သုံးလ တစ်ကြိမ် ထုတ်ဝေနေကျ သံလွင်အိပ်မက်မဂ္ဂဇင်းအား လာမည့် အောက်တိုဘာလတွင် ဆက်လက် ထုတ်ဝေသွားမည် ဖြစ်သည့်အတွက် ကဗျာ၊ ၀တ္ထု၊ ဆောင်းပါး၊ အက်ဆေး၊ ကာတွန်း စသဖြင့် စာမူ ပေးပို့လိုသူများသည် စက်တင်ဘာလ ၃၀ ရက်နေ့ နောက်ဆုံးထားပြီး thanlwinainmat@gmail.com သို့ ပေးပို့နိုင်ကြပြီ ဖြစ်သည်။ ဓာတ်ပုံကဏ္ဍအတွက်လည်း မိမိစိတ်ကြိုက် ရိုက်ကူးထားသော ဓာတ်ပုံကို ရှင်းလင်းဖော်ပြချက်နှင့် တကွ ပေးပို့နိုင်သည်။
သံလွင်အိပ်မက်သည် လူငယ်များအား ကိုယ်စားပြုသည့် အင်တာနက်မဂ္ဂဇင်းတစ်စောင် ဖြစ်သည်နှင့်အညီ သံလွင်အိပ်မက် မဂ္ဂဇင်းတွင် ရေးသားလျက်ရှိသော ပင်တိုင် ကလောင်ရှင်များသာမက ကလောင်သစ်များကိုပါ ရေးသားပေးပို့ရန် ဖိတ်ခေါ်အပ်ပါသည်။
သံလွင်အိပ်မက်၏ မူအရ အခြားသော အင်တာနက်စာစောင်၊ မဂ္ဂဇင်းများ၊ ဘလော့များတွင် ဖော်ပြပြီး ဖြစ်သော စာမူများအား လက်မခံပါ။ ပြည်တွင်းရှိ ဂျာနယ်၊ စာစောင်၊ မဂ္ဂဇင်းများတွင် ဖော်ပြပြီးသော စာမူဖြစ်ပါက မည်သည့်လထုတ် မည်သည့် စာစောင်တွင် ပါဝင်ခဲ့သော စာမူဖြစ်သည်ကို ဖော်ပြရန် လိုပါသည်။ ထို့ပြင် စာရေးသူသည် ဘလော့ဂါတစ်ဦး ဖြစ်ပါက မိမိ၏ ဘလော့တွင် ဖော်ပြပြီး ဖြစ်သော ဘလော့ဂ်ပို့စ်များကို ပေးပို့ခြင်း မပြုပါရန်၊ သံလွင်အိပ်မက်သို့ ပေးပို့ထားသော စာမူများကို သံလွင်အိပ်မက် မထွက်မီ မိမိ၏ ဘလော့တွင် ဖော်ပြခြင်း မပြုပါရန် မေတ္တာရပ်ခံအပ်ပါသည်။ သံလွင်အိပ်မက် မဂ္ဂဇင်း ထွက်ရှိပြီးပါက ထိုမဂ္ဂဇင်းပါ မိမိ၏ စာမူကို မိမိပိုင် ဘလော့တွင် ပြန်လည်ဖော်ပြနိုင်ပါသည်။
စာမူများကို ဇော်ဂျီသို့မဟုတ် ၀င်းစာလုံးဖြင့် ပေးပို့နိုင်ပြီး ဇော်ဂျီစာလုံး ဖြစ်လျှင် ပိုမိုကောင်းမွန်ပါသည်။ ကွန်ပျူတာဖြင့် မြန်မာစာလုံးများ ရိုက်ရန် အခက်အခဲရှိသူ၊ အဆိုပါ မြန်မာစာလုံးများ မရှိသူများအနေဖြင့် Scan လုပ်ထားသည့် စာမူများကိုလည်း ပေးပို့နိုင်ပါသည်။
ပြည်တွင်းပြည်ပရှိ မြန်မာလူငယ်လူရွယ်များ အတွက် အသိပညာ၊ အတတ်ပညာ၊ ရသ နှင့် ဗဟုသုတပေးစွမ်းနိုင်မည့် စာမူများအား သံလွင်အိပ်မက် အယ်ဒီတာအဖွဲ့မှ ဦးစားပေး ရွေးချယ်သွားမည် ဖြစ်သည်။
