သက်ငြိမ်ဆိုတဲ့ စကားလုံးကို ထူးအိမ်သင်ရဲ့ သီချင်းတစ်ပုဒ်မှာ စကြားဖူးတာပါ။ တော်တော်တော့ကြာပါပြီ။ နောက်ပိုင်း ပန်းချီတွေကို စိတ်ပါဝင်စားမှု ရှိလာတော့မှ ဒီစကားလုံးကို ထပ်ပြီး သွားတွေ့ပြန်ပါတယ်။ “သက်ငြိမ်” တဲ့။ ပန်းချီအခေါ် ကတော့ Still Life ပါ။ မလှုပ်မယှက်ရှိနေတဲ့အရာဝတ္ထုတွေကို ကူးဆွဲထားတဲ့ ပန်းချီကားမျိုးပေါ့။
ဥပမာ - အသီးအနှံတွေကို ဆွဲထားတဲ့ပုံမျိုး။ ဗန်ဂိုးရဲ့ နေကြာပန်းပုံမျိုး။
ဘယ်သူက ဘယ်တုန်းကတည်းက ပြန်ဆိုထားတဲ့ စာလုံးမှန်း မသိပေမယ့် Still Life ကို မြန်မာစကားလုံး “သက်ငြိမ်” အဖြစ် အသွင်ပြောင်းပေးလိုက်တဲ့ ထိုသူကိုတော့ အတော်လေး လေးစားမိပါတယ်။
“ငြိမ်သက်” နေတဲ့အရာကို “သက်ငြိမ်” လို့ နာမည်ပေးမယ်ဆိုရင်
“ရွေ့လျား” နေတဲ့အရာတွေကိုရော ကျွန်တော်တို့ ဘယ်လို နာမည်ပေးကြမလဲ..
“အလျားလိုက်ရွေ့” ဆိုရင်ကောင်းမလား ..
ကဏန်းတစ်ကောင်ကတော့ ဒီပို့စ်ကို ဖတ်ပြီးရင် ဒီလိုအော်ပြီး ကန့်ကွက်လိမ့်မယ် ထင်ပါတယ်..
“အလျားလိုက်ရွေ့” မဟုတ်ဘူး .. “ဘေးတိုက်ရွေ့” ...
No comments:
Post a Comment