော အရသာကို ကျွန်တော် အခုတဖန် ပြန်မရနိုင်တော့သည်မှာ သေချာပါသည်။

စင်္ကာပူသို့ ကျောင်းတက်ရန် ထွက်လာခါနီး တစ်နေ့တွင်တော့ ကျွန်တော့်လွယ်အိတ်ကလေးထောင့်စွန်းမှာ အနည်းငယ် စုတ်ပြဲနေသည်ကို အမှတ်မထင် တွေ့လိုက်ရပါသည်။ အမေက ပြန်ပြီး ချုပ်ပေးမည် ပြောသော်လည်း ကျွန်တော် လက်မခံခဲ့ပါ။ “နေပါစေ အမေ..” ဟု သာ ပြန်ပြောလိုက်ပါသည်။ “ဒီလိုလေး စုတ်ပြဲနေတာကိုက တိုက်ပွဲဝင်တစ်ယောက်ရဲ့ ဒဏ်ရာကို တခမ်းတနား ဂုဏ်ပြုဖော်ပြနေတာပဲ” ဟူသော ကျွန်တော့်ခပ်ကြောင်ကြောင်အတွေးကိုတော့ အမေ့အား မပြောဖြစ်ခဲ့ပါ။ အမေကတော့ လွယ်အိတ်ကလေးကို မကြာခဏလျှော်ဖို့ ဆွယ်တရား ဟောတတ်သည်။ ကျွန်တော်က ခဏခဏ မလျှော်စေချင်ပါ။ လွယ်အိတ်ကလေး နွမ်းသွားမည်ကို စိုးပါသည်။ ပြီးတော့ ခဏခဏ လျှော်ပြီး မွှေးမြသစ်လွင်တောက်ပြောင်နေတာထက် ခပ်မှိုင်းမှိုင်းဖြင့် အနံ့ခပ်ပြင်းပြင်းလေးထွက်နေသည်ကို ကျွန်တော် ပိုသဘောကျပါသည်။

ဒီလိုနှင့် ကျွန်တော် စင်္ကာပူသို့ထွက်ခဲ့ပါသည်။ လွယ်အိတ်ကလေးကို ကျွန်တော်နှင့်အတူ မခေါ်လာဖြစ်ပါ။ အမှန်က သူ့ကို ကျွန်တော့်ကိုယ်စား မြန်မာပြည်မှာ ထားခဲ့ချင်သောကြောင့် ဖြစ်သည်။ ကျွန်တော် မြန်မာပြည်ပြန်လည်ဖြစ်သည့်အခါ ကျွန်တော် အဝေး ရောက်နေတုန်း ဘာတွေ ဖြစ်ပျက်နေသလဲဆိုသည်ကို သူ့ကို ပြန်မေးမည်ဟူသော ခပ်ကြောင်ကြောင် စိတ်ကူးဖြင့် ထားခဲ့မိခြင်း ဖြစ်သည်။ ကျွန်တော် စင်္ကာပူမှာ ကျောင်းတက်ပြီး ၆လအကြာတွင် မြန်မာပြည်သို့ အလည်တစ်ခေါက်ပြန်ရောက်ခဲ့ပါသည်။ သို့သော် လွယ်အိတ်ကလေး အိမ်တွင် ရှိမနေတော့ပါ။ ဆင်းရဲနွမ်းပါးတဲ့ တစ်ယောက်ယောက်ကိုများ ပေးပစ်လိုက်ပြီလား။ ဒါမှမဟုတ်။ ကျွန်တော် ဆက်မတွေးဖြစ်တော့ပါ။ လွယ်အိတ်ကလေးရှိနေသေးလျှင်လည်း အတော့်ကို ဟောင်းနွမ်း နေလောက်ပါပြီ။ ကိစ္စ္စမရှိပါ။ ကျွန်တော့် အတွေးထဲ အာရုံထဲတွင် တစ်ချိန်က ကျွန်တော့် တိုက်ပွဲဝင် လွယ်အိတ်ကလေး အမြဲထာဝရရှိနေမည်ဆိုတာ ကျွန်တော်သာ အသိဆုံးဖြစ်ပါသည်။

အခုအချိန်တွင် ကျွန်တော့်မှာ ထိုလွယ်အိတ်ကလေးရှိနေဦးမည်ဆိုလျှင် ဘာတွေထည့်ထားရင် ကောင်းမလဲ လို့တော့ တစ်ခါတစ်ခါ တွေးမိပါသည်။ ချစ်သူနှင့်အတူ ရိုက်ထားသော ဓာတ်ပုံလေးတွေ ထည့်ထားလျှင် ကောင်းမလား။ “နတ်ဆိုးတွေ ငါ့ပန်းရနံ့ကို ရှူရင်းနဲ့လဲကျ ကောင်မလေး တစ်ယောက် ငါ့ကိုလွမ်းတဲ့ည” ဟူသော ချစ်သူရဲ့ ကဗျာရွတ်သံလေးတွေ ထည့်ထားလျှင် ကောင်းမလား။ မျက်လုံးမှိတ်လိုက်တိုင်း တွေ့တွေ့နေရသည့် ချစ်သူရဲ့ အပြုံးလေးတွေ ထည့်ထားလျှင် ကောင်းမလား။ အနမ်းတွေကို ပန်းတွေအဖြစ် ဖန်ဆင်းပြီး လွယ်အိတ်လေးထဲ ထည့်သိမ်းထားရင် ကောင်းမလား။

ထိုအညိုအရောင် လွယ်အိတ်ကလေးတစ်လုံး၏ ညှို့ယူမှုအောက်တွင် အရာရာသည်
ပေါ့ပါးစွာ ...
လွတ်လပ်စွာ ...
အထိန်းအကွပ်မဲ့စွာ ...
မျှော်လင့်စွာ ...
ရူးသွပ်စွာ ...
ကျွန်တော့် ရင်ခုန်သံကတော့ အခုထိ ခပ်မှန်မှန်ထွက်နေဆဲဖြစ်သည်။

ညီညီ(သံလွင်)

သံလွင်အိပ်မက် အမှတ် ၉ မှာ ရေးဖြစ်ခဲ့သော အက်ဆေးတစ်ပုဒ်ပါ။ ဒီနေရာမှာ သွားဖတ်နိုင်ပါတယ်။

Read More...

Aug 17, 2007

သံလွင်ကိုအိပ်မက်တဲ့အခါ ငါတို့ရဲ့တေးသွားကို ကြားလိမ့်မယ်


ဒီနေ့ ဇင်ကိုလတ်နဲ့ နေဘုန်းလတ်တို့ နှစ်ယောက်ရဲ့ ဘလော့ဂ်တွေမှာ သံလွင်အိပ်မက် စတင်ထုတ်ဝေခြင်း (၃) နှစ်ပြည့်အတွက် အမှတ်တရ ပို့စ်တွေ တင်ထားမှပဲ ပြက္ခဒိန်ကို ကြည့်မိတော့တယ်။ သြော်.. ဒီနေ့ သြဂုတ်လ ၁၇ ရက် ကိုး။ လွန်ခဲ့တဲ့ သုံးနှစ် ဒီအချိန်မှာ ကျွန်တော်နဲ့ ဇင်ကိုလတ် (ခ) စည်သူ(သံလွင်) တို့ နှစ်ယောက် သံလွင်အိပ်မက် အမှတ်(၁) ကို စပြီး ထုတ်ခဲ့ကြတယ်။ စင်္ကာပူအခြေစိုက် Portal တစ်ခုအဖြစ် သံလွင်ဒေါ့ကွန်းကို ဖန်တီးကြဖို့ စိတ်ကူးရတဲ့အချိန်မှာ သံလွင်ကို လူသိများလာအောင် အားဖြည့်တဲ့အနေနဲ့ အွန်လိုင်းမဂ္ဂဇင်းတစ်ခု လုပ်ကြဖို့ တိုင်ပင်ကြပြီး နာမည်ပေးဖို့ စဉ်းစားကြပါတယ်။ ဒါနဲ့ အနှစ်နှစ်အလလ မက်ခဲ့ရတဲ့ အိပ်မက်တွေကို ရည်ရွယ်ပြီး လူငယ်တွေကို ကိုယ်စားပြုနိုင်ဖို့ဆိုတဲ့ အဓိပ္ပာယ်နဲ့ သံလွင်အိပ်မက် ဆိုတဲ့ နာမည်ကို ပေးခဲ့တယ်။ သံလွင်အိပ်မက်အတွက် လိုဂိုကိုလည်း မြန်မာပြည်မြေပုံမှာ သံလွင်မြစ်တစ်စင်းကို ဆွဲထည့်ပြီး ဖန်တီးခဲ့တယ်။ နောက်ပြီး Identity တစ်ခုအနေနဲ့ရော ဆွဲဆောင်မှုလည်း ရှိအောင်.. နာမည်ကျော် NIKE ကုမ္ပဏီရဲ့ Just do it လိုဆောင်ပုဒ်မျိုး ကို အားကျပြီး “သံလွင်ကိုအိပ်မက်တဲ့အခါ ငါတို့ရဲ့တေးသွားကို ကြားလိမ့်မယ်” ဆိုတဲ့ ဆောင်ပုဒ်တစ်ခုကို စဉ်းစားမိတော့ ထပ်တည့်လိုက်တယ်။ ဒီလိုနဲ့ပဲ သံလွင်အိပ်မက် စတင် မွေးဖွားခဲ့တယ် ဆိုပါတော့။

