Jan 22, 2007

သို့ .. သတိတရ


သတိရတယ်ဆိုတာ အိပ်မပျော်ဘဲ နင့်အကြောင်းတွေချည်းပဲ တွေးမိနေတတ်တာ မျိုးလား။ နောင်တတွေကြားက ငါ.. အမှားများစွာနဲ့ ငါ.. ဒဏ်ရာအနာတရနဲ့ ငါ.. ဘ၀မှာ နင်နဲ့အကြိမ်ကြိမ်လွဲချော်ဖူးတဲ့ ငါပါ။ အချစ်ဆိုတာ ကျိန်စာတစ်ခုလား။ ဒါမှမဟုတ် ..မစားကောင်းတဲ့အသီးလား။ (ထုံးစံအတိုင်း) လက်ဖျားတွေက အေးစက်နေပြန်ပြီ..။

ငါ့စိတ်ရထားက ဆယ်စုနှစ်တစ်ခုစာ နောက်ပြန်သွားနေတယ်။ ကောင်မလေး တစ်ယောက်ကို ခိုးခိုးကြည့်နေတဲ့ ကောင်လေးတစ်ယောက်။ ကောင်မလေး တစ်ယောက်အကြောင်း ကဗျာတွေ ရေးရေးနေတဲ့ ကောင်လေး တစ်ယောက်။ ကောင်မလေးကိုယ်တိုင်တောင် သတိမပြုမိတဲ့ ကောင်လေး တစ်ယောက်။ ကောင်မလေးရဲ့ အပြုံးတွေနောက် အရိပ်တကြည့်ကြည့် ခြေရာကောက်ခဲ့ဖူးတဲ့ ကောင်လေးတစ်ယောက်။ မျှော်လင့်ခြင်း တခုတ်တရနဲ့ ကြယ်ကြွေညတိုင်း ဆုတောင်းခဲ့ဖူးတဲ့ ကောင်လေးတစ်ယောက်။ ဒိုင်ယာရီ စာမျက်နှာတွေထက် အိပ်မက်တွေအတောင်ပေါက်မယ့်နေ့ကို စောင့်ခဲ့တဲ့ ကောင်လေးတစ်ယောက်။ ကောင်မလေးနင်နဲ့ အဝေးဆုံးမှာ ကိုယ်ယောင်ဖျောက်ခဲ့တဲ့ ကောင်လေး တစ်ယောက်ဟာ ငါဖြစ်ခဲ့ဖူးတယ်။

တကယ်တော့ နင်နဲ့ငါ ဆုံနိုင်ခွင့်အတွက် တံခါးတစ်ချပ်ပဲခြားတာပါ။ အဲဒီတံခါးအတွက် သော့က နင်နဲ့ငါ အကြားမှာရှိရမယ့် နားလည်မှုဖြစ်တယ်။ နင်နဲ့ငါအကြားမှာ စည်းတစ်ခုရှိတယ်။ အဲဒီစည်းအတွက် ကျော်ဖို့ တံတားတစ်ခုက နင်နဲ့ငါ အကြားမှာရှိရမယ့် ယုံကြည်မှုဖြစ်တယ်။ နင်နဲ့ငါ အကြားမှာ မမြင်ရတဲ့ ကြိုးတစ်ချောင်း ရှိတယ်။ အဲဒီကြိုးခိုင်မြဲဖို့ လိုအပ်တာက နင်နဲ့ငါ အကြားမှာရှိရမယ့် ချစ်ခြင်းမေတ္တာတရား ဖြစ်တယ်။

ငါက စိတ်ကူးယဉ်တတ်တယ်။ ငါက ကဗျာတွေရေးတယ်။ ငါက ဂစ်တာမတောက်တခေါက်တီးတယ်။ ငါက ကွန်ပျူတာဘာသာစကားတတ်တယ်။ ငါက ထူးအိမ်သင် သီချင်းတွေကြိုက်တယ်။ ငါက ပန်းချီကားတွေကို ခံစားတယ်။ ငါက ထမင်းမေ့ဟင်းမေ့ စာဖတ်တတ်တယ်။ ငါက လိမ်ညာရမှာ ကြောက်တယ်။ ငါက ဖြူစင်ရိုးသားတာကို နှစ်သက်တယ်။ ပြီးတော့ ငါက တခါတခါ တစ်ယောက်တည်းတွေးနေ တတ်တယ်။ ငါက ငါ့ကိုယ်ငါ သူများနဲ့မတူအောင် အမြဲနေတယ်။ ငါက ဖန်တီးမှုကို မြတ်နိုးပြီး ဖျက်ဆီးမှုကို မုန်းတီးတယ်။
ပြီးတော့ ငါက အချစ်ဆိုတဲ့အရာကို ယုံကြည်တယ်။

ငါ မတွက်တတ်တဲ့ပုစ္ဆာတစ်ပုဒ်ဟာ နင်ဖြစ်တယ်။ ငါမြတ်နိုးတဲ့ စကားပန်း တစ်ပွင့်ဟာ နင်ဖြစ်တယ်။ ငါမဖွဲ့တတ်တဲ့ ကဗျာတစ်ပုဒ်ဟာ နင်ဖြစ်တယ်။ ငါမတီးတတ်တဲ့ ဂီတဟာ နင်ဖြစ်တယ်။ ငါနားမလည်တဲ့ ကွန်ပျူတာ ဘာသာစကားဟာ နင်ဖြစ်တယ်။ ငါ အဓိပ္ပာယ်မသိတဲ့ ပန်းချီကားတစ်ချပ်ဟာ နင်ဖြစ်တယ်။ ပြီးတော့ ငါမတွေးတတ်တဲ့ နင့်နင့်သည်းသည်း ခံစားမှုတစ်ခုဟာ နင်ဖြစ်တယ်။

၁၉၉၆က စနေ၊တနင်္ဂနွေကျောင်းပိတ်ရက်တွေဟာ ၂၀၀၆က စနေ၊တနင်္ဂနွေ အလုပ်ပိတ်ရက်တွေနဲ့ အတူတူပဲ ဆိုတာ နင်နဲ့ငါပဲ နားလည်နိုင်တဲ့ လျှို့ဝှက်ချက်ခပ်ပါးပါးတစ်ခု။ အဲဒီလို ကောင်းကင်မှာ ကြယ်တွေ အစုလိုက်ပွင့်တဲ့ ဒီညမှာ နင့်ကို ငါလွမ်းနေတယ်။ နင်အိပ်မက်ထဲမှာတစ်ယောက်ထဲ ပျံနေသလား။ နင်တစ်ယောက်ထဲ ပျံမှာလားဆိုတဲ့ ငါ့မေးခွန်းကို နင်မဖြေရသေးဘူး။ နင်နဲ့ငါ ပြန်တွေ့တဲ့အခါ ... ငါ့အိပ်မက်တွေ အသက်ဝင်လာမယ်လို့ ငါယုံနေချင်တယ်။ အတောင်ပံတွေကို လွှင့်ပြီး အမြင့်ကြီးပျံနေတဲ့ ငှက်တစ်ကောင်ဟာ ငါဖြစ်နေတယ်။
အပြန်လမ်းကို ဦးတည်.. နင်ရှိရာအရပ်ဆီ ငါပျံသန်းလာခဲ့မယ် ... ။ ။

ခေလွန်း

2 comments:

Anonymous said...

ကောင်းလိုက်တာ...
မြင့်မြင့်ပျံပြီး ဝေးဝေးပျံနိုင်ပါစေ

ညီညီ(သံလွင်) said...

thank u 99. i wish i could fly high together with her.