သံလွင်အိပ်မက် မဂ္ဂဇင်း အတွဲ (၂) အမှတ် (၃) အတွက် အစည်းအဝေးကို တနင်္ဂနွေနေ့ညက ကျင်းပခဲ့ပြီး မတရားဖမ်းဆီး အကျဉ်းချခြင်း ခံနေရသည့် အယ်ဒီတာဖြစ်သူ ကိုနေဘုန်းလတ်မှ အပ သံလွင်အဖွဲ့သားများ စုံလင်စွာ တက်ရောက်ကြသည်။
(သံလွင်သတင်း)
Sep 3, 2008
သံလွင်အိပ်မက်မဂ္ဂဇင်း အတွဲ (၂) အမှတ် (၃) အတွက် စာမူများပေးပို့နိုင်
Aug 30, 2008
iPhone for Dummies
ဒီစာအုပ်ဟာ ပထမမျိုးဆက် iPhone အတွက် ရေးထားတာ ဖြစ်လို့ 3G iPhone ကိုင်ဆောင်သူတွေ အတွက်တော့ အနည်းငယ်ကွဲလွဲနေပါလိမ့်မယ်။ 3G iPhone မှာ သုံးထားတဲ့ iPhone 2.0 software မှာ ကျွန်တော် သိသမျှ ထပ်တိုးလာတဲ့ Feature အသစ်တွေက ဖုန်းကို လှည့်လိုက်ရင် Calculator က Scientific Calculator ပြောင်းသွားတယ်။ ပြီးတော့ backspace ပါလာတယ်။ Push Mail ပါလာတဲ့အတွက်ကြောင့် အီးမေးလ်ကို Microsoft Exchange Server နဲ့ Sync လုပ်လို့ ရတယ်။ Mobile Me ဆိုတာ ပါလာတယ်။ GPS ပါတယ်။ အရင်သုံးတဲ့ EDGE 2.5G (GPRS) အစား ပိုမြန်တဲ့ 3G (Broadband speed) ဖြစ်လာတယ်။ Apple account နဲ့ ဆော့ဝဲလ်တွေ ၀ယ်နိုင်၊ အလကား ဒေါင်းလုပ် လုပ်နိုင်တဲ့ App Store ပါလာတယ်။ ကျန်တဲ့ Feature တွေကတော့ အတူတူပါပဲ။
ဒီစာအုပ်မှာ iPhone ရဲ့ အခြေခံသုံးစွဲနိုင်ပုံတွေကို ရှင်းလင်းထားပါတယ်။ iPhone နဲ့ ပတ်သက်တဲ့ Tutorial တွေကို www.iClarified.com မှာ ဖတ်နိုင်ပါတယ်။
iPhone for Dummies စာအုပ်ကို ဒီကနေ ရယူနိုင်ပါတယ်။
Aug 6, 2008
iPhone ရဲ့ အားသာချက်နှင့် အားနည်းချက်များ
3G iPhone လို့ ခေါ်ကြတဲ့ မကြာသေးမီကမှ ထုတ်ဝေလိုက်တဲ့ iPhone ဟာ မူလပထမ iPhone နည်းတူ Unlock လုပ်ထားပြီးရင်3G Support လုပ်သော မည်သည့် SIM Card နဲ့ မဆို သုံးလို့ ရပါတယ်။ iPhone ရဲ့ အားသာချက်တွေနဲ့ အားနည်းချက်တွေကို စာရင်းလုပ်ပေးထားပါတယ်။ တတ်သိနားလည်သူများ ထပ်မံဖြည့်စွက် အကြံပေးနိုင်ပါတယ်။
iPhone ရဲ့ အားသာချက်များ
- Touch Screen ဖြစ်ခြင်း
- Apple product တွေရဲ့ ထုံးစံအတိုင်း သုံးစွဲရလွဲကူခြင်း
