“အိပ်ပျော်နေတဲ့ကဗျာ”
မိုးမလင်းခင် နှိုးစက်က အရင်လင်းတယ်
မထသေးဘူး မျက်လုံးတွေက ငြင်းတယ်
အိပ်ရာက မထခင် ၁၅ မိနစ်ဟာ
ဘာစည်းစိမ်နဲ့မှ လဲလို့မရဘူး
ဟိုဘက်လူး ဒီဘက်လှိမ့်
ခဏတဖြုတ် ငြိမ့်တယ်
မှောက်အိပ် ပက်လက်အိပ် ဘေးတစောင်းအိပ်
အိပ်ရာဟာ ကမ္ဘာ့ဆွဲအားထက် ပြင်းသတဲ့
အိပ်ချင်မူးတူးနဲ့ ကယောင်ကတမ်း ပြောတယ်
အိပ်ရေးပျက်မှာကို ဆေးခါးတစ်ခွက်လို ကြောက်တုန်း
အိပ်မက်တွေက ရုံးမသွားချင်ဘူး
အိပ်ငိုက်ခြင်း ကူးစက်ရောဂါဟာ
ခေါင်းအုံးကိုရော စောင်ကိုပါ ပျံ့နှံ့တယ်
ဒါနဲ့ ..
အိပ်ငိုက်နေတဲ့ ခေါင်းအုံးရယ်
ပန်ကာလေကြောင့် ချမ်းစိမ့်စိမ့်ဖြစ်နေတဲ့ စောင်ရယ်
မထချင်တဲ့ ကျွန်တော်ရယ်
ပျော်ပျော်ရွှင်ရွှင် ဆက်အိပ်လိုက်ကြတယ်။ ။
ခေလွန်း
Jul 26, 2007
အိပ်ပျော်နေတဲ့ကဗျာ
Jul 23, 2007
သံလွင်အိပ်မက် အမှတ်(၁၁) ထွက်ပြီ
ဖတ်ရှုရန် စောင့်မျှော်နေကြသော သံလွင်အိပ်မက်ရဲ့ ပရိသတ်များအတွက် သံလွင်အိပ်မက် အမှတ် (၁၁) ထွက်ပြီ ဖြစ်ကြောင်း သတင်းကောင်း ပါးလိုက်ပါတယ်။ ပါဝင်နေကျ ကဏ္ဍတွေဖြစ်တဲ့ စကားဝိုင်း၊ ၀တ္ထုတို၊ ဆောင်းပါး၊ အက်ဆေး၊ကဗျာ၊ အင်တာဗျူး၊ ဓာတ်ပုံ၊ သီချင်း၊ ဗေဒင် စသဖြင့် ဝေေ၀ဆာဆာ ဖတ်ရှုနိုင်ပါပြီ။ သတင်းကဏ္ဍနှင့် သံလွင်စာအုပ်စင်ကို မကြာမီ အချိန်ကာလအတွင်း ထပ်မံပြီး တင်ဆက်ပေးသွားပါမယ်။ အားပေးကြသူများ၊ ကူညီကြသူများ အားလုံးကို အထူးပဲ ကျေးဇူးတင်ရှိပါကြောင်း... ။
Jul 21, 2007
သံလွင်အိပ်မက် (၁၁) မကြာမီမျှော်...
၂၀၀၇ ဇူလိုင် ၂၃ရက် တနင်္လာနေ့မှာ သံလွင်အိပ်မက် အမှတ်(၁၁) ထွက်ပါမယ်။
ဒါကတော့ ကျွန်တော် ဒီဇိုင်းလုပ်ထားတဲ့ ဘန်နာပါ။ 
ဒါကတော့ ကျွန်တော့်သူငယ်ချင်း ကိုဖြိုး ကူညီပြီး လုပ်ပေးထားတဲ့ မျက်နှာဖုံးပါ။
ဒါကတော့ အသစ်ထွက်မယ့် သံလွင်အိပ်မက်(၁၁)မှာ ပါမယ့် ကျွန်တော့်ရဲ့ “ငါးလေးရဲ့ ကဗျာ” ဆိုတဲ့ ကဗျာထဲက စာသားတချို့ပါ။
“ငါဟာ ငါးတစ်ကောင်ပါ
ဘောင်ခတ်ထားတဲ့ ကမ္ဘာထဲမှာ နေတယ်
မသေရုံတမည် ရေခပ်နည်းနည်းမှာ ကူးတယ်
၉ နာရီမှာ ရုံးတက်ပြီး ၆ နာရီမှာ ရုံးဆင်းတယ်
စိတ်ပါရင် ကဗျာရေးပြီး
စိတ်မပါတဲ့အခါ ဗလာတွေချည်း ချချရေးတယ်..”
