Jul 3, 2008

သံလွင်ဒေါ့ကွန်း၊ သံလွင်အိပ်မက်နဲ့ ကျွန်တော်

ဒီရက်ပိုင်း ကျွန်တော် အလုပ်များနေလို့ ဘလော့ဂ်ဘက်ကို သိပ်မလှည့်ဖြစ်တဲ့ အတွက် ဘလော့ဂ်ကို လာတဲ့သူတွေ အတွက် အသစ်ဖတ်စရာ ရှားပါးနေရတာကို အားနာမိပါတယ်။ လတ်တလော ကျွန်တော် ပရောဂျတ် သုံးခု တပြိုင်တည်း လုပ်နေပါတယ်။ သံလွင်ဒေါ့ကွန်း၊ သံလွင်အိပ်မက်နဲ့ နောက်တစ်ခုပါ (ဒါကတော့ သိပ်ပီပီပြင်ပြင်မလုပ်ရသေးတဲ့အတွက် ထုတ်မပြောသေးပါဘူး။ သြဂုတ် သို့ စက်တင်ဘာလောက်တော့ ပြီးမယ် မှန်းပါတယ်)။ ဟိုးအရင်က သံလွင်ဒေါ့ကွန်းကို SG based Web Portal အနေနဲ့ အရင် စလုပ်ခဲ့ပြီး သံလွင်အိပ်မက်ကို သံလွင်ဒေါ့ကွန်းရဲ့ အစိတ်အပိုင်းတစ်ခုအနေနဲ့ ပြုလုပ်ခဲ့ရာက နောက်ပိုင်းမှာ သံလွင်အိပ်မက်ကိုပဲ အားစိုက်လုပ်ဖြစ်ခဲ့ပါတယ်။ အဲဒီမှာ သံလွင်ဒေါ့ကွန်း မှေးမှိန်သွားပြီး ခဏတာ ပိတ်ထားခဲ့ပါတယ်။ အခုတော့ သံလွင်ဒေါ့ကွန်းကို သွားတာနဲ့ သံလွင်အိပ်မက်ကို ရောက်သွားမှာပါ။ မကြာခင်ကာလမှာတော့ သံလွင်ဒေါ့ကွန်း ပြန်လာပါမယ်။ သံလွင်ဒေါ့ကွန်းကို မကြာခင်ထွက်မယ့် သံလွင်အိပ်မက် အတွဲ ၂ အမှတ် ၂ နဲ့အတူ သို့မဟုတ် အနည်းငယ်စောပြီး release လုပ်ပါမယ်။

