ကျွန်တော် ဘလော့ဂ်မရေးဖြစ်တာ မနက်ဖြန်ဆို ၁လ ရှိပါပြီ။ ရေးချင်စိတ်ရှိပေမယ့် စကားလုံးတွေ ဖြစ်မလာခဲ့တဲ့ အတွက် အသစ်တွေ တစ်ခုမှ မတင်ဖြစ်တာပါ။ အခုတလောမှာတော့ ရုံးမှာ အလုပ်တွေကလည်း နှစ်ကုန်ပိုင်းမှာမှ အရင်ထက်ပိုများတာရယ်၊ အားလပ်ချိန်တွေကျတော့လည်း ဓာတ်ပုံတွေရိုက်၊ ရိုက်ထားတာတွေကို ဟိုပြင်ဒီပြင် ဒီဇိုင်းလုပ်၊ နောက်ပြီးတော့ ဗီစီဒီလုပ်နဲ့ ဘလော့ဂ်ဘက်ကို မလှည့်ဖြစ်တော့ဘူး။ လမ်းပြကြယ် စာကြည့်တိုက် အတွက် ရေးပေးနေတဲ့ ဆော့ဝဲလ်ကတော့ First Release လုပ်နိုင်ဖို့ အတော်လေး နီးစပ်လာပါပြီ။ နောက်မှပဲ အဲဒီ ဆော့ဝဲလ်ရဲ့ Screenshot တွေ တင်တော့မယ်။ အခုတော့ နှင်းတွေအစား မိုးတွေရွာနေတဲ့ စင်္ကာပူရဲ့ ဒီဇင်ဘာနောက်ဆုံးရက်တချို့ (သို့) နှစ်သစ်ရောက်ဖို့ နှစ်ရက်အလိုမှာ ရေးဖြစ်ခဲ့တဲ့ ကဗျာလေးကို တင်ပေးထားပါတယ်။
“နှစ်ရက်အလို”
လမ်းမတွေက လူတွေပေါ်ကို ဖြတ်သွားကြတယ်
လမ်းအသစ်ဖွင့်ဖို့ နှစ်ရက်အလို။
ဘ၀တွေက သုညတွေပေါ်ကို ဖြတ်သွားကြတယ်
ဘ၀အသစ်စဖို့ နှစ်ရက်အလို။
မျှော်လင့်ချက်တွေက ယုံကြည်ချက်တွေပေါ်ကို ဖြတ်သွားကြတယ်
အိပ်မက်လမ်းဆီ နှစ်ရက်အလို။
ဒီဇင်ဘာက မိုးစက်တွေပေါ်ကို ဖြတ်သွားကြတယ်
ဇန်န၀ါရီဖို့ နှစ်ရက်အလို။
ပြက္ခဒိန်တွေက သက္ကရာဇ်တွေပေါ်ကို ဖြတ်သွားကြတယ်
နှစ်သစ်သို့ နှစ်ရက်အလို။
ခေလွန်း
ဒီဇင်ဘာ ၂၉၊ ၂၀၀၇
( ဒီကဗျာက ၂၀၀၇ ခုနှစ်အတွက် နောက်ဆုံးရေးဖြစ်တဲ့ ကဗျာပါ။ )
Dec 29, 2007
နှစ်ရက်အလို
Subscribe to:
Post Comments (Atom)
No comments:
Post a Comment