Oct 3, 2008

စည်းအပြင်ကလူ

အဲလ်ဘတ်ကမူးရေးတဲ့ စည်းအပြင်ကလူ (Outsider) အကြောင်းရေးမှာ မဟုတ်သလို ကျွန်တော့်သူငယ်ချင်း ကိုဖြိုးရဲ့ စည်းအပြင်ကလူ ဆိုတဲ့ ဘလော့နဲ့လည်း မသက်ဆိုင်ပါဘူး။ လက်ရှိ အလုပ်က အကြောင်းအရာလေး တချို့ကို ရေးချင်တာပါ။ တခါက စီဘောက်စ်မှာ အလုပ်အကြောင်းတွေ ရေးပါလားဆိုပြီး တစ်ယောက်က အကြံပေးဘူးတယ်။ ရေးဖို့ စိတ်ကူးရှိခဲ့ပေမယ့် အကြောင်းမတိုက်ဆိုင်လို့ မရေးဖြစ်ဘူး ဆိုပါတော့။

၂၀၀၇ ဇူလိုင်လ ၁၁ ရက်မှာ ဒီအလုပ်ကို စ၀င်ခဲ့တော့ အခုဆို ဘာလိုလိုနဲ့ တစ်နှစ်ကျော် ရှိပါပြီ။ Job Title ကတော့ System Analyst ပေါ့။ ၆ နှစ်လောက် စင်္ကာပူမှာ အလုပ် လုပ်ဖူးခဲ့သမျှ အတွေ့အကြုံအရတော့ Software Developer ဖြစ်ဖြစ်၊ Software Engineer ဖြစ်ဖြစ်၊ System Analyst ဖြစ်ဖြစ် သံတူကြောင်းကွဲ အမည်သာကွဲပေမယ့် လုပ်ရတာကတော့ သိပ်မကွာလှပါဘူး။ လုပ်သက်များရင် ကုမ္ပဏီ ခပ်သေးသေးမှာ လုပ်တဲ့အခါ Senior ရာထူး ရတတ်ပြီး ကုမ္ပဏီကြီးတွေမှာတော့ တော်ရုံနဲ့ Senior ပေးလေ့ မရှိပါဘူး။ အခုအလုပ်မှာလည်း စင်္ကာပူက အိုင်တီအလုပ်တို့ ထုံးစံအတိုင်း ကန်ထရိုက် (contract) နဲ့ လုပ်ရတာပါ။ အလုပ်မ၀င်ခင်ကတော့ ၆လ ကန်ထရိုက်မို့ မလုပ်ချင်ပါဘူး။ ဒါပေမယ့် အေးဂျင့်က ၆လလောက် လုပ်ပြီးရင် အမြဲတမ်းဝန်ထမ်း (Permanent Staff) ပြောင်းချင် ပြောင်းလိမ့်မယ်လို့ မက်လုံးပေးတာရယ် ရမယ့် လခက ကိုယ်မှန်းထားသလောက် ဖြစ်နေတာရယ်ကြောင့် ၀င်လုပ်ဖြစ်ခဲ့တယ်။

ကျွန်တော့်ကို အင်တာဗျူးလုပ်ခဲ့တဲ့ ပရောဂျတ်မန်နေဂျာနဲ့ကလည်း အတော်လေး အဆင်ပြေပါတယ်။ သူက မလေးရှားမှာ မွေးတဲ့ တရုတ်အမျိုးသားပါ။ ကျွန်တော်တို့က Client ရဲ့ ရုံးမှာ အဖွဲ့လိုက်လာပြီး လုပ်ရတာပါ။ ကျွန်တော်တို့လိုပဲ HP ၊ Accenture ၊ Avanade ၊ NCS စတဲ့ အခြား IT Vendor တွေလည်း ရှိပါတယ်။ ပရောဂျတ် မန်နေဂျာကတော့ ကိုယ့်ကို ကန်ထရိုက်နဲ့ လုပ်နေတဲ့လူဆိုပြီး ခွဲခြား ဆက်ဆံတာမျိုး မရှိပါဘူး။ အဲဒီတုန်းက ကျွန်တော်ရယ်၊ အဖွဲ့ထဲမှာ အတူ အလုပ်လုပ်တဲ့ အိန္ဒိယအမျိုးသမီး နှစ်ယောက်ရယ်က ကန်ထရိုက်နဲ့ လုပ်ကြတဲ့သူတွေပါ။ နောက်တော့ ပရောဂျတ် မန်နေဂျာက OCBC ဘဏ်ကို အလုပ်ပြောင်းသွားတယ်။ အတူ လုပ်ခဲ့တဲ့ အိန္ဒိယအမျိုးသမီးကလည်း JP Morgan မှာ အမြဲတမ်းဝန်ထမ်း အနေနဲ့ အလုပ်ရသွားတော့ ပြောင်းသွားတယ်။