- Multi Touch Techonology ကို အသုံးပြုထားခြင်း ( ဓာတ်ပုံများကို လက်ချောင်း နှစ်ချောင်းဖြင့် ချုံ့နိုင် ချဲ့နိုင်ခြင်း)
- iPod တွဲလျက် ပါလာခြင်း
- iTunes မှ သီချင်းများ နားထောင်နိုင်ခြင်း
- Pod Cast များကို စိတ်ကြိုက် ရွေးချယ် ထည့်သွင်းနိုင်ခြင်း ( ဥပမာ- iTunes U မှ Lecture များ၊ ဘာသာရပ်ဆိုင်ရာ သင်ခန်းစာများ၊ Pod Cast ရေဒီယို အစီအစဉ်များ စသဖြင့်)
- Wi-Fi အသုံးပြုနိုင်သဖြင့် Wireless Hot Spot ရှိသည့် မည်သည့်နေရာတွင် မဆို အင်တာနက် အသုံးပြုနိုင်ခြင်း
- Jailbreak လုပ်ပြီး သုံးစွဲပါက အခြားသော အသုံးဝင်သည့် application များကို အခမဲ့ Install လုပ်နိုင်ခြင်း (ဥပမာ - Dictionary, eBook Reader, RSS Reader, S'pore Bus Guide, YouTube Video များ Download လုပ်နိုင်သည့် MxTube)
- Google Map ဖြင့် နေရာ ဒေသများ ကြည့်နိုင်ခြင်း ( 3G iPhone ကို အသုံးပြုပါက မိမိရောက်နေသည့် နေရာကို GPS မှ တဆင့် ကြည့်နိုင်ခြင်း)
- You Tube မှ ဗီဒီယိုများအား ကြည့်နိုင်ခြင်း
- Theme ပြောင်းနိုင်ခြင်း (မူလထက် ပိုမို ကောင်းမွန်သည့် Theme များ ပြောင်းလဲပြီး မိမိ စိတ်ကြိုက် Customized လုပ်နိုင်ခြင်း)
- Video Call ပြုလုပ်နိုင်ခြင်း (3G iPhone အတွက်သာ)
- Gtalk ဖြင့် Chat နိုင်ခြင်း ( Fring ဟု ခေါ်သည့် ဆော့ဝဲလ်ကို သီးခြား သွင်းရန် လိုသည်)
- Apple App Store မှ လိုချင်သည့် Application များကို ၀ယ်ယူ ထည့်သွင်းနိုင်ခြင်း သို့မဟုတ် အခမဲ့ သွင်းနိုင်ခြင်း ( version 2.0 အသုံးပြုသည့် iPhone အတွက်သာ)
iPhone ရဲ့ အားနည်းချက်များ
- 2.5G EDGE Technology ကို အသုံးပြုထားသဖြင့် GPRS Network များတွင် အင်တာနက် အသုံးပြုပါက အလွန် နှေးကွေးခြင်း ( 3G iPhone ကို အသုံးပြုလျှင်တော့ Wi-Fi Speed နီးပါး အင်တာနက်ကို လျင်မြန်စွာ သုံးနိုင်သည်)
- 2 mega pixel ကင်မရာသာ ပါခြင်း
- ကင်မရာတွင် Zoom မပါခြင်း ( Zoom ပါသည့် ဆော့ဝဲလ်ကို သီးခြား သွင်းရန်လိုသည်)
- ရေဒီယို နားထောင်၍ မရခြင်း
- ဗီဒီယို ရိုက်ကူး၍ မရခြင်း ( Video ရိုက်နိုင်သည့် ဆော့ဝဲလ်ကို သီးခြား သွင်းရန်လိုသည်)
