ငိုက်ချင်ယောင် ဆောင်နေလိုက်တယ်
မသိလိုက် မသိဘာသာပေါ့
ကြာတော့လည်း အကျင့်ပါလာတာ မဆန်းဘူး
အရပ်ကူပါ လူဝိုင်းပါ
ငါ လုပ်မလား သူ လုပ်မလား စောင့်ရင်း
ဟို လက်ညှိုးထိုး ဒီ လက်ညှိုးထိုး
မိုးခါးရေတွေက အလျှံအပယ်
ပြီးစလွယ်လုပ် ကြုံသလိုစခန်းသွား
ခပ်ပါးပါးလေး ပြုံးပြပြီး
ကူညီပါရစေ လို့ လောကွတ်ချော်
ပျော်ပျော်နေသေခဲတဲ့
ရူးချင်ယောင်ဆောင်
ကြောင်တောင်တောင်မျက်နှာပေးနဲ့
မပြီးနိုင် မစီးနိုင် မဟာဇာတ်တော်ကြီးကို အားပေးဖို့
ငိုက်မြည်းရာက ကမန်းကတန်းထပြီး လက်ခုပ်တဖြောင်းဖြောင်းတီးလိုက်တယ်
တစ်နိုင်ငံလုံး ဆူညံပွက်လောကို ရိုက်ရော .. ။ ။
ညီမင်းနိုင်
Apr 3, 2008
ဇာတ်ပွဲ
Subscribe to:
Post Comments (Atom)
2 comments:
တကယ်ကောင်းတဲ့ ကဗျာလေးပါ ကိုညီညီ။
ညီညီတို့ ကဗျာတွေကတော့ ပြောစရာမလို ..း)
Post a Comment