ပရောဂျတ် မန်နေဂျာအသစ်က အမျိုးသမီးပါ။ လူမှုရေးနားမလည်သလို အလိုက်ကန်းဆိုးလည်း မသိပါဘူး။ သူ့အတွက် အလုပ်ပြီးဖို့က လိုရင်းပါ။ တခြား ကိစ္စ တွေကို လူသားဆန်ဆန် သိပ်မတွေးပါဘူး။ သူရောက်လာပြီးကတည်းက တစ်ဖွဲ့လုံးဟာ အဖွဲ့ငယ်လေးတွေ ကွဲသွားတယ်။ ပရောဂျတ် မန်နေဂျာ အသစ်က စလုံး (စင်္ကာပူနိုင်ငံသား) ဆိုတော့ အခြား စလုံး အမျိုးသမီး နှစ်ယောက်နဲ့ပဲ အဖွဲ့ကျလေ့ရှိတယ်။ သူ ပြောင်းလာကာစက နေ့လည်စာကို တစ်ဖွဲ့လုံး အတူသွားစားကြတဲ့အခါ ဘာစကားမှ မပြောဘဲ ငြိမ်နေပါတယ်။ သူက ဘာမှ မပြောဘဲနေနေတော့ ကျန်တဲ့သူတွေက ဘာအသံမှ မထွက်တော့ဘူး။ ပြောင်းလာကာစ နည်းနည်းရှိန်နေသေးလို့လားလို့ ထင်မိပေမယ့် နောက်ပိုင်းလည်း အဲလိုပါပဲ။ ဒီလိုနဲ့ တစ်ဖွဲ့လုံးအတူ နေ့လည်စာ သွားစားတယ် ဆိုတာ အတော့်ကို နည်းသွားပြီး ကျွန်တော်လည်း ကိုယ့်ဟာကိုယ် သွားစားဖြစ်တာ များလာတယ်။ နောက်ပိုင်းမှာ နေ့လည်စာကို ကျွန်တော်တို့နဲ့ ကုမ္ပဏီတူပေမယ့် အခြား အဖွဲ့တစ်ခုက အိန္ဒိယအမျိုးသား တစ်ယောက်နဲ့ တစ်ပတ်ကို တစ်ခါ နှစ်ခါလောက် သွားစားဖြစ်တယ်။ သူကလည်း နိုင်ငံရေး စိတ်ပါတော့ သူနဲ့ နေ့လည်စာ အတူစားကြတဲ့အခါ စားရင်းသောက်ရင်း နိုင်ငံရေး အကြောင်းတွေ၊ ကမ္ဘာ့ရေးရာတွေချည်း ပြောနေမိတာပဲ များတယ်။