- အီးမေးလ်များကို ဖျက်လိုလျှင် တစ်ခုစီ ဖျက်နေရခြင်း
- Zawgyi Font Support မလုပ်သဖြင့် ဇော်ဂျီဖြင့် ရေးထားသည့် အင်တာနက်စာမျက်နှာများ၊ ဘလော့များကို ဖတ်လျှင် လေးထောင့်စာလုံးများသာ မြင်နေရခြင်း
Jul 31, 2008
ကဗျာဆရာနဲ့ စကားစမြည်
ရင်ဘတ်ထဲမှာက
တကယ်တမ်း ကဗျာ.. ။
ကာရန် မဖွဲ့ချင်တဲ့အခါ
ဂစ်တာတစ်လက်ပေါ် ထားလို့ဖြစ်တယ်။
သံစဉ် မဖွဲ့ချင်တဲ့အခါ
ကွန်ပျူတာကီးဘုတ်ပေါ် ထားလို့ဖြစ်တယ်။
ပရိုဂရမ် မရေးချင်တဲ့အခါ
အိပ်မက်တွေထဲ ထားလို့ဖြစ်တယ်။
မအိပ်စက်ချင်တဲ့အခါ
အတွေးတွေထဲ ထားလို့ဖြစ်တယ်။
မတွေးချင်တဲ့အခါ
ဗလာနယ်ထဲ ထားလို့ဖြစ်တယ်။
ဘာဆိုဘာမှမရှိတဲ့အခါ
လူ့ဘ၀ရဲ့ အဓိပ္ပာယ်ဆိုတဲ့ ခေါင်းစဉ်အောက်ထဲ ထားလို့ဖြစ်တယ်။
ခေါင်းစဉ် ဘယ်လိုမှ တပ်မရတဲ့အခါ
“ကဗျာ”လို့ပဲ ထားလို့ဖြစ်တယ်။
ကာရန် မဖွဲ့ချင်တဲ့အခါ
သံစဉ် မဖွဲ့ချင်တဲ့အခါ
ပရိုဂရမ် မရေးချင်တဲ့အခါ
မအိပ်စက်ချင်တဲ့အခါ
မတွေးချင်တဲ့အခါ
ဘာဆိုဘာမှ မရှိတဲ့အခါ
ခေါင်းစဉ်ဘယ်လိုမှ တပ်မရတဲ့အခါ
ဘ၀ထဲမှာက တကယ်တမ်း ဗလာ
ရင်ဘတ်ထဲမှာက တကယ်တမ်း ကဗျာ.. ။ ။
ခေလွန်း
ဇူလိုင် ၃၁၊ ၂၀၀၈
မွန်းလွဲ ၂ နာရီ ၂၀ မိနစ်
Jul 22, 2008
သံလွင်ဒေါ့ကွန်းနဲ့ သံလွင်အိပ်မက် ထွက်ပါပြီ
အခက်အခဲတွေကြားကပဲ သံလွင်ဒေါ့ကွန်းနဲ့ သံလွင်အိပ်မက်ကို ကျွန်တော်တို့ ဇူလိုင်လ ၂၁ ရက် ယနေ့မှာ စောင့်မျှော်နေတဲ့ ပရိသတ်ဆီ အရောက်ပို့နိုင်ခဲ့ပါပြီ။ မနက်ကတည်းက ဒီပို့စ်ကို ရေးသင့်ပေမယ့် ကိုယ်တွေလက်တွေ ညောင်းကိုက်ပြီး ဘယ်လိုမှ မရေးနိုင်လို့ စီဘောက်စ်မှာ ထွက်ပြီဆိုတဲ့အကြောင်း ရေးထားခဲ့ပြီး ပို့စ်ကို အခုမှ ရေးဖြစ် ပါတယ်။ ဖျားနေတယ် ဆိုပါတော့။ တစ်နေ့လုံး အိပ်နေလိုက်တာ အတော် လန်းဆန်းသွားပါပြီ။ သံလွင်အိပ်မက် မထွက်သေးဘူး ဆိုရင် စောင့်နေတဲ့ ပရိသတ်တွေက မထွက်သေးဘူးလား လို့ တဖွဖွ မေးတတ်ကြတယ်။ “မကြာခင် ထွက်နိုင်အောင် လုပ်နေပါတယ်” လို့ ပြန် ဖြေရတိုင်း စောင့်နေတဲ့ သူတွေကို အားနာမိတာ အမှန်ပဲ။ ဒါပေမယ့် အဲဒီ “ထွက်ပါပြီ” ဆိုတဲ့ စကားတစ်ခွန်းကို ပီပီပြင်ပြင် ကြေညာနိုင်ဖို့ ကျွန်တော်တို့ နောက်ကွယ်မှာ ဘယ်လောက် effort