သံလွင်ဒေါ့ကွန်းမှာ ဘာတွေပါလာမလဲဆိုရင် ပုံမှန် web portal တွေမှာ ပါနေကျအတိုင်း ဖိုရမ်ပါမယ်။ သံလွင်စကားဝိုင်းကို သံလွင်အိပ်မက်ဘလော့ကနေ ဖိုရမ်ကို ရွေ့ပါမယ်။ ဧည့်စာအုပ် (Guestbook) ပါမယ်။ သတင်းတွေ ပါမယ်။ အဆင်သင့်ရင် သင့်သလို သတင်းတွေကို update လုပ်သွားမှာပါ။ ပြီးတော့ News Feed ပါမယ်။ အဲဒါက မြန်မာပြည်နဲ့ ပတ်သက်တဲ့ သတင်းတွေကို RSS Feed ပေးတဲ့ နေရာတွေကနေ အလိုလို လှမ်းဆွဲပြီး ပြမှာပါ။ သဘောက Google News သွားလိုက် Yahoo News သွားလိုက် လုပ်ပြီး Myanmar, Burma စတဲ့ Keyword တွေနဲ့ တကူးတက သွားဖတ်စရာ မလိုတော့ပါဘူး။ အဲလိုသတင်းတွေကို ဖတ်လို့ ရအောင် http://news.thanlwin.com ဆိုပြီး sub-domain တစ်ခု ဖန်တီးပေးသွားမှာပါ။ ဒီ News Feed မှာ ပါမယ့် နောက်တစ်ခုက Myanmar Blog Feed ပါ။ ကျွန်တော်တို့ကို စာရင်းပေးထားမယ့် မြန်မာဘလော့ရဲ့ ပို့စ်တွေကို ပို့စ်အသစ်တင်တာနဲ့ သူ့အလိုလို ဖော်ပြပေးပါမယ်။ စိတ်ပါဝင်စားသူ ဘလော့ဂါများ ဒီပို့စ်ရဲ့ ကွန်မန့်မှာ ဘလော့လိပ်စာ ထားခဲ့ပေးပါ။ လောလောဆယ်တော့ သတင်းတွေနဲ့ ဘလော့တွေကို ရောထားပါတယ်။ နောက်ပိုင်းမှာတော့ ဘလော့တွေ သိပ်များလာရင် သက်သက်စီခွဲထားဖို့ စဉ်းစားထားပါတယ်။ subdomain ကိုလည်း http://blogs.thanlwin.com ဆိုပြီး လုပ်မယ်လို့ တွေးထားပါတယ်။ နောက်တစ်ခုက Today in History ဆိုတဲ့ စိတ်ဝင်စား စရာ ကဏ္ဍပါ။ ဒီနေ့ဟာ သမိုင်းက ဘယ်လိုနေ့စွဲမျိုးလဲ ဆိုတာ ကြည့်လို့ရပါတယ်။ ကမ္ဘာပေါ်က အထင်ကရနေ့စွဲတွေနဲ့အတူ မြန်မာပြည်နဲ့ သက်ဆိုင်တဲ့ အထင်ကရ နေ့စွဲတွေကို တဖြည်းဖြည်းချင်း update လုပ်သွားပါမယ်။ ဥပမာ - ၇ ဇူလိုင်၊ ၁၉ ဇူလိုင်၊ ဖေဖော်ဝါရီ ၁၂၊ သြဂုတ် ၈ စသဖြင့်ပေါ့။ နောက်ကဏ္ဍတစ်ခုက Web Links ပါ။ ဒါကတော့ စိတ်ဝင်စားဖို့ကောင်းတဲ့ web site တွေ၊ ပညာရေး၊ ဘာသာရေး၊ ဂီတ၊ သတင်း စသဖြင့် အသုံးဝင်နိုင်မယ့် web site တွေကို Web Directory တစ်ခု ဖန်တီးထားမှာပါ။ နောက်ဆုံး ကဏ္ဍကတော့ မြန်မာတွေအတွက် Yellow Pages ပါ။ ဒေါ်သန်းသန်းနုဆိုင် ဖုန်းနံပါတ်ပေးပါဦး။ စင်းမြန်မာ လိပ်စာသိလား။ မော်လမြိုင်ကို ငွေလွှဲနှုန်းမေးမလို့ ဖုန်းနံပါတ်ရှိလား စတဲ့ မေးခွန်းတွေအတွက် ပြည်ပရောက် မြန်မာတွေရဲ့ စီးပွားရေး လုပ်ငန်းတွေကို Yellow Pages မှာ ဖော်ပြပေးပါမယ်။ လောလောဆယ်တော့ စင်္ကာပူကို အဓိကထားပြီး နောက်ပိုင်း တဖြည်းဖြည်း တိုးချဲ့သွားနိုင်မယ်လို့ မျှော်လင့်ပါတယ်။

