ချောက်နက်ထဲမှာ
အကျဉ်းကျလိပ်ပြာ
ယုံကြည်ချက်ဗလာတွေ သော့ခတ်ထား
ငါ့အနားမှာ ငါရှိမရှိမသေချာတော့
ဒီလိုပေါ့လေ
ဘ၀ဆိုတာ
ဘောလုံးပွဲတစ်ပွဲလောက်တောင် ရေရာမှုမရှိဘူး။
မနက်ဖြန်ရဲ့လမ်းများဆိုတဲ့ ဇော်ဝင်းထွဋ်ရဲ့သီချင်းဟောင်းကို
ဟောဒီရင်ဘတ်အဟောင်းနဲ့ အသံကုန်အော်ဟစ်
စိတ်ညစ်ရင် .. ဂစ်တာတီးလို့ ဘယ်သူနားချဦးမလဲ
နှစ် ကြိုးပြတ်နေတဲ့ ဂစ်တာကို အားနာတယ်။
အဲဒီနေ့က
မိုးလေ၀သကြေညာချက်အပြီး
မှန်ထဲအမှတ်တမဲ့ကြည့်မိတော့
ခြောက်ကြိုးစလုံး ပြတ်နေတဲ့ဂစ်တာဟာ ငါဖြစ်နေတယ်။
ခေလွန်း
Aug 7, 2006
မိုးလေ၀သ
Aug 4, 2006
အသက်သည် အိပ်မက်
အသက်သည် အိပ်မက်
အိပ်မက်သည် သူ
သူသည် အသက်ဖြစ်စေ
ဆောင်းနှောင်းလျှင် နွေဦး၏
နွေဦး၌ နှင်းကြွင်းသည်
နှင်းကြွင်းပြယ်သော်လည်း
သစ္စာကြွင်းစေ
မြတ်နိုးခြင်းကြွင်းစေ
သျှပ်မှူးကျော် (ထူးအိမ်သင်)
Aug 2, 2006
အိမ်နဲ့ဝေးသောတနင်္လာနေ့အကြောင်း
အိပ်မပျော်ဘူး
စမ်းချောင်းကလေးအဖျားမှာ ဓားခုတ်သံတွေကြားရ
အပွင့်မပါသောသစ်ပင်ရဲ့
နေရောင်ခြည်များကြား
တစ်ခြမ်းပဲ့ရနံ့များလည်း
ကျွန်တော့်အပေါ် အပိုင်းပိုင်း ပြတ်ကျရာ
ခန္ဓာကိုယ်ကို ဖြေချဖို့
တို့ထိလာသောလေနှင့် လူစိမ်းများလက်ထဲ
ပွဲလမ်းသဘင်များလည်း အဆန်းတကြယ်တိတ်ဆိတ်
နယ်မြေသစ်
အမေနဲ့မြို့လေးကို ကြိုးလျှော့ပြီးထားခဲ့ရာ
ဘ၀သစ်
သစ္စာပန်းများ အိပ်ရာထနောက်ကျရာ
လောကဓံအသစ်
ဒုက္ခအသစ်နဲ့
အမှောင်ကို ဖောက်ထွင်းရတာ မောတယ်။
ကစ်(စ)မီကွစ်ပန်းကလေးရဲ့
ဆူညံသော လရောင်ခေါ်သံလမ်းကလေးအပေါ်
အတူတကွ
ကျွန်တော်က
ဆိုက်ပရပ်(စ)လမ်းပေါ်
စိုက်ဝင်နေတဲ့ ဓားမြှောင်တစ်ချောင်းဆီစိုက်လို့
လတ်တလော
ကျွန်တော့်ပြဇာတ်များ
ပူပြင်းစွာပေါင်မုန့်တစ်လုံးထဲ အစိမ်းသေခဲ့ရ။
အိမ်နဲ့ဝေးခဲ့ရာ။
ခရမ်းပြာထက်လူ
ရုပ်ရှင်တေးကဗျာ ဖေဖော်ဝါရီ ၂၀၀၁
ကျွန်တော်နဲ့တိမ်ညိုနိမိတ်
ဒီလမ်းမှာဘယ်သူ့ကိုမှ ခေါ်မသွားဘူးဆိုရင်တောင်
ကျွန်တော်နဲ့ဖိနပ်ကလေးကိုတော့ ခေါ်သွားရမှာပဲ။
ကျောက်စရစ်ခဲလေးက ပြောတယ်ဖေဖေ...
မြေပြင်က ဘာမှမပြောင်းလဲပါဘူး
ခြေထောက်တွေကသာ ပြောင်းလဲနေကြတာတဲ့။ ။
တာရာမင်းဝေ
အင်တာဗျူးဂျာနယ် အမှတ် ၈၁၊ ၂၀၀၁
Subscribe to:
Posts (Atom)