ကျွန်တော်တို့ အဖွဲ့မှာ ရှိတာမှ လူ ၇ ယောက်ထဲကို အိန္ဒိယအုပ်စု ၊ စလုံးအုပ်စုနဲ့ ကျွန်တော် တစ်ယောက်တည်း မြန်မာ ဆိုပြီး သုံးစု ကွဲသလို ဖြစ်လာတယ်။ အိန္ဒိယအမျိုးသား နှစ်ယောက်ကလည်း အားအားရှိ ဆေးလိပ်ဆင်းသောက်မယ် ဆိုတာချည်းပဲ။ ကျွန်တော့်မှာ ဆေးလိပ်လည်း မသောက်တတ် နေ့လည်စာလည်း အတူ ထွက်မစားဖြစ်ကြတော့ အလုပ်ကိစ္စက လွဲရင် စကားအပို မပြောဖြစ်တော့ဘူး။ တခါတခါ အလုပ်ပါးတဲ့ ရက်၊ ရေးထားတဲ့ ပရိုဂရမ်တွေကို User တွေ အဆင်ပြေမပြေ စစ်နေတုန်း စောင့်နေရတဲ့ရက်တွေမှာဆို မနက် ရုံးလာ၊ သတင်းဖတ်၊ အီးဘွတ်ခ်လေး ဘာလေးဖတ်၊ နေ့လည်စာ တစ်ယောက်တည်း သွားစား၊ ဘလော့ဂ်တွေ ဖတ်၊ ဘလော့ဂ်ရေး၊ ကွန်ပျူတာနဲ့ ပတ်သက်တာလေးတွေ လေ့လာစရာ ရှိတာ လေ့လာ၊ ညနေ အိမ်ပြန်နဲ့ တစ်နေ့လုံး ဘယ်သူနဲ့မှ စကားတစ်ခွန်းတောင် မပြောဖြစ်ဘူး။ ပရောဂျတ် မန်နေဂျာကလည်း လုပ်စရာရှိရင် အီးမေးလ် ပို့ထားသေးတယ်။ အဲဒီ အီးမေးလ်ကို မစစ်မိရင် သူခိုင်းထားတာကို မလုပ်သေးဘူးလား ဘာလုပ်နေလဲ ဆိုပြီး ရစ်ဦးမယ်။ အမှန်က သူထိုင်တဲ့ နေရာနဲ့ ကျွန်တော် ထိုင်တဲ့ နေရာက ၁ ကိုက်လောက်ပဲ ကွာမယ်။ အဲဒါကို လှမ်းပြောရင် ရသားနဲ့ မပြောဘူး။ ဒီအလုပ်မှာ လုပ်ရတာ အတော့်ကို စိတ်ပျက်မိတယ်။

အဲဒီလို စည်းအပြင်ကို ရောက်နေသလို ခံစားမိစေတဲ့ အဖြစ်အပျက်တစ်ခုလည်း ရှိသေးတယ်။ အလုပ်ဝင်ပြီး ၄ လ လောက်အကြာမှာ ကျွန်တော့် မွေးနေ့ ရောက်လာပါတယ်။ ကျွန်တော်တို့ အဖွဲ့မှာ တစ်ယောက်ယောက် မွေးနေ့ရှိတယ် ဆိုရင် မွေးနေ့ကတ်တစ်ခု အပေါ်မှာ အားလုံး ဆုတောင်းတွေ ရေး နာမည်တွေ ထိုးနဲ့ လုပ်လေ့ ရှိတယ်။ မှတ်မှတ်ရရ ကျွန်တော့်လိုပဲ အောက်တိုဘာထဲမှာ မွေးတဲ့သူ နှစ်ယောက်အတွက် ဆုတောင်း ရေးခိုင်းလို့ ရေးပေးခဲ့ရသေးတယ်။ သူများတွေအတွက် ဆုတောင်းတွေ ကတ်ပေါ်မှာ ရေးပေးခဲ့ရပေမယ့် ကျွန်တော့် မွေးနေ့မှာ ဘာတစ်ခုမှ မရခဲ့ဘူး။ ဘာလဲ။ ကန်ထရိုက်နဲ့ လုပ်တဲ့ လူမို့ ဒီလို လုပ်တာလား။ ဒီကတ်လေး တစ်ခု ပိုသုံးလိုက်လို့ သူတို့ ဘယ်လောက်များ ကုန်ကျသွားမလဲ။ စိတ်ထဲမှာတော့ ဒဏ်ရာ ခပ်ပြင်းပြင်း တစ်ခု ရလိုက်တယ်။ ဘာမှတော့ မပြောဖြစ်ဘူး။