ကဲ.. စာမူတွေ ဘယ်လိုရှာကြမလဲ။ သူငယ်ချင်းတွေကို လိုက်မေးတယ်။ သံလွင်အိပ်မက်ဆိုတာ ဘာမှန်း မသိသေးချိန်မှာ လိုသလောက် စာမူကို မရခဲ့ဘူး။ ပထမဆုံး တစ်စောင် နှစ်စောင်မှာ ကျွန်တော်နဲ့ စည်သူ နှစ်ယောက်သား ကလောင်တွေ မျိုးစုံခွဲပြီး ရေးခဲ့ရတယ်။ ညီညီ(သံလွင်)၊ ခေလွန်း၊ ကိုသံလွင်၊ သံလွင်မောင်၊ ဇင်ကိုလတ်၊ စည်သူ(သံလွင်) .. ။ နောက်တော့ စည်သူနဲ့ ငယ်ပေါင်းသူငယ်ချင်း.. နေမျိုး စင်္ကာပူ ရောက်လာတော့ သံလွင်အိပ်မက်အတွက် တအားဖြစ်လာခဲ့တယ်။

“စည်သူရေ.. မနက်ဖြန်ညနေ meeting လုပ်မယ်။ နေမျိုးကိုပါ ခေါ်ခဲ့ဦး”

စည်သူ၊ နေမျိုး၊ ကျွန်တော် .. နောက်တော့ အားလုံး တိုင်ပင်ပြီး ကိုငယ်(မန္တလေး) ကိုပါ ကျွန်တော်တို့ အယ်ဒီတာအဖွဲ့ထဲ ဆွဲသွင်းခဲ့ပါတယ်။ အယ်ဒီတာ ၄ယောက်ဖြစ်သွားပြီး စည်စည်ကားကားဖြစ်လာတဲ့ သံလွင်အိပ်မက်မှာ စာမူပုံမှန်ပေးပို့လာတဲ့ အမာခံစာရေးဆရာများလည်း ပို ပိုပြီးများလာခဲ့တယ်။

“ကိုငယ်၊ နေမျိုး၊ စည်သူ .. သံလွင်မောင်ရဲ့ သူငယ်ချင်းသို့ပေးစာ အတွက် ဖြည့်ရေးချင်တာရှိရင် ထပ်ဖြည့်ရေးပြီး အီးမေးလ် ပြန်ပို့လိုက်ပါ”

အချို့ အချို့သော အွန်လိုင်း မဂ္ဂဇင်းများဟာ ပေါ်ပြီး မကြာမီမှာပဲ ပျောက်ချင်းမလှ ပျောက်ကွယ်သွားခဲ့ကြပေမယ့် သံလွင်အိပ်မက်ကတော့ အခုထိ ပရိသတ်အခိုင်အမာနဲ့ ရပ်တည်နေတာဟာ အမြဲတစေ အားပေးခဲ့ကြသူတွေရဲ့ ကျေးဇူး မကင်းပါဘူး။ အယ်ဒီတာ ၄ယောက်လုံး အသက်ကလည်း တစ်နှစ်ကြီးတစ်နှစ်ငယ်တွေဆိုတော့ လူငယ်တွေပီပီ စိတ်ဓာတ်တွေ တက်တက်ကြွကြွနဲ့ သံလွင်အိပ်မက် ထွက်ခါနီးညတွေဆိုရင် အိပ်ရေးပျက်ခံပြီး လုပ်ခဲ့ကြတယ်။ ကျွန်တော်တို့ ဘာအကျိုးအမြတ်ကိုမှ မျှော်လင့်ပြီး မလုပ်ခဲ့ကြပါဘူး။ တစ်နှစ်တစ်နှစ် သံလွင်ဒေါ့ကွန်း website hosting အတွက် အယ်ဒီတာအားလုံး အိတ်စိုက်ပြီး လုပ်ခဲ့ကြတယ်။ ပြီးတော့ ပညာဒါနအနေနဲ့ မြန်မာနိုင်ငံက ဘုန်းတော်ကြီးသင် ပညာရေးကျောင်းတွေမှာ သံလွင်အိပ်မက်တစ်စောင်ထွက်တိုင်း လှူဒါန်းခဲ့တယ်။

ကျွန်တော်တို့ တတ်နိုင်တဲ့ဘက်ကနေ တိုင်းပြည်အတွက် လူငယ်တွေအတွက် တစ်ခုခု လုပ်ပေးချင်တယ်ဆိုတဲ့ စိတ်နဲ့ ကျွန်တော်တို့ ကြိုးစားပမ်းစားလုပ်ခဲ့ကြတာ ၃နှစ်တင်းတင်း ပြည့်ခဲ့ပြီပေါ့။
မှန်ခဲ့တာတွေလည်း ရှိချင်ရှိမယ်။
မှားခဲ့တာတွေလည်း ရှိချင်ရှိမယ်။
မှန်ခဲ့တာတွေကို အားပေးချီးကျူးခဲ့ကြပြီး မှားခဲ့တာတွေအတွက် နားလည်ခွင့်လွှတ်ပေးခဲ့ကြတဲ့ စာဖတ်ပရိသတ်အတွက် သံလွင်အိပ်မက်ကို ကျွန်တော်တို့ ကောင်းသထက်ကောင်းအောင် ဆက်လုပ်သွားကြမယ်။
လူငယ်တွေဟာ တိုင်းပြည်အတွက် အရေးအကြီးဆုံး အရင်းအမြစ်ဆိုတဲ့ message ကို မြန်မာလူငယ်တွေ အားလုံးကြားအောင် သံလွင်ရဲ့ တေးသွားတွေကို သံပြိုင်ဆိုပြီး ကျွန်တော်တို့ ရှေ့ခရီးဆက်ကြဦးမယ်။ ကျွန်တော်တို့အားလုံးအတွက် အနာဂတ်အသစ် တိုင်းပြည်အသစ် မြန်မာနိုင်ငံသစ်ကို ထူထောင်ဖို့ ကိုယ်နိုင်ရာ ကျရာအခန်းကဏ္ဍက တတပ်တအား ပါဝင်ကြိုးစားနေခြင်းဟာ ကျွန်တော်တို့နဲ့ ရင်ခုန်သံ နီးစပ်စေခြင်းပဲ ဖြစ်မယ်လို့ ကျွန်တော် ယုံကြည်ပါတယ်။

Read More...

Aug 16, 2007

နံပါတ်တွေနဲ့ ရေးတဲ့ကဗျာ

အနာဂတ်ကို စိတ်ထဲမှာမှတ်
လက် ရှစ်ချောင်းထောင်
မရေရာမှုတွေကြောင့်
နေ့ရောညပါ မှောင်သလား။

တစ် .. ကုန်ဈေးနှုန်း တက်တယ်
ငါး .. ကိုယ်ရည်ကိုယ်သွေး ကျတယ်
သုည .. စိတ်ဓာတ် ကျတယ်
ရှစ် .. ကားခ တက်တယ်
နှစ် .. ငွေစက္ကူတန်ဖိုး ကျတယ်
သုည .. လောင်စာဆီ တက်တယ်
သုည .. ယုံကြည်မှု ကျတယ်
ခုနစ် .. ဆင်းရဲမွဲတေမှု တက်တယ်

တစ် ငါး
သုည ရှစ်
နှစ် သုည သုည ခုနစ်
နစ်သထက် နစ်
အစ်သထက် အစ်
ကြယ်တွေလခြမ်းတွေ အစား
ရှစ် ဆိုတဲ့ နံပါတ်သာ ပုခုံးမှာ ထမ်းထားတော့… ။ ။

ခေလွန်း

Read More...