စိုက်ထုတ်ခဲ့ရသလဲဆိုတာ သူတို့တတွေ သိချင်မှ သိမယ်။ အရင်းအနှီးကလည်း မသေးပါဘူး။ စိုက်ထုတ်ကြရတဲ့ အချိန်၊ လုပ်အား၊ ပျက်ကွက်ရတဲ့ လူမှုရေးကိစ္စတွေ၊ ကိုယ်ရေးကိုယ်တာကိစ္စတွေ .. ပြီးတော့ အိပ်ရေးပျက်ရတဲ့ ညတွေ။ အထူးသဖြင့် အခု သံလွင်အိပ်မက် အတွဲ ၂ အမှတ် ၂ လို portal တစ်ခုလုံးကို အသစ် ပြန်ဆောက်ရတဲ့အခါ ပုံမှန် ထုတ်နေကျထက် အားထုတ်မှု ၂ ဆ ပိုစိုက် ရပါတယ်။ Webmaster အနေနဲ့ရော.. အယ်ဒီတာအနေနဲ့ပါ Role နှစ်ခု ယူရတဲ့အတွက် ပို ပင်ပန်းပါတယ်။ သံလွင်ဝိုင်းတော်သားများ အားလုံးကသာ ညီညီညွတ်ညွတ်နဲ့ ၀ိုင်းမလုပ်ကြရင် အချိန်မီ ပြီးမှာ မဟုတ်ဘူး။
CMS (Content Management System) ဆိုတာ ဘာမှန်း သေချာမသိပေမယ့် သင်ယူချင်စိတ်ရှိပြီး လိုအပ်တာတွေကို တဖက်တလမ်းကနေ ကူညီခဲ့တဲ့ ကျွန်တော့် ဘ၀လက်တွဲဖော် စကားပန်း၊ မျက်နှာဖုံး ဒီဇိုင်းကို ဟိုဟာထည့်လိုက်ပါလား၊ ဒီလိုဆို ကောင်းမယ်ဆိုပြီး ကျွန်တော် တောင်းဆိုသမျှ မညည်းမညူလုပ်ပေးခဲ့တဲ့ မောင်ပွတ်၊ မာတိကာကို မထွက်ခင်ညမှာ မိုးအလင်း လုပ်ပေးသွားတဲ့ ဇင်ကိုလတ်၊ လိုအပ်မယ် ထင်တဲ့ အပိုင်းတွေကို ဖြည့်ရေးပေးတတ်တဲ့ ကိုငယ်၊ စာမူများကို ဘလော့မှာ မတင်ဘဲ သံလွင်အိပ်မက်အတွက် ချန်ထားပေးခဲ့ကြတဲ့ သူငယ်ချင်း ဘလော့ဂါ အစ်ကိုအစ်မများ၊ ဓာတ်ပုံများ ပေးပို့ခဲ့ကြသူများ၊ အိုင်ဒီယာချပေးရင် လက်မနှေးဘဲ ကာတွန်း ဆွဲပေးတတ်တဲ့ KNT၊ ကာတွန်း အသုံးပြုခွင့်ပေးခဲ့တဲ့ ဆရာအော်ပီကျယ်၊ လက်ရေးစာမူတွေကို ဇော်ဂျီဖွန့်နဲ့ ကူရိုက်ပေးခဲ့တဲ့ မမယ်လိုဒီမောင်နဲ့ KPZ အစရှိသူတွေ အားလုံး အားလုံးကို ကျေးဇူး အထူးတင်ပါတယ်။ သံလွင်အိပ်မက်ထွက်တိုင်း မပျက်မကွက် အားပေးတတ်တဲ့ စာဖတ်ပရိသတ်ကိုလည်း ကျေးဇူးတင်ရှိပါတယ်။
အတွဲ ၂ အမှတ် ၃ ကျရင်တော့ ဒီ Thanlwin.com portal ငြိမ်သွားပြီ ဖြစ်တဲ့အတွက် အခု တစ်စောင်လောက် ပင်ပန်းတော့မယ် မထင်ပါဘူး။ ပြောစရာ ရှိတာက သံလွင်အိပ်မက်မှာ ဒီတခါ သီချင်းကဏ္ဍ မပါဘူး။ မြန်မာ mp3 သီချင်းတွေ ပေးနေတဲ့ ဘလော့တွေ ၀က်ဆိုက်တွေ အများအပြား ပေါ်ထွက်လာတာကြောင့် ဒီကဏ္ဍကို ဖြုတ်လိုက်တဲ့အတွက် ဘာမှ ဆုံးရှုံးမှု