အလုပ်မှာက အပတ်စဉ် ကြာသပတေးနေ့တိုင်း မနက် ၉ နာရီမှာ အဖွဲ့အစည်းအဝေးလုပ်တယ်။ အဖွဲ့ရဲ့ နည်းပညာပိုင်း ခေါင်းဆောင်က အလုပ်ကို အမြဲ နောက်ကျမှ လာတတ်တယ်။ ကြာသပတေးနေ့ လုပ်တဲ့ အစည်းအဝေးတွေမှာ တခြားသူတွေ အထူးသဖြင့် စလုံးတွေ မရောက်သေးရင် ၉ နာရီမှာ မစဘူး။ သူတို့ ရောက်မှ စတယ်။ နည်းပညာပိုင်း ခေါင်းဆောင် အိန္ဒိယအမျိုးသား နောက်ကျတဲ့အခါ ပရောဂျတ် မန်နေဂျာက မသိချင်ယောင်ဆောင်နေတယ်။ အဲ.. ကျွန်တော်များ နောက်ကျလို့ကတော့ အစည်းအဝေး မပြီးခင်မှာ "အခုတလော တချို့အဖွဲ့သားတွေ အလုပ်ကို နောက်ကျမှ လာတယ်။ အလုပ်ချိန်က ၈ နာရီခွဲ ဖြစ်လို့ အားလုံး အချိန်မီ ရောက်အောင် လာကြပါ" ဘာညာနဲ့ စောင်းမြောင်းပြီး ပြောတော့တာပဲ။ တခါကတော့ အမြင်ကတ်လို့ တစ်ပတ်လုံး ၈ နာရီခွဲ အတိ ရုံးရောက်အောင် သွားပစ်လိုက်တယ်။ ဘယ်သူမှဖြင့် မရောက်သေးဘဲနဲ့။ ပရောဂျတ် မန်နေဂျာက ၈ နာရီ ၄၀ .. ၄၅ မိနစ်လောက်မှ လာတယ်။ သူ မရောက်ခင် ကျွန်တော် ရောက်နေတာ သိသားပဲ။ ဒါပေမယ့် ဘာမှ အသိအမှတ်ပြုတာမျိုး မလုပ်ဘူး။ ရတယ်လေ။ အဲဒီ နောက်ပိုင်း ကျွန်တော် ရုံးကို ကြာသပတေးနေ့က လွဲရင် အရင်ကအတိုင်းပဲ ၉ နာရီနဲ့ ၉ နာရီခွဲကြားပဲ ရောက်အောင် သွားတော့တယ်။ မကျေနပ်ဘူးလား။ မတတ်နိုင်ဘူး။ ဆောရီးပါပဲ။

အခု ပရောဂျတ် မန်နေဂျာ လက်အောက်မှာ လုပ်နေရတာ အာဏာရှင်လက်အောက်မှာ နေ နေရသလိုပဲ။ ဘယ်လိုလုပ်လုပ် အလုပ်ထဲ မပျော်ဘူး။ သူ ရုံးမလာတဲ့ နေ့ရက်မျိုး၊ သင်တန်းသွားတက်နေရတဲ့ နေ့ရက်မျိုးဆို တစ်ဖွဲ့လုံး ဖရီးရိုက်တော့တာပဲ။ စိတ်လည်း အတော်လေး ပေါ့ပါးတယ်။ ဒီ ပရောဂျတ် မန်နေဂျာရဲ့ ပြဿနာက မချီးကျူးတတ်တာပဲ။ ဘယ်လောက်ခက်ခဲတာ ဖြစ်ဖြစ် ဖြေရှင်းပေးလိုက်တဲ့အခါ သြော်.. အင်း အင်းနဲ့ မသိချင်ယောင်ဆောင်တတ်တယ်။ အမှားများ လုပ်မိလို့ကတော့ ပြောမဆုံးတော့ဘူး။ ပြီးခဲ့တဲ့ လကလည်း ကျွန်တော့်ကို တာဝန်ပေးထားတဲ့ အလုပ်အပြင် တစ်ဖွဲ့လုံးက ရေးထားတဲ့ PL/SQL Script တွေကို ဆာဗာပေါ် မပြောင်းခင် စစ်ပေးပြီး ဘယ်မှာ မှားနေသလဲ ဆိုတာ ပြပေးတဲ့ Utility တစ်ခုကို ကျွန်တော် ထပ်ရေးရတယ်။ ခပ်လွယ်လွယ် မဟုတ်ဘူး။ အတော်လေး အားစိုက် ရေးခဲ့ရတယ်။ ဒါပေမယ့် ဘာမှ appreciate မလုပ်လာဘူး။ လုပ်စရာ အလုပ်တစ်ခုကို လုပ်တာ ဘာမှ ချီးမွမ်းစရာ မလိုဘူးထင်နေလား မပြောတတ်ဘူး။ ဟိုဟာလေး ထည့်ရင် ပိုကောင်းမယ် .. ဒီဟာလေး ထပ်လုပ်နိုင်ရင် ပိုကောင်းမယ် လုပ်သေးတာ။ တခြား အလုပ်တွေ ပိနေတဲ့ မလုပ်နိုင်သယောင် မသိချင်ယောင်ဘဲ ဆောင်နေလိုက်တယ်။ လုပ်ပေးလည်း ဘာထူးဦးမှာလဲ။ လခရလို့ အလုပ် လုပ်နေတယ် ဆိုတာ မှန်ပေမယ့် စေတနာ မပါအောင် လုပ်တာ ကျွန်တော်မှ မဟုတ်ဘဲလေ။

