ငါ့ခေါ်သံတွေ နင်မကြားဘူး

ခပ်တိုးတိုးလေး နင့်နာမည်ကို ရွတ်လိုက်တဲ့အခါ
လွမ်းတယ်ဆိုတာ ငါသိသွားတယ် ...။

နင်နဲ့ငါ .. သူငယ်ချင်း
အလင်းမဲ့ စည်းတစ်ခုခြားထားတယ်
ငါတကယ်တမ်း တွေဝေမနေချင်တော့ဘူး ...။

ငါကမေ့တတ်တဲ့ကောင်ပါ ..
ဒါပေမယ့် ငါမေ့သွားတဲ့အရာတွေထဲမှာ
နင်နဲ့ငါ
စကားတွေအများကြီးပြောဖြစ်တဲ့ည မပါဘူး
နင်နဲ့ငါ
အသံတိတ်ပြောဖြစ်တဲ့နေ့စွဲတွေ မပါဘူး
နင့်ကို ဟိုးဆယ်စုနှစ်တစ်ခုက
ငေးကြည့်ခဲ့ရတဲ့ရာသီတွေလည်း မပါခဲ့ဘူး ...။

ငါအခုတလော အတောင်ပံတွေလိုချင်နေတယ်
ကောင်းကင်ပြာပြာကြီးထဲ ပျံဝဲကြည့်ချင်လို့
“ ဟိုးအမြင့်ကြီးကိုပျံတဲ့အခါ ”
ပြီးတော့ .. “ အတောင်ပံတွေ ”
အဲဒီ မျိုးကျော့မြိုင်သီချင်းတွေကို စွဲစွဲမြဲမြဲနားထောင်ဖြစ်တယ်
i believe i can fly ဆိုတဲ့ သီချင်းကို ကြိုက်တတ်လာတယ်
i can fly (i'm proud of u) ဆိုတဲ့ သီချင်းကို နင်ပို့ပေးခဲ့တယ်
ကဲပါလေ ...
ငါမြင်နေတာက
နင်နဲ့ငါ့အကြားမှာ ကြိုးတစ်ချောင်း စည်းတစ်ခု
ကဲ နင် ခုဖြေ
နင်နဲ့ငါ အဖြူရောင်လား ... ။

နင်က
အဖြူရောင်ကို ကြိုက်တယ်
အပြာရောင်ကို ကြိုက်တယ်
ငါက
အနက်ရောင်ကိုကြိုက်တယ်
အပြာရောင်ကို ကြိုက်တယ်
ဒီတော့
နင်နဲ့ငါ အပြာရောင်လား ...။

“ရွှေနှင့်ယိုးမှား ပန်းစကား”တဲ့
ငယ်ငယ်က သင်ရတဲ့ ကဗျာတစ်ပိုဒ်လေ
စကားပန်းတွေ နင်ကြိုက်တတ်မှန်း ငါမသိခဲ့ဘူး
ငါ့တိတ်တခိုးအကြည့်တွေကို နင်မသိခဲ့ဘူး
နင်ကဗျာတွေ ကြိုက်တတ်မှန်း ငါမသိခဲ့ဘူး
နင့်အတွက်ရေးဖြစ်တဲ့ ငါ့ကဗျာတွေကို နင်မသိခဲ့ဘူး
မသိခြင်းတွေက နင်နဲ့ငါ့ကို
ဆယ်စုနှစ်တစ်ခုစာ ခြားခဲ့တယ် .. ။

“ငါကြိုက်တဲ့ကဗျာတွေ
တိမ်မိုးသားပြာတွေ
သံစဉ်နဲ့သီချင်းတွေ” တဲ့
နင်ကြိုက်တဲ့ သီချင်းစာသားတွေ
တ်ိမ်မိုးပြာတွေအောက် နှစ်ယောက်အတူထိုင်
ကဗျာဝိုင်တွေ တစ်ပုဒ်ပြီးတစ်ပုဒ် ရွတ်ပြမယ်
ပြီးရင် ငါကဂစ်တာတီး
နင်က သီချင်းတွေ ညည်းဆို
အဲဒီလို
ငါတို့ရဲ့ အိပ်မက်အပိုင်းအစတွေ
ထားပါတော့
ငါတော်တော် စိတ်ကူးယဉ်နေတတ်တုန်းပဲလို့ ...။

ပြောမထွက်ခဲ့ဘူး ..
ပြီးတော့ .. ခုချိန်မှာ ငါမပြောသင့်ဘူး ..
ငါပြောလို့ကို မဖြစ်ဘူးကွာ ..
အမှန်က ငါ့ဆုံးဖြတ်ချက်တွေ စောလွန်းလို့
နင်နဲ့ငါ မရည်ရွယ်ဘဲ နောက်ကျခဲ့တာပါ
ငါပြောတဲ့အခါ
နင်စိတ်ဆိုးချင်ဆိုးမယ်
ဒါမှမဟုတ်
ငါတို့ကို အတော်လေးနောက်ကျမှ ပြန်တွေ့စေတဲ့ ကံတရားကို
နင်စိတ်ပျက်ချင်ပျက်မယ်
မနက်ဖြန်ကိုမေ့လို့ရရင်
နောက်ပြီး.. မနေ့ကကိုမေ့လို့ရရင်
ဒီနေ့ပဲ နင့်ကို ချစ်တယ်လို့ပြောမယ် ... ။

ငါ့ခေါ်သံတွေ နင်မကြားဘူး
နင့်ခေါ်သံတွေ ငါကြားနေသလိုပဲ
နင်လိုက်မလား
နင်နဲ့ငါ ..
ဟိုးအဝေးကြီး ပျံသွားရအောင် ...။ ။

ခေလွန်း
၁၄ နိုဝင်ဘာ ၂၀၀၆