ကြီးကြီးမားမား ဖြစ်မယ် မထင်လို့ ကျွန်တော်တို့ မထည့်တော့ဘူး။ နောက် သံလွင်စကားဝိုင်း ကိုတော့ ပြီးခဲ့တဲ့ စကားဝိုင်းရဲ့ တုံ့ပြန်မှု အားနည်းခဲ့တာကြောင့် ကျွန်တော်တို့ review ပြန်လုပ်ဖို့ လိုမယ်ဆိုပြီး ဖြုတ်ထားလိုက်ပါတယ်။ နောင် အသစ်ထွက်မယ့် သံလွင်အိပ်မက်မှာတော့ စကားဝိုင်းကဏ္ဍ ပြန်ပါကောင်း ပြန်ပါလာပါမယ်။
သံလွင်.com မှာ ကျွန်တော် Subdomain သုံးခု ဖန်တီးထားတယ်။
၁) thanlwinainmat.thanlwin.com
အဲဒီကို သွားလိုက်ရင် သံလွင်အိပ်မက် မျက်နှာဖုံး စာမျက်နှာကို တန်းရောက်သွားပါမယ်။ သံလွင်.com ကို နှိပ်ပြီး အဲဒီကတဆင့် သံလွင်အိပ်မက်ကို ဖတ်ရတာနဲ့ အတူတူပါပဲ။
၂) blogs.thanlwin.com
အဲဒီမှာ ကျွန်တော် လက်လှမ်းမီသလောက် သူငယ်ချင်း ဘလော့ဂါတွေရဲ့ ဘလော့ Feed တွေကို Subscribe လုပ်ထားပါတယ်။ ဆိုတော့ သူတို့ ဘလော့တွေမှာ ပို့စ်အသစ်တင်တိုင်း အဲဒီက တဆင့် တထိုင်ထဲ ဖတ်နိုင်ပါတယ်။ မိမိ ဘလော့ Feed ကို တင်ချင်တဲ့ သူငယ်ချင်းများ thanlwinainmat@gmail.com သို့မဟုတ် nyinyiprogrammer@gmail.com ကို ဆက်သွယ် စာရင်းပေးနိုင်ပါတယ်။
၃) news.thanlwin.com
ဒါကတော့ Yahoo, Google က News မှာ Keywords "Myanmar, Burma" စသဖြင့် ရိုက်ရင် ထွက်လာမယ့် သတင်းတွေ၊ ပြီးတော့ Mizzima, ဒေါက်တာလွဏ်းဆွေ , မိုးမခ စတဲ့ မြန်မာ့သတင်းမီဒီယာတွေ သတင်းအသားပေး ဘလော့တွေက Feed တွေကို တထိုင်ထဲ ဖတ်နိုင်ပါတယ်။ ဟိုသွားဖတ်လိုက် ဒီသွားဖတ်လိုက် အလုပ်မရှုပ်တော့ပါဘူး။
သံလွင်ဒေါ့ကွန်းနဲ့ သံလွင်အိပ်မက်မှာ အားနည်းချက်တွေ၊ လိုအပ်ချက်တွေ အများကြီး ရှိမှာပါ။ ဒါကို နားလည်ပေးကြဖို့နဲ့ အားနည်းချက်တွေ လိုအပ်ချက်တွေကို ထောက်ပြဝေဖန် အကြံပေးကြဖို့ ပန်ကြားလိုပါတယ်။
သံလွင်အ်ိပ်မက်ကတော့ မရပ်မနား တသွင်သွင်စီးဆဲပါ။ ခင်ဗျားတို့ စူးစူးစိုက်စိုက် နားစွင့်ကြည့်တဲ့အခါ “သံလွင်ကို အိပ်မက်တဲ့အခါ ကျွန်တော်တို့ရဲ့ တေးသွားကို ကြားရပါလိမ့်မယ်.... ”
Jul 3, 2008
သံလွင်ဒေါ့ကွန်း၊ သံလွင်အိပ်မက်နဲ့ ကျွန်တော်