သံလွင်အိပ်မက် အမှတ်(၁၁) မထွက်မချင်း ကျွန်တော် ပို့စ်အသစ်ထပ်မရေးတော့ပါဘူး။ ကျေးဇူးတင်ပါတယ်။
Jul 18, 2007
ဇူလိုင်မေးခွန်းများ
ကျွန်တော် ငယ်ငယ်တုန်းက ရန်ကုန်မြို့ ၄၂လမ်း အထက်လမ်းမှာ နေတယ်ဗျ။ အိမ်ရှေ့ဝရန်တာကနေ လှမ်းကြည့်လိုက်ရင် ၀န်ကြီးများရုံးကို တန်းတန်းမတ်မတ်တွေ့ရတာပေါ့ဗျာ။ ငယ်ငယ်ကတည်းက ၀န်ကြီးများရုံးကို လက်ညှိုးထိုးပြီး လူကြီးတွေကို မေးလေ့ရှိတဲ့ မေးခွန်းတစ်ခုက ဗိုလ်ချုပ်အောင်ဆန်းကို လုပ်ကြံသွားတာ ဘယ်အခန်းမှာလဲ ဆိုပြီး မေးတယ်။ ကျွန်တော် အားအကျဆုံး အလေးစားဆုံး လူသားတစ်ယောက်ကို ပြောပါဆိုရင် ဗိုလ်ချုပ်အောင်ဆန်းဆိုတဲ့ အဖြေကို အမြဲပြောလေ့ရှိတယ်။ အိုးဝေမဂ္ဂဇင်းအယ်ဒီတာ ကိုအောင်ဆန်း၊ ဗမာနိုင်ငံလုံးဆိုင်ရာ ကျောင်းသားသမဂ္ဂ (ဗကသ) ခေါင်းဆောင်.. တို့ဗမာ အစည်းအရုံး.. ဗမာ့ထွက်ရပ်ဂိုဏ်း.. ဖဆပလခေါင်းဆောင် .. သခင်အောင်ဆန်း၊ ဗမာ့လွတ်လပ်ရေးတပ်မတော် (ဘီအိုင်အေ) .. ဗမာ့ကာကွယ်ရေးတပ်မတော် (ဘီဒီအေ).. ကာကွယ်ရေးဦးစီးချုပ် .. ဗိုလ်ချုပ်အောင်ဆန်း.. ။ ၁၉၄၇ ဇူလိုင် ၁၉မှာ မိုးတွေ ရွာနေခဲ့တယ်တဲ့ .. အခု ဆုံးသွားပြီဖြစ်တဲ့ အဘိုးက ပြောပြဖူးတာ အမှတ်ရတယ်။ အဲဒီကတည်းက ရွာနေခဲ့တဲ့ မိုးတွေ ခုထိ မတိတ်သေးဘူး။ တိတ်မယ့် ပုံလည်း မပေါ်သေးဘူး။ ကိုအောင်ဆန်းရေ .. ဦးညိုမြရေးခဲ့တဲ့ ငရဲခွေးတွေ ခုထိ လွတ်နေတုန်းပဲဗျာ။
သူငယ်ချင်း ကိုဖြိုးရေးသလိုပဲ။ သူများလုပ်တိုင်းလဲ လိုက်မလုပ်ချင်ဘူး။ ကိုယ်လုပ်ပြီး ကိုယ့်လို လိုက်မလုပ်ရကောင်းလားလို့လဲ လိုက်အပြစ်မပြောချင်ဘူး။ အာဇာနည်နေ့ရောက်မှ အမှတ်ရတာလည်း မဟုတ်ဘူး။ အာဇာနည်နေ့ပြီးရင်လည်း မေ့သွားမှာ မဟုတ်ဘူး။ ကျွန်တော် လေးစားတဲ့.. ကျွန်တော် အားကျတဲ့ .. ကျွန်တော် ဂုဏ်ယူတဲ့ ကျွန်တော့် သူရဲကောင်းအတွက် ကဗျာတစ်ပုဒ် ကျွန်တော် ရေးဖြစ်တယ်။ တစ်ချိန်မှာ ကျွန်တော် မိသားစုနဲ့ ဘာနဲ့ ဖြစ်လာတဲ့အခါ အမေးအမြန်းထူပြီး ချစ်စရာကောင်းတဲ့ သမီးလေးတစ်ယောက်က ဒီလိုများ မေးလာရင် ဆိုပြီး ရေးကြည့်တာပါ။