အလုပ် ကန်ထရိုက် ၆လ ပြည့်ခါနီးတော့ မေးတယ်။ ငါ့ကို ထပ်တိုးမှာလား။ ဘယ်တော့ အမြဲတမ်းဝန်ထမ်း ပြောင်းပေးမလဲဆိုတော့ ပရိုဂရမ်မန်နေဂျာက နောက်ထပ် ၆ လ ထပ်တိုးပြီး ကြည့်တာပေါ့တဲ့။ ၁ နှစ် မပြည့်သေးဘဲ အမြဲတမ်းဝန်ထမ်း မပြောင်းချင်သေးဘူးဆိုတော့ အိုကေပေါ့။ တစ်နှစ်ပြည့်အောင်တော့ လုပ်လိုက်ဦးမယ် ဆိုပြီး ၆လ ထပ်တိုး လိုက်တယ်။ အဲဒီအချိန်မှာ ကျွန်တော်နဲ့ အတူ အလုပ်လုပ်တဲ့ အိန္ဒိယအမျိုးသမီးက အမြဲတမ်းဝန်ထမ်း ဖြစ်သွားပြီ။ ဆိုတော့ ကျွန်တော် တစ်ဖွဲ့လုံးမှာ ကျွန်တော် တစ်ယောက်တည်း ကန်ထရိုက်နဲ့ လုပ်တဲ့သူပေါ့။ စည်းအပြင်မှာ ရောက်နေတာ သေချာနေပြီပေါ့လေ။ ကျွန်တော့် နောက် ၂ လ လောက် နောက်ကျပြီး အလုပ်ဝင်တဲ့ စလုံး အမျိုးသမီးကိုတော့ ဘယ်အချိန်က အမြဲတမ်း ၀န်ထမ်း ပြောင်းပေးလိုက်မှန်းတောင် မသိပါဘူး။ အဟား.. Foreign Talent ဆိုတော့ စိတ်က မလျော့သေးဘူး။ ကျွန်တော့်အလှည့်တော့ စောင့်ရဦးမှာပေါ့လေ။ အဲ.. ၁ နှစ် ပြည့်ပြန်တော့လည်း အမြဲတမ်းဝန်ထမ်း မပြောင်းသေးပြန်ဘူးတဲ့။ နောက်ထပ် ၆ လ ပဲ ထပ်တိုးမယ် လုပ်လာပြန်ရော။ ဒီတခါတော့ ပရောဂျတ်မန်နေဂျာရဲ့ စနက်ဆိုတော အတော်လေး သေချာသလောက် ရှိသွားပြီ။ သူ အကောင်းမပြောပေးလို့ကတော့ ပရိုဂရမ်မန်နေဂျာက ဘယ်လုပ်ပေးလိမ့်မလဲ။ အဲဒါနဲ့ အေးဂျင့်ကို အမြဲတမ်းဝန်ထမ်း ပြောင်းမပေးသေးတဲ့အတွက် လခ တိုးမပေးရင် ထွက်တော့မယ် ဘာညာ လုပ်တော့မှ လခ ၅ ရာခိုင်နှုန်းတိုးတယ်။ ဟူး.. တကယ့်ကို မလွယ်ဘူး။ ထွက်မယ်။ ကန်ထရိုက် သက်တမ်းပြည့်ဖို့ကလည်း မကြာတော့ပါဘူး။ ၃ လ လောက်ပေါ့။ ဇန်န၀ါရီ ၁၀ ရက်ဆိုရင် ကန်ထရိုက်သက်တမ်းလည်း ပြည့် ကန်ထရိုက်ပြီးအောင် လုပ်တဲ့ ဘောနပ်စ်လေးယူပြီး အမြန်ဆုံး စလုံးက ခွာနိုင်အောင် ကြိုးစားတော့မယ်။ ဒီနေ့ဟာ မနေ့ကထက်တော့ တစ်ရက် ပိုနီးလာတာပဲလေ။