သံလွင်ဒေါ့ကွန်းမှာ ဘာတွေပါလာမလဲဆိုရင် ပုံမှန် web portal တွေမှာ ပါနေကျအတိုင်း ဖိုရမ်ပါမယ်။ သံလွင်စကားဝိုင်းကို သံလွင်အိပ်မက်ဘလော့ကနေ ဖိုရမ်ကို ရွေ့ပါမယ်။ ဧည့်စာအုပ် (Guestbook) ပါမယ်။ သတင်းတွေ ပါမယ်။ အဆင်သင့်ရင် သင့်သလို သတင်းတွေကို update လုပ်သွားမှာပါ။ ပြီးတော့ News Feed ပါမယ်။ အဲဒါက မြန်မာပြည်နဲ့ ပတ်သက်တဲ့ သတင်းတွေကို RSS Feed ပေးတဲ့ နေရာတွေကနေ အလိုလို လှမ်းဆွဲပြီး ပြမှာပါ။ သဘောက Google News သွားလိုက် Yahoo News သွားလိုက် လုပ်ပြီး Myanmar, Burma စတဲ့ Keyword တွေနဲ့ တကူးတက သွားဖတ်စရာ မလိုတော့ပါဘူး။ အဲလိုသတင်းတွေကို ဖတ်လို့ ရအောင် http://news.thanlwin.com ဆိုပြီး sub-domain တစ်ခု ဖန်တီးပေးသွားမှာပါ။ ဒီ News Feed မှာ ပါမယ့် နောက်တစ်ခုက Myanmar Blog Feed ပါ။ ကျွန်တော်တို့ကို စာရင်းပေးထားမယ့် မြန်မာဘလော့ရဲ့ ပို့စ်တွေကို ပို့စ်အသစ်တင်တာနဲ့ သူ့အလိုလို ဖော်ပြပေးပါမယ်။ စိတ်ပါဝင်စားသူ ဘလော့ဂါများ ဒီပို့စ်ရဲ့ ကွန်မန့်မှာ ဘလော့လိပ်စာ ထားခဲ့ပေးပါ။ လောလောဆယ်တော့ သတင်းတွေနဲ့ ဘလော့တွေကို ရောထားပါတယ်။ နောက်ပိုင်းမှာတော့ ဘလော့တွေ သိပ်များလာရင် သက်သက်စီခွဲထားဖို့ စဉ်းစားထားပါတယ်။ subdomain ကိုလည်း http://blogs.thanlwin.com ဆိုပြီး လုပ်မယ်လို့ တွေးထားပါတယ်။ နောက်တစ်ခုက Today in History ဆိုတဲ့ စိတ်ဝင်စား စရာ ကဏ္ဍပါ။ ဒီနေ့ဟာ သမိုင်းက ဘယ်လိုနေ့စွဲမျိုးလဲ ဆိုတာ ကြည့်လို့ရပါတယ်။ ကမ္ဘာပေါ်က အထင်ကရနေ့စွဲတွေနဲ့အတူ မြန်မာပြည်နဲ့ သက်ဆိုင်တဲ့ အထင်ကရ နေ့စွဲတွေကို တဖြည်းဖြည်းချင်း update လုပ်သွားပါမယ်။ ဥပမာ - ၇ ဇူလိုင်၊ ၁၉ ဇူလိုင်၊ ဖေဖော်ဝါရီ ၁၂၊ သြဂုတ် ၈ စသဖြင့်ပေါ့။ နောက်ကဏ္ဍတစ်ခုက Web Links ပါ။ ဒါကတော့ စိတ်ဝင်စားဖို့ကောင်းတဲ့ web site တွေ၊ ပညာရေး၊ ဘာသာရေး၊ ဂီတ၊ သတင်း စသဖြင့် အသုံးဝင်နိုင်မယ့် web site တွေကို Web Directory တစ်ခု ဖန်တီးထားမှာပါ။ နောက်ဆုံး ကဏ္ဍကတော့ မြန်မာတွေအတွက် Yellow Pages ပါ။ ဒေါ်သန်းသန်းနုဆိုင် ဖုန်းနံပါတ်ပေးပါဦး။ စင်းမြန်မာ လိပ်စာသိလား။ မော်လမြိုင်ကို ငွေလွှဲနှုန်းမေးမလို့ ဖုန်းနံပါတ်ရှိလား စတဲ့ မေးခွန်းတွေအတွက် ပြည်ပရောက် မြန်မာတွေရဲ့ စီးပွားရေး လုပ်ငန်းတွေကို Yellow Pages မှာ ဖော်ပြပေးပါမယ်။ လောလောဆယ်တော့ စင်္ကာပူကို အဓိကထားပြီး နောက်ပိုင်း တဖြည်းဖြည်း တိုးချဲ့သွားနိုင်မယ်လို့ မျှော်လင့်ပါတယ်။