သံလွင် အတွဲ ၂ အမှတ် ၂ ကိုတော့ ဂျူလိုင်လထဲမှာ ထုတ်ဝေနိုင်ဖို့ ကျွန်တော်တို့တွေ ကြိုးစားနေကြပါတယ်။ စာမူပေးပို့သူများ အားလုံးကို ကျေးဇူးတင်ပါတယ်။ ထပ်မံပြီး စာမူပေးပို့လိုသူတွေ အနေနဲ့ ဇူလိုင် ၇ ရက်နေ့ နောက်ဆုံးထားပြီး thanlwinainmat@gmail.com ကို ပေးပို့နိုင်ပါတယ်။ သံလွင်ကို အသွင်ပြောင်းတဲ့အနေနဲ့ အတွဲ ၂ အမှတ် ၁ ဆိုပြီး ကျွန်တော်တို့ လုပ်ခဲ့တာကို မှတ်မိကြမှာပါ။ အခု သံလွင် အတွဲ ၂ အမှတ် ၂ .. (ကျွန်တော်တို့ ခေါ်ကြတဲ့ Code name ကတော့ သံလွင် 2.2 ) ကိုတော့ သံလွင်ဒေါ့ကွန်းမှာ တပါတည်း ထည့်သွင်းမှာပါ။ ဘလော့တွေမှာလိုပဲ စာဖတ်သူတွေရဲ့ အမြင်တွေကို ဖော်ပြနိုင်မယ့် ကွန်မန့်တွေပါလာမယ့်အပြင် အယ်ဒီတာတွေရဲ့ ကွန်မန့်တွေ သီးခြားပါလာမယ်။ Vote/Rating ပေးလို့ ရမယ်။ Favourite အနေနဲ့ ပေးလို့ရမယ်။ ဖတ်ပြီး ကြိုက်နှစ်သက်ရင် Del.icio.us မှာ သိမ်းလို့ ရမယ်။ ဒါမှ မဟုတ် သူငယ်ချင်းမိတ်ဆွေတွေဆီကို အီးမေးလ်ပို့ပြီး ဝေငှနိုင်မယ်။ Printer Friendly Version နဲ့ Print ထုတ်ပြီး သိမ်းထားလို့ရမယ်။ အဲလိုမဟုတ်ဘဲ soft copy နဲ့ လိုချင်ရင် Pdf version ထုတ်လို့ ရမယ်။ Rate အများဆုံး၊ လူအဖတ်အများဆုံး၊ ကွန်မန့်အများဆုံး စတဲ့ statistics တွေကိုလည်းကြည့်နိုင်မယ်။ ဒီတော့ လာမယ့် သံလွင် အတွဲ ၂ အမှတ် ၂ ဟာ ကျွန်တော်တို့ သံလွင်အိပ်မက် အဖွဲ့အတွက် တကယ့်ကို breakthrough ပါ။ အတတ်နိုင်ဆုံး ကြိုးစားထားပါတယ်။ မကြာခင်တော့ စာဖတ်သူတွေ ရှေ့မှောက်ကို အရောက်ပို့ပေးနိုင်မှာပါ။

ည ၂ နာရီ ၃ နာရီအထိ မအိပ်ဖြစ်ဘဲ ဒီပရောဂျတ်တွေထဲ နစ်နေလို့ အိပ်ရေးပျက်တဲ့ ရက်တွေ များနေပါပြီ။ ဒါပေမယ့် သံလွင်ဒေါ့ကွန်းရဲ့ အောင်မြင်မှု၊ သံလွင်အိပ်မက်ရဲ့ အောင်မြင်မှုကို မဝေးတော့တဲ့ အချိန်မှာ တွေ့ရတော့မယ်ဆိုတဲ့ မျှော်လင့်ချက်နဲ့ ... ။

5 comments:

Swe Swe said...

Excellent, Nyi Nyi... Wish u all the best for ur group...Nay Phone Latt will be very happy to know that u guys are working hard for the success of Thanlwinainmat...

ဂျစ်တူး - gyit_tu said...

ညီညီ .. အကြံအစည်လေး ကောင်းတယ် ။

အမ ဘလောဂ့်လိပ်စာ ပေးတယ် မှတ်လိုက်ပါး)

free online lottery said...

It could challenge the ideas of the people who visit your blog.

စပ်မိစပ်ရာ said...

စပ်မိစပ်ရာကို စာရင်းသွင်းပါတယ် ခင်ဗျာ

Anonymous said...

ကျွန်တော့် Blog လိပ်စာလေးထားခဲ့ပါရစေ။
သံလွင် 2.2 ကိုလည်း စောင့်မျှော်နေပါတယ်။
အားလုံး OK ပါစေ။
www.naunglwanaung.blogspot.com

NL :)