အောက်တိုဘာရောက်လာပြန်ပြီဆိုတော့ မနေ့ကပဲ မွေးနေ့ကတ် နှစ်ခုမှာ ဆုတောင်း ရေးပေးလိုက်တယ်။ မကြာခင် ရောက်တော့မယ့် ကျွန်တော့် မွေးနေ့အတွက်ရော ဒီတစ်နှစ်မှာတော့ ပေးလိမ့်မယ် ထင်သလား။ အဟား .. မစဉ်းစားတာဘဲ ကောင်းပါတယ်။ စည်းအပြင်မှာပဲ တိတ်တိတ်လေး ဘလော့ဂ်ရေးနေလိုက်တယ်။

မှောင်ရတဲ့ကြားထဲ
စိတ်ဓာတ်တွေက
ခရမ်းရင့်ရင့် အေးခဲ
ခွေးဟောင်သံတွေ တိတ်အောင်စောင့်လိုက်ရတာ
စည်းအပြင်ကကောင်အတွက်
ခုထိ .. အလင်းဆိုတဲ့ အရောင် မလက်သေးဘူး။

နောက်ကို လည်ပြန်ကြည့်မိတိုင်း
ကိုယ့်ခြေရာတွေက ရုပ်ရှင်ထဲကလို
အဖြူအမည်းနဲ့ နောက်ကြောင်းပြန်တယ်
စိတ်မကောင်းပါဘူး ခုလို ကြားရတာ ၀မ်းသာပါတယ်
ကွယ်.. ဘ၀ဆိုတာ လမ်းတဲ့လား
ခြေသံပြင်းပြင်းထွက်အောင် နင်းလျှောက်ခဲ့တယ်
အသံတိတ် ဖိနပ်ကို စီးရင်း။

ခေလွန်း

14 comments:

Anonymous said...

Dont' be upset. Try best as u can.
:) I ve stay silent (exactly no word) for 3 days per week usually. And only talk related abt job. :P
They are like that. Dont get reflection from them. Keep free in ur mind.

shin said...

Understand that project manager play quiet an important role in a development team! It's a very hard feeling not talking to each other at work especially when you are very stress.

Yeh! I also agree that life is easier to work under a guy manager than a lady manager! Don't worry, there are still a lot of IT job at the outside. If I were at your place, I will immediately resign. hee hee.... but bonus is worth to wait huh....

Anonymous said...

ကိုညီညီ ရေးထားတာဖတ်ပြီး အလုပ်စ၀င်ရမှာတောင် ကြောက်နေပြီ :)

Myo Win Zaw said...

ကျွန်တော်ထင်တာကတော့ ဆက်မလုပ်သင့်ဘူး ဆိုတာဘဲ ကိုယ်ကအကောင်းဆုံးလုပ်နေပေမဲ့ လူမျိုးရေးခွဲခြားသလို မတူသလိုမတန် သလိုမျိုးလုပ်ရင် လခနည်းရင်နည်း ပလေ့စေ နောက်တစ်ခုကို ပြောင်းပါ အကောင်းဆုံးက မထွက်ခင်မှာ ကိုယ့်ရဲ့ အကောင်းဆုံးသော စွမ်းဆောင်နိုင်ရည်တစ်ခုကို မှတ်မှတ်ရရ ပြသင့်အောင် ပြခဲ့ပါ စည်းကမ်းသေ၀ပ်မှုကိုလည်း ကိုယ်မထွက်ခင်မှာ အတက်နိုင်ဆုံး လုပ်ပြခဲ့ဖို့လိုမယ်ထင်တယ် မြန်မာ ဆိုတာ ကိုယ့်တာဝန်ယူမှုအပိုင်းမှာ ဒင်းတို့ထက်သာ တယ်ဆိုတာ ပြခဲ့ပါ ကိုညီညီ ခင်ဗျားဟာ လူကိုလူလို နားမလည်သူတွေထဲမှာ outsider ဖြစ်ရင်ဖြစ်နေလိမ့် ကျွန်တောတို့ကတော့ ခင်ဗျားဘက်က အားပေးနေမယ်