သံလွင် အတွဲ ၂ အမှတ် ၂ ကိုတော့ ဂျူလိုင်လထဲမှာ ထုတ်ဝေနိုင်ဖို့ ကျွန်တော်တို့တွေ ကြိုးစားနေကြပါတယ်။ စာမူပေးပို့သူများ အားလုံးကို ကျေးဇူးတင်ပါတယ်။ ထပ်မံပြီး စာမူပေးပို့လိုသူတွေ အနေနဲ့ ဇူလိုင် ၇ ရက်နေ့ နောက်ဆုံးထားပြီး thanlwinainmat@gmail.com ကို ပေးပို့နိုင်ပါတယ်။ သံလွင်ကို အသွင်ပြောင်းတဲ့အနေနဲ့ အတွဲ ၂ အမှတ် ၁ ဆိုပြီး ကျွန်တော်တို့ လုပ်ခဲ့တာကို မှတ်မိကြမှာပါ။ အခု သံလွင် အတွဲ ၂ အမှတ် ၂ .. (ကျွန်တော်တို့ ခေါ်ကြတဲ့ Code name ကတော့ သံလွင် 2.2 ) ကိုတော့ သံလွင်ဒေါ့ကွန်းမှာ တပါတည်း ထည့်သွင်းမှာပါ။ ဘလော့တွေမှာလိုပဲ စာဖတ်သူတွေရဲ့ အမြင်တွေကို ဖော်ပြနိုင်မယ့် ကွန်မန့်တွေပါလာမယ့်အပြင် အယ်ဒီတာတွေရဲ့ ကွန်မန့်တွေ သီးခြားပါလာမယ်။ Vote/Rating ပေးလို့ ရမယ်။ Favourite အနေနဲ့ ပေးလို့ရမယ်။ ဖတ်ပြီး ကြိုက်နှစ်သက်ရင် Del.icio.us မှာ သိမ်းလို့ ရမယ်။ ဒါမှ မဟုတ် သူငယ်ချင်းမိတ်ဆွေတွေဆီကို အီးမေးလ်ပို့ပြီး ဝေငှနိုင်မယ်။ Printer Friendly Version နဲ့ Print ထုတ်ပြီး သိမ်းထားလို့ရမယ်။ အဲလိုမဟုတ်ဘဲ soft copy နဲ့ လိုချင်ရင် Pdf version ထုတ်လို့ ရမယ်။ Rate အများဆုံး၊ လူအဖတ်အများဆုံး၊ ကွန်မန့်အများဆုံး စတဲ့ statistics တွေကိုလည်းကြည့်နိုင်မယ်။ ဒီတော့ လာမယ့် သံလွင် အတွဲ ၂ အမှတ် ၂ ဟာ ကျွန်တော်တို့ သံလွင်အိပ်မက် အဖွဲ့အတွက် တကယ့်ကို breakthrough ပါ။ အတတ်နိုင်ဆုံး ကြိုးစားထားပါတယ်။ မကြာခင်တော့ စာဖတ်သူတွေ ရှေ့မှောက်ကို အရောက်ပို့ပေးနိုင်မှာပါ။
ည ၂ နာရီ ၃ နာရီအထိ မအိပ်ဖြစ်ဘဲ ဒီပရောဂျတ်တွေထဲ နစ်နေလို့ အိပ်ရေးပျက်တဲ့ ရက်တွေ များနေပါပြီ။ ဒါပေမယ့် သံလွင်ဒေါ့ကွန်းရဲ့ အောင်မြင်မှု၊ သံလွင်အိပ်မက်ရဲ့ အောင်မြင်မှုကို မဝေးတော့တဲ့ အချိန်မှာ တွေ့ရတော့မယ်ဆိုတဲ့ မျှော်လင့်ချက်နဲ့ ... ။