Aug 15, 2007

အမေ

ထူးအိမ်သင်ရဲ့ အမေ သီချင်းတွေကို နားထောင်မိတိုင်း ငယ်ငယ်က မိသားစုဘ၀နဲ့ အမေ့ကို သတိရပါတယ်။ သားသမီးလေးယောက်မှာ အငယ်ဆုံးသားဖြစ်တဲ့ ကျွန်တော့်ကို မွေးပြီးတဲ့နောက် ကျောင်းဆရာမ အမေဟာ အလုပ်ကထွက်ပြီး ပင်စင်ယူခဲ့ပါတယ်။ ငယ်ငယ်ကဆို အမေ ပင်စင်လခထုတ်တဲ့ပိုက်ဆံဟာ ကျွန်တော့်ကို မဂိုလမ်းမှာ အရုပ်တွေလိုက်ဝယ် ပေးရတာနဲ့ ကုန်တာပဲ။ ဒါကြောင့် အမေ ပင်စင်လခထုတ်ပြီဆို ကျွန်တော် ပျော်တယ်။ အခုတော့ အမေ့ ပင်စင်လခက ဘာမှ သုံးမလောက်တော့လို့ သွားမထုတ်တာကြာပြီ တဲ့။ ခပ်ငယ်ငယ် လမ်းစလျှောက်ခါစ အရွယ်ကဆို မအိပ်ချင်ဘဲ အိပ်ချင်ပြီလို့ အမေ့ကို ဂျီကျပြီး အတင်းသိပ်ခိုင်းပါတယ်။ ကျွန်တော့်ကို အိပ်ပျော်အောင် သိပ်ပေးရင်း အမေ အိပ်ပျော်သွားတဲ့အခါ အိပ်ချင်ယောင်ဆောင်နေရာက ကျွန်တော် တိတ်တိတ်လေး ထလာတတ်တယ်။ ငယ်ငယ်ကတော့ အဲလို လုပ်ရရင် သိပ်ပျော်ခဲ့တာ။ နောက် အတော်လေး အသက်ကြီးမှ သိရတာက ကျွန်တော် တကယ်မအိပ်ဘူး ဆိုတာသိလို့ အမေက အိပ်ချင်ယောင်ဆောင်နေခဲ့တာ တဲ့လေ။

ကျွန်တော် ၀ိုင်အမ်စီအေမှာ မူကြိုတက်ရတော့ အမေနဲ့ မခွဲနိုင်ဘဲ အိမ်ပြန်လိုက်မယ်ချည်း လုပ်နေလို့ အမေက ကျွန်တော်နဲ့ အတူ မူကြိုမှာ နေ့တ၀က် နေပြီး အတူအိမ်ပြန်လေ့ရှိပါတယ်။ လမ်းပေါ်ဆော့တတ်တဲ့ အရွယ်ရောက်တော့လည်း ကျွန်တော့်ကို ဘယ်သူကများ အနိုင်ကျင့်နေမလဲဆိုပြီး ၀ရန်တာက ထွက်ထွက်ကြည့်တတ်ပါတယ်။ ကျွန်တော်က ဘယ်သန်ဆိုတော့ ငယ်ငယ်ကဆို “ဘယ်ကျော်” ဆိုပြီး ကလေးအချင်းချင်း နှိမ်တာ အတော်လေး ခံခဲ့ရပါတယ်။

ဗိုလ်တထောင်(၅)မှာ စပြီး ကျောင်းတက်ရတော့ ကံကောင်းထောက်မစွာနဲ့ အတန်းပိုင်ဆရာမ ဒေါ်နုနုဝေက အမေ့ရဲ့ တပြည့်ဟောင်းတစ်ယောက် ဖြစ်နေပါတယ်။ ကျွန်တော်တို့ သူငယ်တန်း အခန်းက ၄၅လမ်းနဲ့ ကပ်လျက်မှာ ရှိနေတော့ အမေက အခြား ကျွန်တော့်သူငယ်ချင်း အမေတွေနဲ့အတူ ၀ိုင်းဖွဲ့ စကားပြောရင်း ကျွန်တော် ကျောင်းစတက်ကတည်းက ကျောင်းဆင်းချိန်အထိ စောင့်နေလေ့ ရှိပါတယ်။

အလယ်တန်းကျောင်းသား အရွယ်မှာတော့ အမေ ကျောင်းဆင်းချိန်လာကြိုတာနဲ့ အရုပ်ပါတဲ့ စားစရာမုန့်ထုတ်တွေ တစ်မျိုးပြီး တစ်မျိုး ၀ယ်ခိုင်းတတ်ပါတယ်။ ပြီးတော့လည်း မုန့်ကို မစားဘဲ အရုပ်ကိုပဲ သိမ်းထားတာပါ။ ကျွန်တော်တို့ ကျောင်းက အတန်းတင် စာမေးပွဲရမှတ်တွေနဲ့ အတန်းခွဲလေ့ရှိပါတယ်။ သူ့ကျူရှင်မတက်လို့နှိမ်တတ်တဲ့ ဆရာမတွေ အကြောင်း ပြောပြရင် အမေလည်း ရောပြီး စိတ်ဆိုးတတ် ပါတယ်။ အမှတ်နည်းချင် နည်းပါစေ.. အဲဒီဆရာမမျိုးရဲ့ ကျူရှင်မှာ မတက်ဘူး လို့ ကျွန်တော် ပြောလေ့ ရှိသလို အမေကလည်း ဘယ်တော့မှ အတင်းအကြပ် မလုပ်ခိုင်းပါဘူး။ ကျူရှင်မှာ မေးခွန်းကြိုရပြီး အမှတ်ကောင်းကောင်းရတဲ့သူတွေကိုလည်း အထင်မကြီးပါဘူး။ “ကိုယ့်အရည်အချင်း အမှန်ကို ဆယ်တန်း ဖြေတဲ့အခါမှာ သိအောင်ပြပေါ့ သား” လို့ အမြဲ ပြောတတ်ပါတယ်။ အမေဟာ ကျွန်တော့်ကို ကိုယ်ပိုင်ယုံကြည်ချက်ရှိအောင် အတော်လေး တွန်းအားပေးနိုင်ခဲ့သူ တစ်ယောက်လို့ ဆိုနိုင်ပါတယ်။ ကျွန်တော့်ကို မြှောက်ပင့်ပြောတာမျိုးမဟုတ်ဘဲ ကျွန်တော့်မှာ လုပ်ချင် ဖြစ်ချင်စိတ်ရှိရင် ဖြစ်အောင် လုပ်နိုင်တဲ့ အရည်အချင်းရှိတယ်လို့ အမြဲ အားပေးခဲ့ပါတယ်။

ငယ်ငယ်ကတည်းက ကျွန်တော့်ကို ဘာလုပ်ရမယ် ဘာမလုပ်ရဘူးလို့ အမိန့်ပေး စေခိုင်းတတ်ခြင်း မရှိတဲ့ အမေ… သားသမီးကို ဆုံးမရာမှာ နားလည်အောင် ပြောတတ်ပြီး ရိုက်နှက်ဆုံးမတတ်ခြင်း မရှိတဲ့ အမေနဲ့ တွေ့ကြုံခဲ့ရတာ ကျွန်တော့်အတွက် ကံကောင်းတယ်လို့ ဆိုရပါမယ်။ ကျွန်တော်က စာကျက်နေတုန်း စာမှန်မှန်ကျက်လို့ တစ်ယောက်ယောက်က လာပြောရင် စာကို ဆက်မကျက်ဘဲ ထထွက်သွားတတ်သူမျိုးပါ။ ကိုယ်လုပ်ချင်တဲ့အရာကို လုပ်ချင်တဲ့အချိန်မှာ ကိုယ့်အသိစိတ်နဲ့ကိုယ် လုပ်တတ်အောင် လက်ဦးဆရာ အမေက သင်ပြပေးခဲ့ပါတယ်။

ဒီလိုနဲ့ အမေ့ရဲ့ အားပေးမှုတွေနဲ့ ကြိုးစားခဲ့လို့ ဆယ်တန်းအောင်စာရင်းတွေ ထွက်တဲ့အခါ ကျွန်တော် အမှတ်ကောင်းကောင်းနဲ့ အောင်ခဲ့ပါတယ်။ ဆယ်တန်းမဖြေခင်ကတည်းက ဆေးကျောင်းအမှတ်မီအောင် ဖြေပြမယ်။ ဒါပေမယ့် အင်ဂျင်နီယာပဲ ဖြစ်အောင်လုပ်မယ်လို့ အမေနဲ့ သဘောတူညီချက် ယူထားပြီးသားပါ။ ကျွန်တော်က ငယ်ငယ်ကတည်းက သင်္ချာဘာသာရပ်မှာ အမှတ်ကောင်းခဲ့လို့ အမေကလည်း အင်ဂျင်နီယာ ဖြစ်ချင်တာ ကောင်းတယ်လို့ ယူဆခဲ့ပုံပါပဲ။ ဒါပေမယ့် မြို့ပြအင်ဂျင်နီယာတစ်ယောက် ဖြစ်ချင်ခဲ့တဲ့ ကျွန်တော့်အတွက် တက္ကသိုလ်တွေ ပိတ်ထားချိန်နဲ့ တိုးနေပါတယ်။ ပြန်ဖွင့်ရင်တောင် ကျွန်တော်တက်ရမယ့် အလှည့်ကို ရောက်ဖို့ စောင့်ရဦးမှာလေ။