“ဇူလိုင်မေးခွန်းများ”
သမီးက မေးတယ်
ဇူလိုင်မိုးတွေ ဘာကြောင့် သည်းသည်းမည်းမည်းရွာသလဲတဲ့
တိမ်တွေ လူးလိမ့်ငိုနေတာလို့ ဖြေလိုက်တယ်။
သမီးက မေးတယ်
တိမ်တွေ ဘာကြောင့် လူးလိမ့်ငိုနေသလဲတဲ့
သူတို့ရဲ့ သူရဲကောင်းတွေ လုပ်ကြံခံရပြီး သေသွားလို့ လို့ဖြေလိုက်တယ်။
သမီးက မေးတယ်
သူရဲကောင်းတွေကို ဘာလို့လုပ်ကြံကြတာလဲတဲ့
သူရဲကောင်းဆိုတာ အမြဲရှင်သန်နေတယ်ဆိုတာ မသိလို့ လို့ ဖြေလိုက်တယ်။
သမီးက မေးတယ်
သူရဲကောင်းတွေက ဘာလို့ အမြဲရှင်သန်နေသလဲတဲ့
အနိုင်ကျင့်မှုတွေ မတရားမှုတွေကို တွန်းလှန်ဖို့ လို့ ဖြေလိုက်တယ်။
သမီးက မေးတယ်
ဘယ်သူတွေက ဘယ်သူတွေကို အနိုင်ကျင့်တာလဲတဲ့
အားကြီးတဲ့သူက အားနည်းတဲ့သူကို အနိုင်ကျင့်တယ်
ဂုဏ်ရှိတဲ့သူက ဂုဏ်မဲ့တဲ့သူကို အနိုင်ကျင့်တယ်
ငွေရှိတဲ့သူက ငွေမရှိတဲ့သူကို အနိုင်ကျင့်တယ်
အာဏာရှိတဲ့သူက အာဏာမရှိတဲ့သူကို အနိုင်ကျင့်တယ်
ခွင့်လွှတ်တတ်တဲ့သူကို အငြိုးကြီးသူက အနိုင်ကျင့်တယ်။
သမီးက မေးတယ်
ဒါဆို သူရဲကောင်းတွေ ဘယ်မှာလဲတဲ့
သူရဲကောင်းတွေ ကောင်းကင်မှာရှိတယ်
သူရဲကောင်းတွေ သမီးတို့ ဖေဖေတို့ ၀န်းကျင်မှာ ရှိတယ်။
သမီးက မေးတယ်
သူရဲကောင်းတွေကို သမီးတွေ့ချင်လိုက်တာတဲ့
ဟောဟိုက ကြယ်ကိုးလုံးဟာ သူတို့တတွေပေါ့လို့ ဖြေလိုက်တယ်။
သမီးကို ပြောလိုက်တယ်
သူရဲကောင်းတွေကို ဖေဖေလည်း တွေ့ချင်တယ်လို့
သမီးက ပြန်ပြောတယ်
ဖေဖေ တကယ်တွေ့ချင်တာလားတဲ့
တကယ်ပေါ့လို့ ဖြေလိုက်တယ်
သမီးက ပြောပြန်တယ်
ဖေဖေရယ်
သမီး ကြိုးစားပါ့မယ် တဲ့။
ခေလွန်း
မနက် ၁နာရီ ၃၀မိနစ်
၁၈ ဂျူလိုင်၊ ၂၀၀၇
(တိုက်ရဲခိုက်ရဲ တွန်းလှန်ရဲမှ သူရဲကောင်း မဟုတ်ပါဘူး။ တိုင်းပြည်အတွက် လိုအပ်တဲ့အချိန်မှာ လိုအပ်တဲ့နေရာ အခန်းကဏ္ဍကနေ ပါဝင်ပြီး အနှုတ်ပြနေတဲ့ တိုင်းပြည်ကို အပေါင်းလက္ခဏာရလဒ်တွေ ဖြစ်လာအောင် ဖန်တီးပေးဖို့ သမီးလိုပဲ ကြိုးစားချင်စိတ်ရှိတဲ့ လူတွေ အမြဲလိုနေမှာပါ...)