Life is for Success said...

ha ha,

don't upset i also like that... be brave. we are all human.... if can work on small companies better, more united and enjoyable...

All the best and HAPPY BIRTHAY NYI NYI

Anonymous said...

Nyi Nyi,
I know how difficult to deal with the selfish supervior who doesn't understand the value of others. Learn this lesson and try not to be like her when you are at her position, which you will be in very near future.

Anonymous said...

ညီညီ .. အဲလို မန်နေဂျာအောက်မှာ လုပ်ရတာ တော်၂ စိတ်ပျက်စရာဆိုတာ စဉ်းစားကြည့်လို့ရတယ် ။ မင်း အတွက် ရွေးချယ်ဖို့အခွင့်အလမ်း ပေါ်လာမယ့် ရက် မဝေးတော့ပါဖူး ။ အကြောင်းအမျိုး၂ကြောင့် သည်းခံ စောင့်ရမယ်ဆိုတဲ့အခြေအနေဖြစ်နေရင် စောင့်လိုက်တာ အကောင်းဆုံး ဖြစ်မယ် ထင်တယ် ။

နို့မဟုတ်ရင်တော့ ကိုယ်စိတ်မပျော်တဲ့နေရာ ၊ ကိုယ့်အရည်အချင်းကို အသိအမှတ်မပြုတဲ့နေရာ မှာ တို့ တတွေ လုပ်နိုင်တာ ၂ နည်းပဲ ရှိတယ် .... ကိုယ့်အရည်အချင်းကို အသိအမှတ်ပြုလာအောင် တန်ပြန် တုံ့ပြန်ရမယ် ... အဲလိုမှ မရသေးရင် အဲဒီပတ်ဝန်းကျင်ကို ကျောခိုင်းပြီး တခြားနေရာကနေ ထိုးဖောက်ဖို့ပဲ ။

ဒါနဲ့ ကြို ပြောထားလိုက်မယ် .. ကောင်းသောမွေးနေ့ ဖြစ်ပါစေ ညီညီ :)

ညီညီ(သံလွင်) said...

အခုလို အားပေးကြသူတွေ၊ အကြံဥာဏ်ပေးကြသူတွေ၊ မွေးနေ့အကြိုဆုတောင်းပေးသူတွေ အားလုံးကို လှိုက်လှိုက်လှဲလှဲ ကျေးဇူးတင်ပါတယ်။ အရင်ကလို စိတ်မျိုးနဲ့ဆို ဒီလို ဖြစ်လာရင် အလုပ်ကနေ ချက်ချင်း ထွက်လိုက်မှာပါပဲ။ ထွက်ခဲ့ဖူးတာတွေလည်း ရှိတယ်။ ဒါပေမယ့် အခု ကျွန်တော်က တကိုယ်တည်းသမား မဟုတ်တော့ဘူး ဆိုတော့ အများကြီး စဉ်းစားရပါတယ်။ နောက်ပြီး စင်္ကာပူက ခွာနိုင်အောင် ကြိုးစားထားတာလည်း မကြာမီ ကာလတစ်ခုမှာ အဆင်ပြေတော့မယ်လို့ ယူဆတဲ့အတွက် အဲဒီ မတိုင်ခင် အလုပ်မပြောင်းချင်တော့တာလည်း ပါပါတယ်။ နက်ဖြန်တော့ ခွင့်ယူထားတယ်။ မွေးနေ့မှာ အလုပ်က stress တွေ မလိုချင်ဘူးလေ။ နက်ဖြန်တော့ ပို့စ်တစ်ခုခု ရေးဖြစ်မယ် ထင်ပါရဲ့။

Mr.Pooh @ မောင်ပွတ် said...