ဆယ်တန်းပြီးကာစ ကွန်ပျူတာ ပရိုဂရမ်းမင်း၊ ဟတ်ဒ်ဝဲလ်သင်တန်းတွေ ဆက်တိုက် တက်ထားတဲ့ အရှိန်နဲ့ ကွန်ပျူတာဟာ ကျွန်တော့်ဘ၀ရဲ့ တစိတ်တဒေသဖြစ်လာခဲ့ပါတယ်။ ဒါနဲ့ စင်္ကာပူမှာ ကျောင်းသွားတက်မယ် ဆုံးဖြတ်တော့ အိုင်တီကို တက်ဖို့ ဆုံးဖြတ်လိုက်ပါတယ်။ နန်ယန်းပေါ်လီကို တက်ဖို့ အောင်စာရင်းတွေ ထွက်တော့ ကျွန်တော် အမေတို့နဲ့အတူ မေမြို့ဘက် ခရီးထွက်နေတုန်းပါ။ ရန်ကုန်ကနေ အကြောင်းကြားတယ်.. ကျွန်တော့် နာမည်လည်း ပါတယ် ဆိုတာ သိရတော့ အမေ ပျော်နေခဲ့တယ်။ အဲဒီ ခရီးဟာ အခုထိ အမေနဲ့ အတူထွက်ခဲ့ရတဲ့ နောက်ဆုံးခရီးပါပဲ။ ၁၉၉၉ ဇွန်လမှာ ၁၈နှစ်ကျော်ကျော်အမေနဲ့ အတူနေလာခဲ့ရာက ခွဲပြီး စင်္ကာပူကို ထွက်လာခဲ့ရတယ်။

အမေနဲ့ ခွဲပြီး အဝေးမှာ အကြာကြီးမနေဖူးခဲ့တဲ့ ကျွန်တော့်အတွက် ပတ်ဝန်းကျင်အသစ်မှာ အသားကျအောင် နေထိုင်ရင်း အမေ့ကို သတိရရှိရင်းနဲ့ ကျွန်တော် အရာရာကို ရင်ဆိုင်ခဲ့ရတယ်။ လူကြုံရှိတိုင်း ကျွန်တော့်ဆီ စာအမြဲရေးလေ့ ရှိတဲ့အမေ့ကို ကျွန်တော်က အိမ်ကို စာရေးဖို့ ပျင်းလေ့ရှိတာမို့ သိပ်ရေးလေ့ မရှိပါဘူး။ ဖုန်းတော့ တစ်လကို နှစ်ခါလောက် ဆက်လေ့ရှိပါတယ်။ အီးမေးလ်လည်း ကြုံရင်ကြုံသလို ပို့လေ့ရှိပါတယ်။ ပေါ်လီကျောင်းတက်စဉ်ကလည်း ကျောင်းပိတ်တိုင်းလိုလို ပြန်လေ့ရှိပေမယ့် ကျောင်းပြီးလို့ နှစ်နှစ်ခန့် အကြာမှာ ပြန်တော့ လေဆိပ်မှာ လာကြိုတဲ့ အမေ့မျက်နှာမှာ.. ဇရာရဲ့ အရေးအကြောင်းတွေ အတော်လေး ထင်ဟပ်နေခဲ့ပါပြီ။ အမေ့အနားမှာ ကျွန်တော် မရှိချိန်မှာ အမေ့ကို ဇရာက တရိပ်ရိပ် တိုက်စားခဲ့ပုံ ရပါတယ်။

၂၀၀၂ ပေါ်လီကျောင်းပြီး အလုပ်ဝင်ကာစမှာ ဘွဲ့တစ်ခုရအောင် ဆက်တက်ဖို့ တိုက်တွန်းခဲ့တဲ့အမေ့ကြောင့် အချိန်ပိုင်း ကျောင်းတက်ရင်း ၂၀၀၄ မှာ ဘွဲ့တစ်ခု ရပြီးပြန်တော့လည်း ဘွဲ့လွန်ဆက်တက်ဖြစ်အောင် ခဏခဏ မှာလေ့ရှိပါတယ်။ ပညာတတ်ရင် မျက်နှာမငယ်ရဘူး ဆိုတဲ့စကားကို အမေ အမြဲပြောလေ့ရှိတယ်။

ကျွန်တော် ရန်ကုန်ပြန်တိုင်း အိမ်ပြန်လာချိန်ကို တမျှော်မျှော်နဲ့ ရှိတတ်တဲ့ အမေ၊ ညမိုးချုပ်ထိပြန်မလာရင် စိတ်ပူပြီး ဖုန်းဆက်တတ်တဲ့ အမေ၊ ညစဉ်လိုလို ကျွန်တော်ကြိုက်တတ်တဲ့ လက်ဖက်သုတ်ကို ကျွေးတတ်တဲ့ အမေ၊ နိုင်ငံရပ်ခြားမှာ ရောက်နေတဲ့ သားသမီးတွေ နောက်ဆုံး ဖုန်းခေါ်ခဲ့တဲ့ ရက်စွဲတွေကို မှတ်ထားတတ်တဲ့ အမေ၊ ကျွန်တော်ပိုက်ဆံပို့လိုက်တယ်လို့ လစဉ်ဖုန်းဆက်တိုင်း ကျေနပ်စွာ သာဓုခေါ်တတ်တဲ့ အမေ၊ ကျွန်တော့်ကို မျှော်လင့်ချက်ကြီးကြီး အမြဲထားတတ်တဲ့ အမေ့ အနားမှာ ကျွန်တော် ခုထိ နှစ်လကျော်အောင် နေခွင့်မရခဲ့တာ ၈ နှစ်ရှိခဲ့ပါပြီ။ လာမယ့် ၂၀၀၈ မေလ ၂၃ရက်နေ့မှာ အမေ အသက်ခြောက်ဆယ်တင်းတင်း ပြည့်တော့မယ်။

အမေနဲ့ ဝေးရာကို အမှတ်မထင် ရွက်လွှင့်ထွက်ခွာခဲ့ရင်း
ဝေးသထက် ဝေးရာကို ထပ်ပြီး ရွက်လွှင့်ရမယ့် ကျွန်တော့်အတွက်
“အမေ့ အေးရိပ် သားပြန်ခဲ့ပြီ” လို့ ဘယ်တော့များမှ ဆိုခွင့်ရပါ့မလဲ အမေ။

ညီညီ(သံလွင်)

Read More...

ဘလော့ဂ် ဘာကြောင့်စရေးဖြစ်သလဲ

ဘလော့ဂ် ဘာကြောင့်စရေးဖြစ်သလဲ ဆိုတဲ့ ခေါင်းစဉ်နဲ့ သူငယ်ချင်းကိုဖြိုးက tag လုပ်ထားတာတော့ ကြာပါပြီ။ ဒါပေမယ့် မအားတာရယ် ရေးဖို့ စိတ်မပါတာရယ်ကြောင့် မရေးဖြစ်ခဲ့ဘူး။ အခုတော့ ဒီရက်ပိုင်း အလုပ်မှာ နည်းနည်း အလုပ်ပါးနေတာကြောင့် ရတဲ့အချိန်လေးကို အသုံးချပြီး ရေးဖို့ စိတ်ကူးရပါတယ်။

၂၀၀၅ ခုနှစ်တ၀ိုက်မှာ ဘလော့ဂ်ဆိုတဲ့အသံတွေ အတော်လေး နေရာယူ လာပါတယ်။ ကိုအာလူးရဲ့ ဘလော့ဂ်တို့ ကိုညီလင်းဆက်ကိုမောင်လှတို့ရဲ့ ဘလော့ဂ်တွေကို ဆက်တိုက်ဆိုသလို ဖတ်ဖြစ်ခဲ့ပါတယ်။ နောက်တော့ ညီငယ်မောင်သန့်ဇင်နဲ့ ဝေဖြိုးကျော်တို့ရဲ့ ဘလော့ဂ်တွေကိုလည်း အမြဲလိုလို ဖတ်ဖြစ်ခဲ့ပါတယ်။ ဘလော့ဂ်တွေမှာ ကွန်မန့်တွေရေးကြ အပြန်အလှန် ဆွေးနွေးကြတာကို တွေ့ပြီး သံလွင်အိပ်မက်အတွက် စကားဝိုင်းလေးတစ်ခု ဖန်တီးနိုင်ရင်ကောင်းမယ်ဆိုတဲ့ စိတ်ကူးရပါတယ်။ အဲဒါနဲ့ သံလွင်အိပ်မက်အဖွဲ့ဝင် အယ်ဒီတာတွေ အားလုံးဆီက သဘောတူညီမှုရယူပြီး ၂၀၀၅ ဒီဇင်ဘာ ၂ရက်နေ့မှာ သံလွင်အိပ်မက်ဘလော့ဂ်ကို ဖန်တီးဖြစ်ခဲ့ပါတယ်။ နောက်ပိုင်းမှာတော့ မြန်မာလိုရေးတဲ့ဘလော့ဂ်တွေ ပိုပိုများလာတာနဲ့အမျှ သံလွင်အိပ်မက်ဘလော့ဂ်ကို အင်္ဂလိပ်လိုချည်းပဲ မဟုတ်ဘဲ မြန်မာလိုပါ ရေးလို့ရအောင် ညီငယ်မောင်သန့်ဇင်ရဲ့ အကူအညီနဲ့ ပြုပြင်ခဲ့ပါတယ်။ IE (Internet Explorer) နဲ့ ကြည့်ရင် မြန်မာဖွန့် မရှိတဲ့ ကွန်ပျူတာတွေမှာပါ ဖတ်လို့ရအောင် EOT ထည့်ခြင်းကိုတော့ ၂၀၀၀ခုနှစ်ခန့်တုန်းက ဒုတိယနှစ် ကျောင်းသားဘ၀မှာ nypmm.com ၀က်ဘ်ဆိုက်ကို တာဝန်ယူခဲ့စဉ်က ထည့်သွင်းခဲ့ဖူးတဲ့ အတွေ့အကြုံနဲ့ ပြုလုပ်ခဲ့ပါတယ်။ သံလွင်အိပ်မက်ဘလော့ဂ် ကနေ ဖန်တီးလိုက်တဲ့ သံလွင်အိပ်မက်ရဲ့ စကားဝိုင်း ကဏ္ဍဟာလည်း အောင်မြင်မှု ရသင့်သလောက် ရခဲ့ပါတယ်။

