မိုးများရွာပါစေ

ပူလောင်ခြောက်သွေ့တဲ့ရက်စွဲတွေကြား
ဖျားနာခြင်းကို လက်ပြချင်တာ မဆန်းဘူး
တုတ်တချက် ဓားတပြက်
လျှပ်စီးတွေက လက်ကနဲ လက်ကနဲ..
ထုံးစံအတိုင်း လမ်းပေါ်မှာ ချိုင့်ခွက်တွေ
ခေါက်ရိုးကျိုးနေတဲ့ စကားတွေ ပြောကြဆိုကြ
ထောင်းလမောင်းကြေနေတဲ့ အတွေးအခေါ်တွေ ရေးကြမျှော်ကြ
လွယ်ထားတဲ့ စိတ်ဓားတစ်လက်ကို ကဗျာပေါ် တင်သွေးကြနဲ့
ဟိုမှာ လတ်လတ်ဆတ်ဆတ် ချိတ်ဆွဲထားတာက
ကမ္ဘာဦးလူရဲ့ကြောက်စိတ်တွေပါ

မသွားခဲ့ဘူး.. ဒါပေမယ့် ထားခဲ့တယ်
မလျှောက်ခဲ့ဘူး .. ဒါပေမယ့် ရောက်ခဲ့တယ်
မဖြစ်ခဲ့ဘူး.. ဒါပေမယ့် ခြစ်ခဲ့တယ်
ဆင်းရဲမွဲတေခြင်းကို
တစ်ဘ၀စာ မလိုချင်ဘဲ ကန်ထရိုက်ဆွဲခဲ့တဲ့
လူပေါင်း သန်းငါးဆယ်ရဲ့ ဘ၀တွေလေ
မိုးတွေကတော့
တစ်ခါဆို တစ်ခါမှ
အားနာပါးနာ မရွာခဲ့ဘူး မဟုတ်လား။ ။

ညီမင်းနိုင်