Jul 9, 2007
အသိ
“အသိ”
ရက်ရာဇာတွေ မျက်နှာမသစ်ကြသေးဘူး
ပင်လယ်တစ်ခုစာ စိတ်ပါလက်ပါ ကွန်ပစ်ဖမ်းခဲ့တာယုံ
နတ္ထိငါးတွေ တောင်ပုံရာပုံမိတယ်
ပြက္ခဒိန်တွေ ဆုတ်ဖြဲရင်း
တစ်နေ့ပြီးတစ်နေ့ စုတ်ပြဲခဲ့တဲ့ စိတ်ဓာတ်တွေ
နေပူကျဲအက်အက်ထဲ ဖြန့်ကြဲထားဖို့လိုပါသလား
ဖျားတယ် နာတယ်ဆိုတာ
ကိုယ်အပူရှိန်တက်မှ မဟုတ်ဘူး
စိတ်အပူရှိန်တက်ရင်လည်း ဖြစ်တတ်တယ်
အိပ်နေရင် အားလုံးကို မေ့သွားရောတဲ့
အိပ်မက်ဆိုးတွေအကြောင်း သူကောင်းကောင်းသိလိုက်ပုံမရဘူး
ကမူးရဲ့ စည်းအပြင်ကလူကို ခံစားတတ်ဖို့
ခင်ဗျား စည်းအထဲမှာ ရပ်နေလို့ မရဘူး
နောက်မဆုတ်ဘူးချည်း ကြုံးအော်မနေနဲ့
ရှေ့တိုးဖို့ ရုန်းနေလည်း တစ်လက်မမှ မရွေ့တော့ဘူး
တန်ဖိုးတစုံတရာ ကပ်မထားတဲ့ လူတစ်ယောက်အတွက်
ဘုရားသခင်ဟာ စိတ်နယ်လွန်တွန်းအားတစ်ခု မဟုတ်တော့ဘူး
ချစ်သူရဲ့ မျက်ရည်တစ်စက်နှစ်စက်ကို နှစ်သိမ့်ဖို့
မနက်ဖြန်ဟာ နှစ်ချို့ပန်းတိုင်တွေထဲ နစ်မွန်း
အစွန်းရောက်ကိုယ့်ကိုယ်ကိုယုံကြည်မှုဆိုတာတွေလည်း မရှိတော့ဘူး
ဒုက္ခဗေဒကို ဆည်းပူးရတာ အစာမကြေဘူးထင်ရင်
ဘ၀ကို သင်ရိုးကုန် သင်မနေတော့ဘူး
ဖြတ်လမ်းဆိုတာ
အတက်လမ်းလား အတက်ကြမ်းသလား
လာကြ
မိုးခါးရေချိုသောက်ရအောင်။ ။
ခေလွန်း
နံနက် ၁ နာရီ ၃၂မိနစ်
၉ ရက်၊ ဇူလိုင်လ၊ ၂၀၀၇
Jul 2, 2007
အနုပညာဘာသာစကား (၂)
National Flower of Singapore
မိုးလုံးမှိုင်း(သို့မဟုတ်) ဗင်ဒါလို့ခေါ်တဲ့ သစ်ခွနွယ်ဝင် ပန်းတစ်မျိုးကို
ကဗျာတစ်ပုဒ်ထဲမှာ တွေ့ရမယ်..