အဲဒီနောက်ပိုင်းမှာတော့ သူငယ်ချင်း နေနေနိုင်၊ သံလွင်အိပ်မက်အတွက် စာမူတွေ အမြဲပို့ပေးတတ်တဲ့ အစ်မနိုင်းနိုင်းစနေတို့ရဲ့ ဘလော့ဂ်တွေကို နေ့တိုင်းလိုလို ရောက်ဖြစ်ခဲ့ပါတယ်။ ၂၀၀၆ ဇူလိုင် ၂၇မှာတော့ Programmer’s Diary လို့ ရေးထားတဲ့ ကျွန်တော့်ရဲ့ ဘလော့ဂ်ကလေးကို ဖန်တီးဖြစ်ခဲ့ပါတယ်။ အဲဒီနာမည် ပေးဖြစ်ပုံကတော့ ကျွန်တော့်ကွန်ပျူတာထဲမှာ ကျောင်းတက်စဉ်ကာလတည်းက အခုထိ စမ်းသပ်ရေးထားတဲ့ ပရိုဂရမ်တွေ၊ ပရောဂျက်တွေအတော်များများကို သိမ်းထားတဲ့ ဖိုင်တွဲတစ်ခုရဲ့ နာမည်အတိုင်း ပေးခဲ့တာပါ။ ရေးခါစကတော့ ဟိုးအရင်က ရေးဖြစ်တဲ့ကဗျာတွေကိုပဲ တင်ဖြစ်ခဲ့ပါတယ်။ ၂၀၀၆ နှစ်ကုန်ပိုင်းရောက်မှ ကျွန်မရဲ့ကဗျာဆရာလို့ ခေါ်တတ်တဲ့ ချစ်သူအတွက် “သူမရဲ့ ကဗျာဆရာ” လို့ နာမည်ထပ်ပေးပြီး ဘလော့ဂ်ကို အသေအချာစရေးဖြစ်ခဲ့တာပါ။ ဒါကြောင့် ကျွန်တော့်ဘလော့ဂ်မှာ နာမည်နှစ်ခုဖြစ်နေတာပါ။

ကိုယ်တိုင်ဘလော့ဂ်ရေးပြီးတဲ့နောက် စာအရေးကောင်းတဲ့ သူငယ်ချင်းတွေ ကိုလည်း ဘလော့ဂ်တွေ ရေးကြဖို့ တိုက်တွန်းခဲ့ပါတယ်။ လိုအပ်တဲ့ နည်းပညာ အကူအညီလည်း ပေးခဲ့ပါတယ်။ ဒါနဲ့ပဲ .. အန္တရာယ်နယ်မြေက ကိုဇင်ကိုလတ် (ခေါ်) စည်သူ(သံလွင်)၊ လွတ်ကျခဲ့တဲ့မြို့တော်က မြို့စားကြီး ကိုနေဘုန်းလတ် (ခေါ်) နေမျိုး(သံလွင်)၊ ကိုငယ် (မန္တလေး) [အကြောင်းအမျိုးမျိုးကြောင့် ယခုဘလော့ဂ်ရေးသားခြင်း မရှိတော့ပါ]... စည်းအပြင်က ကိုဖြိုးတို့ပါ ဆက်တိုက်ဆိုသလို ရေးသားလာကြပြီး ကျွန်တော်တို့ရဲ့ ဘလော့ဂ်ရပ်ဝန်းလေး စည်ကားသိုက်မြိုက်ခဲ့ပါတော့တယ်။

Read More...

မီးတစ်ပွင့်အား ရုပ်ဖျက်ပွဲ

ဆုံမှတ်တို့ရဲ့ အံချော်လွဲမှားမှုတွေကြောင့်
သီချင်းတစ်ပုဒ်ထဲကိုပဲ
အပြန်ပြန်အလဲလဲ မွေးဖွားမိတော့တယ်။

ငါ့ရဲ့အလင်းနတ်မိမယ်
တိမ်စုတွေကြား ပုန်းကွယ်နေမလား။

အဖြေမရှိတဲ့ ပုစ္ဆာတစ်ပုဒ်
ကောင်းကင်မှာပဲ မြုပ်ထားလိုက်တယ်။

နတ်သမီးရေ
ကောင်းကင်က ခပ်တိုးတိုးလေးညည်းတယ်…
အခုတော့ မှိုင်းညို့ညို့တိမ်တွေလွှမ်း..
.. လွမ်း.. တယ်…။ ။

ခေလွန်း

(ဟိုးအရင်ကာလတစ်ခုက ရေးဖြစ်ခဲ့တဲ့ကဗျာဟောင်း တစ်ပုဒ်ပါ)

Read More...

Aug 14, 2007

သင်္ချာ၊ ပရိုဂရမ်းမင်းနှင့် အတွေးဆန့်ကြည့်ခြင်း

တချို့က ပြောကြတယ်။ သင်္ချာကို စိတ်ဝင်စားရင် ပရိုဂရမ်းမင်းလုပ်တဲ့အခါ အခက်အခဲမရှိဘူးတဲ့။ မှန်သင့်သလောက် မှန်ပါတယ်။ ဒါပေမယ့် သင်္ချာဘာသာရပ်ကို ငယ်ငယ်ကတည်းက စိတ်ဝင်စားသူ တစ်ယောက်အနေနဲ့ ပရိုဂရမ်းမင်း စပြီး လုပ်ခါစက အတော်လေး ကသိကအောက် ဖြစ်စေတဲ့ ကိစ္စလေးတချို့ကို ဝေမျှချင်ပါတယ်။


၁) ငါဟာ “NULL”

သင်္ချာဘာသာရပ်မှာ ဘာမှ မရှိတဲ့ တန်ဖိုးတစ်ခုကို ဖော်ပြချင်ရင် သုညလို့ ရေးပါတယ်။ ပရိုဂရမ်းမင်းမှာတော့ ဘာမှ မရှိဘူးဆိုရင် အဲဒါကို “NULL” လို့ သုံးပါတယ်။ အခြားသော ကိန်းဂဏန်းတွေလိုပဲ သုညမှာ တန်ဖိုးရှိပါတယ်။ “NULL” မှာတော့ ဘာဆိုဘာမှ မရှိပါဘူး။

ဒါကြောင့် ကဗျာတွေ စာတွေရေးတဲ့အခါ “ငါဟာ သုညတစ်လုံး” လို့ ပြောမယ့်အစား “ငါဟာ NULL” လို့ ရေးရင် ပိုမှန်မယ် ထင်ပါရဲ့။

၂) i = i + 1

သင်္ချာဘာသာရပ် ရှုထောင့်ကကြည့်ရင် ဒီညီမျှခြင်းဟာ ဘယ်လိုမှ မဖြစ်နိုင်ပါဘူး။ ဒါပေမယ့် ပရိုဂရမ်းမင်းမှာတော့ ညီမျှခြင်းရဲ့ ညာဖက်က တန်ဖိုးတွေကို ညီမျှခြင်းရဲ့ ဘယ်ဖက်ကို ထည့်ပေါင်းချင်တဲ့အခါမှာ သုံးပါတယ်။ အတော်လေးအသုံးများတဲ့ ညီမျှခြင်းတစ်ခုပါ။

ကက = ကက + ၁
ဒီညီမျှခြင်းအရဆိုရင် “ကကတစ်” လို့ အဖြေထွက်မယ်ထင်ပါတယ်။

၃) ကွန်ပျူတာတွေက မနှုတ်တတ်ဘူး။

ကျွန်တော်တို့ မူကြိုတက်ခါစကတည်းက အပေါင်းအနှုတ်အခြေခံကို သင်ရတာပါ။ ဒါပေမယ့် အတွက်အချက် အင်မတန်မြန်လွန်းပါတယ်ဆိုတဲ့ ကွန်ပျူတာက မနှုတ်တတ်ပါဘူး။ ကွန်ပျူတာက ပေါင်းပဲ ပေါင်းတတ်ပါတယ်။ ဒါဆို ဘယ်လို အနှုတ်ကို ဘယ်လိုတွက်ချက်သလဲ။ လွယ်ပါတယ်။ အနှုတ်ကို ပေါင်းထည့်လိုက်ပါတယ်။

1-1 = 0 အစား ကွန်ပျူတာက 1 + (-1) = 0 လို့ တွက်ပြီး အဖြေရှာပါတယ်။

မြင်နေကျအရာတွေကို မတူညီတဲ့ ရှုထောင့်တွေကနေ ကြည့်တဲ့အခါ အတွေးအမြင်အသစ်တွေကို ရပါတယ်။ ဒီတော့ ကျွန်တော်တို့တွေ အတွေးအခေါ်အဟောင်းတွေကို ငြီးငွေ့လာတဲ့အခါ အရာရာကို ပုံသေမတွေးဘဲ ဖောက်ထွက်တွေးဖို့ လိုပါလိမ့်မယ်။

Read More...