သံလွင်အတွက် အချိန်ပြည့်အာရုံစိုက်နေရင်းကပဲ အခုလို ဆောင်းပါးရှည်တွေ ဆက်တိုက်ရေးနေဖြစ်လို့ ဝမ်းသာမိပါတယ်။ တခါတလေတော့လည်း ပို့စ်အသစ်ဖတ်ရဖို့ မေ့လောက်အောင် ကြာတတ်တာကိုး။ ဒါပေါ့လေ .. တကိုယ်တည်းသမားမှ မဟုတ်တော့ဘဲ။း)

TZA said...

ညီညီ၊ ကိုယ်ချင်းစာပါတယ်၊ ဒီလိုပတ်ဝန်းကျင်မှာ လုပ်ပျော်မှာမဟုတ်ဘူး။ ဘယ်ပဲပြောင်းပြောင်း အလုပ်ဖော်တွေနဲ့ ပြေပြေလည်လည်ရှိပြီး အလုပ်မှာပျော်တဲ့လူတစ်ယောက် ဖြစ်ပါစေဗျာ။

ဘိုင်သဝေး၊ ပျော်ရွှင်ဖွယ်မွေးနေ့ဖြစ်ပါစေ။

Anonymous said...

Ko Nyi Nyi,

Me too. On previous Jan, no birthday celebration in our company. Don't know forget or purposely. Total 8 persons who born in Jan are not happy. On Feb, when they celerate for Feb born, we (8 persons) don't go. HR Manager call to come, we reply - no celebration for us, why we should celerate for others.haha

But ur case is worse bcaz only u. Just quit. Many jobs for us in singapore. :P

kay khaing

M.Y. said...

မပြည့်ဝတဲ့တစ်ချို့ သော ၊ စင်္ကာပိုရီးယန်း တွေရဲ့  စရိုက် ပါပဲ။
ကိုညီညီ့အတွေ့ အကြုံနဲ့ ပေါင်းရင် ကြုံရပေါင်းများပြီ..ပဲဆိုရပါတော့မည်။

ကိုပေါ said...

အေးဗျာ...ကိုယ်ချင်းစာပါတယ်။

ကျနော့်အရင်ကမန်နေဂျာလည်း သည်အတိုင်းဘဲ။ သူကယောက်ျားလည်းဖြစ်တော့ ညစ်တီးညစ်ပတ် ဆဲကလည်း ဆဲသေးတယ်။ အခုတော့ သူက ဒါရိုက်တာဖြစ်သွားပြီ။ နောက်မန်နေဂျာက သဘောကောင်းလို့ တော်ပါသေးရဲ့ဗျာ။

ဘာဘဲဖြစ်ဖြစ်ဗျာ.... စင်္ကာပူက ခွာနိုင်အောင်သာ ကြိုးစားပါ။ ဟိုတလောက ဘယ်သူ့ဘလော့ဂ်မှာလည်း မသိဘူးရေးထားတာ ဖတ်ရတယ်။ သူက.... လူကို လူလို ဆက်ဆံတဲ့ လူ့အဖွဲ့အစည်းရှိတဲ့ ဥရောပ၊ ယူအက်စ် သို့မဟုတ် အော်ဇီကို ပြောင်းချင်သတဲ့။ နေ့စဉ် အမ်အာရ်တီ စီးပြီးပြန်လာတိုင်း “Doors are closing." ဆိုတဲ့ အသံကြားရင် သူ့ကို စောင်းပြောနေတယ်လို့ ထင်မိတယ်တဲ့။

ကျနော်လည်း ကျနော့် လုပ်ငန်းဆောင်တာလေး ပြီးပြတ်တာနဲ့ စင်္ကာပူက တစက္ကန့်မဆိုင်း ခွာပြေးတော့မယ် စိတ်ကူးတယ်။ ဒီမလွတ်လပ်တဲ့ လူ့အဖွဲ့အစည်းကြီးထဲမှာ နေရတာ အသက်ရှုကြပ်သဗျာ။

Anonymous said...

same to u, Ko nyi, I hate this environment so much.Not only singaporean,but Malaysian Chinese also possess a big jealousy,very rude and always try to swop from our back.I abhor them.Keep it up.