သီချင်းတစ်ပုဒ်ထဲမှာ တွေ့ရမယ်..
ပြီးတော့ သက်ငြိမ်ဓာတ်ပုံတွေထဲမှာတွေ့ရမယ်..
ကဗျာ၊ သီချင်း၊ သက်ငြိမ်ဓာတ်ပုံ..
အနုပညာအစုံစုံရဲ့ ကိုယ်ပိုင်ဘာသာစကားကို ခင်ဗျားနားစွင့်ကြည့်တဲ့အခါ..
+ကဗျာတစ်ပုဒ်ထဲမှာ
“ဗင်ဒါ (သို့) သက်ရှိကဗျာ”
မိုးလုံးမှိုင်းလို့ သိခဲ့တဲ့ပန်း
အရောင်တွေနဲ့ ဖွဲ့ထားတဲ့ ကဗျာ
အဲဒါ ဗင်ဒါ ဖြစ်တယ်။
ပန်းဘာသာစကားနဲ့ သီကုံး
ယဉ်ယဉ်လေး ပြုံးတတ်တဲ့ ဗင်ဒါ ...
ပန်းဘုရင် တော်ဝင်သစ်ခွ
အလှနတ်ဘုရားမလို့ ခေါ်ကြတဲ့ ဗင်ဒါ ...
ဖူးငုံလှိုင်ပွင့် ၀င့်ဝင့်ကြွားကြွား
ယုံကြည်မှုခပ်များများနဲ့ ဗင်ဒါ ...
ဗင်ဒါကို နှုတ်ဆက်တော့
ဗင်ဒါက ခပ်သော့သော့ ရီတယ်
ဗင်ဒါကို လက်ပြတော့
ဗင်ဒါက သော့တစ်ချောင်း ပေးတယ်
ဗင်ဒါကို ဘာလုပ်ဖို့လဲမေးတော့
ဗင်ဒါက တံခါးတွေကို ဖွင့်ပေါ့တဲ့
ဗင်ဒါကို ချန်ခဲ့မယ်လုပ်တော့
ဗင်ဒါက ပေါ့ပေါ့ပါးပါး ငိုတယ်
ဒါနဲ့
ဗင်ဒါကို ခေါ်မယ်လုပ်တော့
ဗင်ဒါက နေခဲ့တော့မယ်တဲ့
ဗင်ဒါကို မခေါ်ခဲ့ဘူး
ဗင်ဒါက ရင်ထဲပါလာတယ်... ။ ။
ခေလွန်း
ဇူလိုင် ၂ ရက်၊ ၂၀၀၇
+သီချင်းတစ်ပုဒ်ထဲမှာ
မိုးလုံးမှိုင်း (သို့) ဖူးငုံလှိုင်
တေးဆို - မွန်းအောင်
မိုးလုံးမှိုင်းလို့ တို့သိခဲ့တဲ့ ဗင်ဒါတွေ
ကောင်းကင်ယံထက် ကျွန်းထိပ်များကို တွယ်ကာနေ
နွေခါဆိုရင် ရွက်ရိုးဆစ်မှာ ဖူးငုံလှိုင်ပွင့်စေ..
ဂျိန်းဖောတို့မြေ ချမ်းအေးလွန်းရင် ခေါင်ရည်ရယ်
မီးပုံဖိုပြီး ၀ိုင်းဖွဲ့ကမယ် လာလေလာ
ပျော်ပျော်ရွှင်ရွှင်ဆိုတေးဟစ်ကာ လှည့်အတူကဦးမယ်..
နှင်းခဲလို့နေ မိုးသားထက်က တောင်စဉ်တွေ
မြစ်ဧရာနဲ့ လက်တက်တို့ဆီ ရေဆိုရေ
သွယ်ကာထာဝစဉ် ယူအမြဲသုံးစေ လန်းစိုပြေဖို့လေ..
+သက်ငြိမ်ဓာတ်ပုံတွေထဲမှာ
စင်္ကာပူနိုင်ငံရှိ Botanical Garden တွင် တွေ့ရသော ဗင်ဒါပန်းများ
Subscribe to:
Posts (Atom)