လမ်းလျှောက်ခြင်း

မှားသလား မှန်သလား
လမ်းမပေါ်ရပ်ပြီး အာရုံတွေ လမ်းသလားတုန်း
တိမ်တွေ တရုန်းရုန်း ဖြတ်သွားတယ်။

အိပ်မက်တွေကို လွယ်ပိုး
နတ်ဆိုးတွေ တရေးမနိုးခင်
ခရီးပြင်းနှင်ရဦးမယ်
မြင်းရိုင်းတစ်ကောင်လိုပေါ့ကွယ်။

ခပ်လွယ်လွယ်တွေးခေါ်
မိုးကို မျှော်နေသူတွေအတွက်
မနက်ဖြန်ဟာ အိပ်မောကျဆဲ။

ရာသီဥတုအလွဲ
ဘ၀အလွဲနဲ့
နိုင်ငံအလွဲတွေ ထားခဲ့
တစ်နေ့မှာ ငါပြန်လာမယ်။

မှားသလား မှန်သလား
လမ်းမပေါ်ရပ်ပြီး အာရုံတွေ လမ်းသလားတုန်း
တိမ်တွေ တရုန်းရုန်း ဖြတ်သွားတယ်။ ။

ခေလွန်း

နံနက် ၁၀နာရီ ၂၁ မိနစ်
သြဂုတ်လ ၁၄ရက်၊ ၂၀၀၇

Read More...

Aug 10, 2007

စလုံးစကား ပြောပါများ

“စကား စကား ပြောပါများ စကားထဲက ဇာတိပြ” ဟု ရှေးလူကြီးသူမတို့က ဆိုဆုံးမခဲ့ကြသည်။ စင်္ကာပူရောက် မြန်မာတွေ အတွက်တော့ “စလုံးစကား ပြောပါများ စကားထဲက လားပဲရ” ဟု မကြာခင် ထပ်မံဖြည့်စွက် ရမလို ဖြစ်နေပြီ ထင်သည်။ မျှော်လေတိုင်းဝေးနေသေးသည့် ရွှေပြည်ကြီးကို စွန့်ခွာကာ ရေကြည်ရာ မြက်နုရာသို့ စွန့်စား ထွက်လာရသော မြန်မာတွေ တပုံတပင် ရှိသည့်အနက် ထိုင်းနိုင်ငံနှင့် မလေးရှားနိုင်ငံပြီးလျှင် မြန်မာတွေ အများဆုံး စုရုံးရောက်ရှိရာ နိုင်ငံသည် စင်္ကာပူနိုင်ငံဖြစ်လိမ့်မည်။ ကိုယ့်ကိုယ်ကို “ရွှေ”ဟု တရားလွန် အမွှန်းတင်တတ်သော ကျွန်တော်တို့ မြန်မာတွေသည် စင်္ကာပူနိုင်ငံသားများကိုမူ စလုံးဟု ခေါ်လေ့ရှိကြသည်။ စင်္ကာပူနိုင်ငံသား အများစု နေ့စဉ် ပြောဆိုလေ့ရှိသော ဆင်းဂလိပ်ရှ် (Singlish)ကို စလုံးစကားဟု လွယ်လွယ်ဆိုလိုက်ပါရစေ။ ထိုစလုံးစကား ဟူသည် အင်္ဂလိပ်စကားကို အစီအစဉ်မကျစွာ ဖြစ်သလို ပြီးစလွယ်ပြောကြသော စကားတစ်မျိုးသာ ဖြစ်သည်။ ဥပမာ “Are you hungry?” ကို “you hungry lah?” ဟု လား ထည့်ကာ မေးခွန်းမေးနေသည့် သဖွယ် ပြောခြင်း၊ “No, I'm not hungry” ဟု ပြောရမည့်အစား “Nah, I not hungry loh” ဟု တရုတ်စကား ပြောနေသယောင်ယောင် အင်္ဂလိပ်စကား အကျိုးအပဲ့များကို ပြောကြခြင်း ဖြစ်သည်။


မြန်မာတွေသည် သင်လွယ်တတ်လွယ်ပါသည်။ အရိပ်ပြရုံနှင့် အကောင်မြင်တတ်ပါသည်။ သို့နှင့် စလုံးစကား များသည် စင်္ကာပူရောက်မြန်မာအများစုတို့၏ နှုတ်ခမ်းဖျားတွင် ဖောဖောသီသီ နေရာယူပါတော့သည်။ စလုံးစကား ပြောနိုင်သည်ကို ဂုဏ်ယူဝင့်ကြွားနေသူ မြန်မာများကိုလည်း တွေ့ဖူးကြုံဖူးပါသည်။ မြန်မာအချို့ကတော့ မိမိကိုယ်တိုင်ပင်မသိလိုက်ဘဲ စလုံးစကားများကို စွဲစွဲလန်းလန်း ပြောနေမိကြသည်လည်း ရှိပါသည်။ တချို့သော စလုံးများသည် အင်္ဂလိပ်စကားကို ရေရေရာရာ လည်လည်ဝယ်ဝယ်မပြောတတ်ကြသဖြင့် စလုံးစကားကို ဖြစ်သလိုပြောကြသော်လည်း အချို့ကတော့ အင်္ဂလိပ်စကားကို ရုံးတွင်း၊ ကျောင်းတွင်း အတည်အတံ့ ပြောရမည့်နေရာတွင် တည်တည်တံ့တံ့ ပြောကြပြီး ထိုသို့ ပြောစရာမလိုသည့်အခါများတွင်တော့ စလုံးစကားဖြင့်သာ နှစ်ပါးသွားကြလေသည်။ ထိုအလေ့အထကို မသိနားမလည်သူ ရွှေမြန်မာတို့ကတော့ စလုံးစကားကို အတည်အတံ့ပြောရန် မလိုသည့် အခါတွင်ရော အတည်အတံ့ပြောရန် လိုသည့်အခါတွင်ပါ တွင်တွင်ကြီးသုံးကြလေရာ မြန်မာတွေ၏ အင်္ဂလိပ်စာ အဆင့်အတန်းသည် သုံးစားမရဟု မှတ်ထင်သွားကြပေလိမ့်မည်။

တစ်ခါက အလုပ်အင်တာဗျူးတစ်ခုအတွက် လူတွေ့စစ်ဆေးရန် အလုပ်အေးဂျင့်မှ ဖုန်းဆက်မှာကြားရာတွင် အလုပ်ရှင်သည် မြန်မာတချို့ကို အင်တာဗျူးပြီးဖြစ်ကြောင်း၊ သို့သော် ထိုသူတို့သည် အင်္ဂလိပ်စကားရေလည်စွာ မပြောနိုင်ကြကြောင်း၊ ထို့အတွက် စိတ်အေးအေးထားကာ မေးသမျှကို ယုံကြည်မှုရှိရှိ ဖြေရန်လိုကြောင်း ပြောလာသည်ကို ကြုံဖူးပါသည်။ အင်္ဂလိပ်စကားနှင့် ပြောဆိုဆက်ဆံရာတွင် အမိဘာသာစကား ပြောနေသလို တရစပ်ပြောတတ်နေစရာ မလိုပါ။ အချက်ကျကျ မှန်မှန်ကန်ကန်နှင့် တဘက်သားနားလည်အောင် ပြောနိုင်ဆိုနိုင်လျှင် အဆင်ပြေပါသည်။

စင်္ကာပူတွင် ဖွင့်လှစ်ထားသော မြန်မာထမင်းဆိုင်တစ်ခုတွင် ထမင်းသွားစားရာ ထမင်းဆိုင်ရှင်မှ ဆိုင်အတွက် လိုအပ်သည့်အရာများကို လာပို့ပေးရန် မှာကြားနေသည့်အချိန်နှင့် တိုက်ဆိုင်နေပါသည်။ ထိုဆိုင်ရှင်သည် အသံကျယ်ကျယ် ကျယ်ကျယ်ဖြင့် စလုံးစကားများကို ဆူညံစွာအော်ဟစ်ပြောဆိုနေသည်မှာ ယိုသူမရှက် မြင်သူရှက်ဟု ဆိုရလောက်အောင် စိတ်ပျက်ဖွယ်ရာ ကောင်းလှပါသည်။ ထိုဆိုင်ရှင်သည် ပညာတတ်တစ်ယောက် မဟုတ်ဟု စောဒကတက်ချင် တက်နိုင်ပါသည်။ ထိုဆိုင်တွင် ရှိသော ကူဖော်လောင်ဖက်အမျိုးသမီးကလေးများအတွက်တော့ စလုံးစကားကို တတွတ်တွတ်ပြောနိုင်သော ထိုဆိုင်ရှင်သည် လေးစားစရာ ဖြစ်ကောင်းဖြစ်နေပါလိမ့်မည်။ ထမင်းစား နေရင်း ဆက်ပဲစားရမလို ရပ်ပဲသွားရမလို ဖြစ်သွားစေခဲ့တာကတော့ အမှန်ပင် ဖြစ်သည်။

ခေတ်ပညာတတ်တစ်ယောက်မဟုတ်ဟု ယူဆရသူ ထိုထမင်းဆိုင်ပိုင်ရှင်၏ အဖြစ်အပျက်ကို ကြုံပြီး မကြာမီတွင် သူငယ်ချင်းတချို့နှင့် စကားစမြည်ပြောရန် တွေ့ဖြစ်ကြပါသည်။ စကားကောင်းနေကြတုန်း သူငယ်ချင်းတစ်ယောက်၏ ဖုန်းမှ ရုတ်တရက် အသံထမြည်လာသောကြောင့် “ဟာ.. အလုပ်က ဖုန်းဆက်ပြန်ပြီ” ဟု ညည်းကာ ထိုသူငယ်ချင်း က ဖုန်းပြောပါသည်။ “try to solve it yourself lah” “i outside now. i can't come back to office loh. Ask Steven” “OK lah, complaint to manager about him. He never helps u one” ဟု အမြီးအမောက်မတဲ့သည့် စလုံးစကားများကို အိတ်သွန်ဖာမှောက်သုံးကာ ပြောပါတော့သည်။ ထိုသူငယ်ချင်းသည် ပေါ်လီကျောင်းဆင်းတစ်ယောက်ဖြစ်သည်။ ထိုသူငယ်ချင်း ဖုန်းပြောပြီးသွားသည့်အခါ “မင်း သတင်းစာ များများဖတ်ရင်ဖတ် ဒါမှမဟုတ် သတင်းလေး ဘာလေး ညဘက် အားရင် ကြည့်သင့်တယ်” ဟု အကြံပေးမိရာ “အဲဒါတွေ ဖတ်ဖို့ ကြည့်ဖို့ မအားပါဘူးကွာ” ဟူသည့် အဖြေကို ရလေသည်။ အမှတ်မရှိဘဲ ဆက်လက်ပြီး “ဒါဆိုလည်း အင်္ဂလိပ်ရုပ်ရှင်ကားလေးဘာလေး ကြည့်လေကွာ” ဟု ပြောမိပြန်တော့ “ရုပ်ရှင်လက်မှတ်က ဈေးကြီးတယ်ကွ.. ရောက်ပြီးကတည်းက တစ်ခါလား နှစ်ခါလားပဲ ကြည့်ဖြစ်တယ်” ဟု ပြန်ပြောပါသည်။ ထိုနေ့က စကားများများ ထပ်မပြောဖြစ်ဘဲ စဉ်းစားခန်းသာ ၀င်နေမိပါသည်။

“လား” ယဉ်ကျေးမှုတွင် ရွှေမြန်မာများ ပျော်ဝင်နေကြခြင်းအတွက် မည်သူ့မှာ တာဝန်ရှိသလဲ။ မည်သူမပြု မိမိမှု ဟူသော စကားရှိပါသည်။ ကိုယ်ကောင်းလျှင် ခေါင်းမရွေ့ပါ။ ကိုယ်ကိုယ်တိုင်က စိတ်ပါလက်ပါနှင့် ထိုသို့ ပြောတတ်သော အလေ့အထကြီးကို လက်ခံထားမည်ဆိုလျှင် ကိုယ်ကိုယ်တိုင်၏ အားနည်းချို့ယွင်းချက်သာ ဖြစ်ပါလိမ့်မည်။ မကြာမီကာလတွင် ဖြစ်ထွန်းလာမည့် နိုင်ငံတော်သစ်အတွက် ကမ္ဘာသုံး ဘာသာစကားဖြစ်သော အင်္ဂလိပ်စကားကို အချက်ကျကျပြောနိုင်ဆိုနိုင် လူအများနှင့်ဆက်ဆံနိုင်သော အရည်အချင်းရှိသော လူငယ်များစွာ လိုအပ်လာပါမည်။ ထို့အတွက်ကြောင့် စကားစလုံး “လား” ယဉ်ကျေးမှုရောဂါ စွဲကပ်နေလျှင် အမြစ်ပြတ်အောင် မောင်းထုတ်ဖို့ စွန့်လွှတ်ကြဖို့ အချိန်တန်ပြီ ဖြစ်ပါကြောင်း။

ညီညီ(သံလွင်)

(သံလွင်အိပ်မက် အမှတ် ၁၁တွင် ဖော်ပြခဲ့သောအက်ဆေး)

Read More...

အတွေ့အကြုံ

ဒီကဗျာကို ကျွန်တော် ၁၀တန်း ကျောင်းသားဘ၀တုန်းက ညတိုင်းလိုလို သွားထိုင်ဖြစ်တဲ့ “မော်ဒန်” ဆိုတဲ့ လက်ဖက်ရည်ဆိုင်မှာ ရေးဖြစ်တာပါ။ ကြာတော့ ကြာခဲ့ပါပြီ။ ဒါပေမယ့် မော်ဒန်ညနေတွေကို လွမ်းတယ်...။

“အတွေ့အကြုံ”

လက်ဖက်ရည်တစ်ခွက်
ငွေမက်နေတုန်း
ဒါကြောင့် မုန်းတယ်... ။

ရေနွေးကြမ်းတစ်အိုး
မရိုးမသားမဖြစ်
ဒါကြောင့်ချစ်တယ်...။ ။

ခေလွန်း

Read More...

Aug 9, 2007

ချစ်သူကိုမေးရန်

ကောင်မလေးရေ…
ယုံကြည်မှုပင်လယ်အောက်
နှစ်ရှည်လများ ဆောက်ခဲ့တဲ့နေ့များမှာ
ကဗျာအပိုင်းအစတွေနဲ့
မဲ့ပြုံးတစ်ခုသာ မယ်မယ်ရရပိုင်ဆိုင်ခဲ့တဲ့ငါဟာ
ဘ၀မှာ ချစ်သူတစ်ယောက် လိုအပ်နေပါတယ်ဆိုရင်…။

ကောင်မလေးရေ..
ရူးသွပ်မှုအပြည့်အသိပ်မြေပြင်တလျှောက်
ဒဏ်ရာ ဒဏ်ချက်တို့အောက်က
အလူးအလဲညနေခင်းများမှာ
နားလည်မှုစကားလုံးတွေနဲ့
အသွားထက်ထက် ဓားးမြှောင်တစ်လက်သာ လိုအပ်နေတဲ့ငါဟာ…
ဘ၀မှာ ချစ်သူတစ်ယောက် လိုအပ်နေပါတယ်ဆိုရင်…။

ကောင်မလေးရေ..
မြတ်နိုးမှုကောင်းကင်အောက်
လရောင်မျှော်ရင်းလျှောက်ခဲ့တဲ့ညများမှာ
ကော်ဖီခါးခါးတစ်ခွက်နဲ့
ပန်းသီးတစ်လုံးရဲ့ အဆိပ်ကို
တမ်းမက်တတ်လာတဲ့ ငါဟာ
ဘ၀မှာ ချစ်သူတစ်ယောက် လိုအပ်နေပါတယ်ဆိုရင်…။ ။

ခေလွန်း
(စင်္ကာပူတွင် ထုတ်ဝေသော ရွှေမြန်မာမဂ္ဂဇင်း အမှတ်(၂)တွင် ဖော်ပြခဲ့သော ကဗျာ)

Read More...

Aug 8, 2007

မမေ့နိုင်သော ၁၉၈၈ သြဂုတ်လ ၈ရက်ည

အဲဒီညက ကျွန်တော် အဖေနဲ့အတူ မြို့တော်ခန်းမရှေ့နားက အစာငတ်ခံ ဆန္ဒပြနေတဲ့ ကျောင်းသားတွေကို သွားကြည့်ကြတယ်။ လူတွေ တိုးမပေါက်ဘူးဆိုတာ မှတ်မိရုံက လွဲလို့ ကျွန်တော့်ရဲ့ အာရုံမှာ ပုံရိပ်တွေ ရေးတေးတေးနဲ့ အသေအချာ မမှတ်မိတော့ဘူး။

အဲဒီညက ကျွန်တော့်ကို အိမ်ပြန်ပို့ပြီး အဖေ နောက်တစ်ခါ အဲဒီနေရာကို ပြန်ထွက်သွားတယ်။

အဲဒီညက အဖေပြန်ရောက်လာပြီး မကြာပါဘူး။ သေနတ်သံတွေ ဗြောင်းဆန်နေတယ်။


အဲဒီညက ကျွန်တော်တို့ တစ်မိသားစုလုံး ၄၂လမ်းမှာ ရှိတဲ့ အိမ်အပေါ်ထပ်ခိုးလေးမှာ ငြိမ်ငြိမ်လေး မီးအမှောင်ချပြီး နေရတယ်။

အဲဒီညကများ အဖေ အိမ်ကို ပြန်မလာနိုင်ဘဲ တစ်ခုခုဖြစ်ခဲ့မယ်ဆိုရင် ကျွန်တော် အခုနေ ဘာများဖြစ်နေမလဲ မတွေးဝံ့ဘူး။

အဲဒီညမှာ မိဘတွေ ဆုံးရှုံးသွားတဲ့ သား၊သမီးတွေ၊ သားသမီးတွေ ဆုံးရှုံးသွားတဲ့မိဘတွေ၊ ပြန်မလာနိုင်တော့တဲ့ ညီအစ်ကိုမောင်နှမတွေ မရေမတွက်နိုင်အောင် များပြားခဲ့လိမ့်မယ်။

အဲဒီညကို ဖြတ်သန်းခဲ့တာ ၁၉ နှစ်တောင် ရှိခဲ့ပြီပဲ။

အဲဒီညဟာ တကယ့်ကို သွေးစွန်းခဲ့တဲ့ညပါပဲ။

အဲဒီညကြောင့်ပဲ ရှစ်နှစ်သားအရွယ် ကျွန်တော့်အတွက် ရှစ်လေးလုံးဟာ ရှစ်ငါးလုံးဖြစ်ခဲ့တယ်။

Read More...

ဝင်းမြန်မာမှ ဇော်ဂျီသို့ ပြောင်းလဲပေးနိုင်သည့် ပရိုဂရမ်



ဝင်းဖွန့်နဲ့ ရိုက်ထားတဲ့ စာတွေကို ၀င်းကနေ ဇော်ဂျီကို ပြောင်းလဲပေးနိုင်တဲ့ ပရိုဂရမ်တစ်ခုကို အကြမ်းထည်တော့ ရေးပြီးသွားပါပြီ။ လိုအပ်ချက်တွေ ရှိနေဦးမှာပါ။ ဒါကြောင့် Beta Version 1 အနေနဲ့ စမ်းချင်တဲ့သူများ Download လုပ်ပြီး စမ်းသပ်နိုင်အောင် တင်ပေးထားပါတယ်။ Beta Version 1 မှာ ၀င်းကနေ ဇော်ဂျီပြောင်းလို့သာ ရပေမယ့် Beta Version 2 မှာတော့ ဇော်ဂျီကနေ ၀င်းဖွန့်ကို ပြောင်းလို့ရအောင် ပြုလုပ်ပေးသွားပါမယ်။




အမှန်ကတော့ ဒီလို utility လေးကို ဖန်တီးချင်ခဲ့တာ ကြာပါပြီ။ မြစေတီ ယူနီကုတ်ဒ်ကို သုံးခါစ ၂၀၀၅ ၀န်းကျင်လောက်ကတည်းက စမ်းပြီး လုပ်ဖြစ်ခဲ့ပေမယ့် အခြေအနေအရပ်ရပ်ကြောင့် ဆက်မလုပ်ဖြစ်ခဲ့တာပါ။

ပြီးတော့ လေ့လာချင်သူတွေ လေ့လာလို့ရအောင် source code ကိုပါ ပေးသွားမှာပါ။ ကျွန်တော် ဒီ utility program လေးကို Visual Studio 2005 ကို အသုံးပြုပြီး C#.net programming language နဲ့ ရေးသားခဲ့ပါတယ်။

ဒီနေရာကနေ Download လုပ်နိုင်ပါတယ်။

------------------
နောက်ဆက်တွဲ (ဇွန်လ ၂ ရက်၊ ၂၀၀၉)

ဇော်ဂျီကနေ ၀င်းဖွန့်ကို ပြောင်းလို့ရအောင် မလုပ်ဖြစ်သေးဘူး။ Source Code လိုချင်တယ်ဆိုပြီး အီးမေးလ်ပို့ တောင်းဆိုလာသူတွေ ရှိတာကြောင့် Source Code ကို ဝေမျှပေးလိုက်ပါတယ်။

Source Code ကို ဒီကနေ ရယူနိုင်ပါတယ်
Download

ပရိုဂရမ်ကို ဒီကနေ ရယူနိုင်ပါတယ်
Download

Read More...

Aug 6, 2007

ထာဝရအိပ်ပျော်သွားတဲ့ ကြယ်

“ထာဝရအိပ်ပျော်သွားတဲ့ ကြယ်”

ကြယ်တစ်ပွင့်
လွင့်ထွက်ကြွေခိုက်
ပင့်သက်တွေ ရှိုက်ရပြန်တယ်..။

“မပွင့်ဘဲဖူးခဲ့ရတဲ့ ကောင်မို့ မှောင်တယ်” တဲ့
အခုတော့ ခင်ဗျား
အလင်းတွေကြား ထွက်သွားခဲ့ပြီ။

“တယ်လီဖုန်းခေါ်သံတွေ ကြားတာတောင်
ပြန်မထူးဖြစ်တဲ့ကောင်” တဲ့
အခုတော့ ခင်ဗျား
ပြန်ထူးစရာမလိုအောင် ထွက်သွားခဲ့ပြီ။

“ငါ့မှာတစ်ယောက်ထဲ ဖြစ်နေရတဲ့အထဲ
ဝေါကနဲပျောက်ဆုံးလိုက်ရ” တဲ့
အခုတော့ ခင်ဗျား
အငွေ့တွေကြား ပျောက်ကွယ်သွားခဲ့ပြီ။

“လောကမာယာဆိုတာ
အတီးခံရတဲ့ ဗုံတွေရဲ့ဂီတပါပဲ” တဲ့
အခုတော့ ခင်ဗျား
ဗုံသံတွေ မကြားတဲ့အရပ်ဆီ ထွက်သွားခဲ့ပြီ။

“ယုံကြည်ထားစမ်း ရေခိုးရေငွေ့တွေကလည်း
ပင်လယ်ကို ပစ်ပေါက်စိုက်ပျိုးနိုင်ရမယ်ဆိုတာ” တဲ့
အခုတော့ ခင်ဗျား
ပင်လယ်ကို စိုက်ပျိုးပြပြီး ထွက်သွားခဲ့ပြီ။

“မေမေရေ.. မိုးတိမ်တွေထဲ ခြေပစ်လက်ပစ်
သားဝင်အိပ်ပစ်လိုက်ချင်ရဲ့” တဲ့
အခုတော့ ခင်ဗျား
ခြေပစ်လက်ပစ်အိပ်နေပုံများ
ကျွန်တော်တို့ ခေါ်တာတောင် မကြားတော့ဘူး။ ။

ခေလွန်း

(သြဂုတ်လ ၅ရက်၊ ၂၀၀၇ တွင် ကွယ်လွန်သွားသော စာရေးဆရာ တာရာမင်းဝေအတွက် အမှတ်တရ ရေးဖွဲ့ပါသည်။)

Read More...

တာရာမင်းဝေ အမှတ်တရ

ကွယ်လွန်သွားသော ဆရာတာရာမင်းဝေ ရေးသားသည့်စာအုပ်များအနက်မှ ကျွန်တော့်တွင် ရှိသော e-books အချို့ကို မျှဝေ ပေးလိုက်ပါသည်။

ဆရာတာရာမင်းဝေ ကောင်းရာသုဂတိ လားပါစေ။

၁။ ရွှေဖိနပ်မှာ အစိမ်းရောင်ကြက်ခြေခတ်နဲ့ကောင်မလေး [Download]
၂။ ဧဒင်ကချေသည် [Download]
၃။ လူငယ်တစ်ယောက်ရဲ့ ကျောက်ထွင်းရာဇ၀င် [Download]
၎။ သင်နှင့်နံနက်ခင်းကိုသာ ၀င်ခွင့်ပြုမည် [Download]
၅။ အရှေ့မြို့ရိုးမှ မိုးရေစက်များ [Download]
၆။ ပြိုင်မြင်းတို့ရဲ့ခွာသံ [Download]
၇။ ကိုးမရှိတဲ့န၀င်း [Download]
၈။ ကိုယ့်လက်နဲ့ဖမ်းမိတဲ့ နဂါးငွေ့တန်း [Download]
၉။ ကောင်းကင်ကြွေကောက်တဲ့လက် [Download]
၁၀။ ကျွန်တော်နှင့် ကြယ်မြင်လမြင်လောကဓံ [Download]
၁၁။ ကျွန်တော်နှင့် ကြေးသွန်းရုပ်တု [Download]
၁၂။ မှော်ဆရာရဲ့ ကျောင်းစာအုပ် [Download]

Read More...